هه‌ر ئێكى دزاروكینیا خوه دا هنده‌ك سه‌یر و سه‌مه‌ره دگه‌ل خوه كرینه بیرهاتن، زاروكینیا من ژى تشتێن سه‌یر تێدا هه‌نه، چه‌ند ئه‌ز مێریه‌كێ دبینم ئه‌ز دبێژم ئه‌و لكیرێ دنڤن؟ زاروكینیا من و بیرهاتنێن من كه‌تنه ململانێ و جارنا من دگوت پا هه‌كه ئه‌ڤه جهێ عه‌ره‌با بیت، ئاین بزمانێ وان بیت، خاندن و زمانێ فه‌رمى یێ ده‌زگه‌ها و تا ئه‌و ته‌لقینا لسه‌ر مریا ژى دهێته خاندن ب عه‌ره‌بى بیت و هه‌ر فلم كارتونێ من ته‌ماشه دكرێ، وه‌ك (سندبادى، دایسكى، ره‌جول لحه‌دیدى و ساسوكى) ژى بعه‌ره‌بى بن، پا ئه‌م كورد ژڤێ هه‌ڤكێشه‌یێ ل كیڤه‌ینه؟
هندى بێژى من كون مێرى یێن هلكولاین و لدویڤ جهێ نڤستنا وان چویم، ئه‌ز نوكه دشێم ئێك ده‌مژمێر بێى وه‌ستیان ته‌ماشه‌ى رێزكه‌كا مێریا بكه‌م و لدویڤ بچم تا به‌رێڤه‌ى كونا خوه دبن. هه‌كو سالان ئه‌ز مه‌زن كریم و بویمه خودان هه‌ڤژین، من بو ده‌مێن درێژ ته‌ماشه‌ى باژێرى دكر، ئه‌رێ پا ئه‌ز لكیرێ بنڤم و ئێكه‌م كارێ ئه‌ز پێڤه مژویل ئه‌ز لێدگه‌ریام لكیرێ بنڤم، تا من بخو نهانیه‌ك په‌یداكرى و من سه‌رێ خوه و خێزانا خوه كێشایه بن.
نوكه ئه‌ز بیروكه‌یه‌كێ دناخێ خوه‌دا په‌یره‌و دكه‌م، دا كو مروڤ یێ ئارام بیت، دڤێت جهه‌ك هه‌بیت سه‌رێ خوه لێ بدانیت! بو نڤیسینێ په‌ره‌كێ سپى و بو كارى پارچه عه‌رده‌ك و بو ئاڤاهى خانیه‌ك و یا ژ هه‌میێ گرنگتر دڤێت هه‌ر كه‌سى وه‌لاته‌ك هه‌بیت و ئه‌و وه‌لات دتژى دام و ده‌زگه‌هێن میرى بن، تو بێژى مێرى ژبلى نڤستنێ موچێ خو یێ هه‌یڤانه ژ كیرێ وه‌ربگرن.
ئه‌و هه‌ڤكێشه‌یا ئه‌ز نه‌شیایم بگه‌هینمه ئه‌نجامه‌كى، بتنێ ئێك پسیار هه‌ر گاڤ بو من لپاش دما، ئه‌و ژى ئه‌و كى یه بێ به‌رامبه‌ر ڤان هه‌مى پێدڤیان پێشكێش دكه‌ت و ببێژیت بخێرا من و بو هه‌وه و بهه‌ر وه بخو هه‌رنێ، بێى بچویكترین داخوازى ژى بكه‌ت، كو ئه‌م بده‌ستێن وان ڤه ماچى نه‌كه‌ین؟!! تو بێژى رێڤه‌به‌ر و به‌رپرسێن مه‌ژى هه‌تا كورسى بده‌ست خوه ڤه‌ئیناین پشتا ده‌ستێن چه‌ندان ماچى كرینه، و هه‌ر كورسیا نوكه ئه‌م ب واسته دگه‌هینه به‌ر پێپكێن وێ ئه‌م باجا وان ماچان دده‌ین.
%20copy.jpg)
ليست هناك تعليقات:
إرسال تعليق