ئادار-2005
چ بوویه!
ئه‌وێ لسه‌ر ده‌پێ شانۆیێ هشك راوه‌ستیایى
دڤێت تشته‌كى بێژیت.!
جوانیا ماچه‌كا نه بشكفتى
یا دناڤ گوهێن بێده‌نگیێ دا سه‌مایێ دكه‌ت
دناڤ باخچه‌یێن بێ به‌لگ دا
من هه‌مى ساتێن خوه ژبیركرنێ
یێن هێلاینه هلاویستى
خه‌ونه‌ك بوو ژخه‌یالێ ڤه‌قه‌تیاى
د ئه‌زه‌ل دا
ئه‌ڤ خه‌ونه تشته‌كێ مودرێن نه‌بوو
دئه‌زه‌ل دا، كه‌سێ بیر ل پیرۆزیا ماچان نه‌دكر
ماچێن دلوڤانیێ بوون
بیرێن مرۆڤى د زڤراندن
رویبارێن هنگڤینى و عه‌ره‌قێ
ماچێن عه‌شقێ بوون
من دڤیا من ماچه‌ك دگه‌ل هه‌با
جهه‌ك نه‌بوو پیاسێن خوه لێ بكه‌م
جهه‌ك نه‌بو،
خوه ل هه‌ناسێن ته ب كه‌مه خودان و
هه‌ناسه‌یێن ته ڤه‌گێرم
هه‌ناسه‌یێن شه‌ڤێن هه
هه‌لامه‌تێن بێده‌نگیا فیتیا لێ ڤه‌ده‌ن
شه‌ڤێن فێربووینه هه‌تك برنێ
شه‌ڤێن فێربووینه چێكرنا شعران
شه‌رما ژ چاڤێن ته زیزه و
جوانترین بشكورینێن ژ لێڤێن ته په‌شین
ل بیرا منن
دگه‌ل من سه‌مایێ دكه‌ن
بێده‌نگیا تاڤ زه‌ركا ئێڤاریان
تو دعه‌شقێ را حه‌مه‌ر كربوى
د كویراتیا گونه‌هان دا
ته نڤێژ بو یاخیبونێ دكرن
تو شعره‌كا د سه‌رداچویى بوى
تو شعره‌كا ب فه‌ند و فێل بوى
تو نێچیره‌كا ژ داڤێن من بهێزتر بوى
تو خانمه‌ك بوى
شعرێن منێن ئاڤز
ل هنداڤى ته د گرنژین
خه‌ونێن من
ئه‌ڤێن پێشوازیا پیرۆزیا كرى و
ئه‌ڤێن د بێده‌نگیێ دا د مالق
ئه‌ڤه ژ مێژه نینه ئه‌ز و خه‌ونێن خۆ
فێربووینه فه‌لسه‌فه‌یا شعران
من دڤێت د جوانیا شعران دا بمینم
دناڤ كتێبه‌كا به‌رپه‌رێن وێ تژى شعر
دناڤ لاپه‌رێن رۆژنامه‌كا حه‌فتیانه و
ئێك شعر به‌لاڤ دكه‌ت
شعره‌كا ژ نڤیسینا هزره‌كا من بیت
ئه‌ز بیر ل وێ چه‌ندێ بكه‌م
تو یا وێ شعرێ دخوینى
ئه‌ڤا بتنێ هند ژێ ماى ببیته ئه‌رشیڤ
ئه‌ڤا بتنێ ته هێلاى نیڤه‌رۆ
دوماهى دیمه‌ن ل سه‌ر ده‌پێ شانوێ پیاسه‌كرى و
دوماهى هه‌ناسه و بێ قفل..
ليست هناك تعليقات:
إرسال تعليق