تو چه‌ند یێ دنیا دیتى بى، خه‌ونێن ته ژى هندى وێ دیتنێ دێ ب دنیایێ داچن. هنده‌ك خه‌ونان ب ترومبێلێن گێچ سفر ڤه دبینن، هه‌ر ترومبێلا دبه‌ر چاڤێن وان را دبوریت ژى، چاڤێن خوه ددویڤ را دخشینن، ناڤێ وێ، مودێلا وێ، بهایێ وێ، سیكا وێ! یا گرنگ نه ئه‌وه، كا وى چ جوره ترومبێل بڤێت، یان كریه دلێ خو و هه‌ر گاڤا ژ ده‌ستان هات، دێ كیژان جورى كریت. خه‌ونێن وینه و خه‌ونێن وى ژى جیهانا وى یا روژانه نه، هه‌مى جور دڤێن، چنكو چاڤێن وى دچنێ. براستى گه‌له‌ك تشتان چاڤێن مروڤى دچنێ و مروڤ خه‌ونان بو دبینیت و خوزیا بو رادهێلیت، من بو گه‌له‌ك تشتان دگوت جانه! موزیكه و سترانه‌كا خوش، پیاسه‌كا دگه‌ل هه‌ڤاله‌كى، دیتنا كه‌سه‌كێ نێزیك، خاندنا په‌رتوكه‌كێ، یان هه‌كو ئه‌ز به‌ره‌ڤ ژیانا گوندان ڤه دچوم و هه‌ر تشته‌كێ ب به‌ر چاڤێن من كه‌فتبا، بو من یێ سه‌یر و جان بو. هنده‌ك جاران ژى به‌رێخودانا فلمه‌كى بو پتر ژ سعه‌ته‌كێ خوشیه‌ك لده‌ف من په‌یدادكر.
جانى و كرێتى دژیانا هه‌ر كه‌سه‌كى دا هه‌نه، دكاندار بزاڤێ دكه‌ت ره‌فاتكێن دكانا خوه ب تشتێن جان ب خه‌ملینیت، مێزێن فروتنا باجان سوركان ژ جانى و ماقویلیا دانانا وان چاڤێن مروڤى دسحرینن، سوراڤ و مكیاج بهایێ جانیێ بلند دكه‌ن، مودێلێن ده‌ستكێن موبایلا دگه‌ل وه‌رزێن سالێ دهێنه گوهورین، ترومبێل دڤێت گێچ سفر بیت! براستى لڤى زه‌مانى جانى یا بویه مودێل و تشتێ گه‌له‌ك جاران من حێبه‌تى دهێلیت و هه‌مى فیتك و خوزیا بو رادهێلن، دێ بێژى هه‌مى زگوردن و دێ كه‌نیا ژێ دزن، دێ بێژى هه‌مى یێ لهیڤیا پاسێ و ب چارچاڤكى خوه دجانیێ وه‌ردكه‌ن، ب چار مێركى لێ سیار دبن! دێ بێژى مه‌ولید نه‌به‌ویه و هه‌میا دڤێت كه‌چكێ خوه تێ بهه‌لینن، هه‌ر گاڤا بو ده‌مێ خاندنا دوعا و بلندكرنا ده‌ستان، هه‌مى پێكڤه ددویڤرا دبێژن ئامین. هه‌میا حه‌زێن جانیێ هه‌نه و هه‌مى ده‌ڤێ خوه بو دهێلنه به‌ش، براستى سه‌یره و یا ژ هه‌میێ ژى سه‌یر تر، خه‌لكه‌كێ تا حه‌فكێ دلوڤانى و عاتفیه‌ت لده‌ف، خه‌لكه‌كێ هێژ دبه‌ر زنجیره‌یێن دوبلاژكرى و فلمێن هندى را روندكێن وان دئێنه خار، هه‌ر گاڤا ته عه‌بایێ جانیێ ژ چاڤان دویر ئێخست و ته سه‌روچاڤ بێ مكیاج نیشادان، لێڤ و لومتورێن خوه لته ترشكرن، دنیا لپێش چاڤێن هه‌میا تارى و ره‌ش دبیت.
%20copy.jpg)
ليست هناك تعليقات:
إرسال تعليق