چ پێشكه‌فتن دبێ بزاڤ نینن و دیسان، چ پێشكه‌فتن دبێ به‌ربه‌ست ژى نابن. ده‌ما ئه‌م دبێژین به‌ربه‌ست، برامانا به‌رژه‌وه‌ندییا چه‌ند كه‌سان دێ هێته تێكدان، ژبه‌ر هندێ ژى ئه‌ڤ كه‌سێن هه، دێ ب هه‌مى شیانێن خوه، بزاڤێ كه‌ن وى پروژه‌ى تێكبده‌ن و هه‌ولێن ژبه‌رئێكبرنا وى بده‌ن.
ده‌ما هزر دڤه‌كرنا به‌لاڤوكه‌ك سه‌ربه‌خو، بناڤێ (چایخانه) بو من هاتیه گوتن، براستى بو من ناڤه‌كێ گه‌له‌ك جهێ حێبه‌تیێ نه‌بو، ژبه‌ركو، هه‌ر گوهرین و پێشكه‌فتنا مه بڤێت، دڤێت ژ ناڤا خه‌لكى بهێته ده‌ست پێكرن، چ ئه‌و كومڤه‌بون چایخانه بیت، به‌ر دیوارك بن، به‌ر ده‌رگه‌هـ بن یان ژى كوژیه‌كێ مزگه‌فتێ!. ژبه‌ر چ؟ دا ئه‌م بشێین ژى به‌رسڤه‌كا گونجاى ژى بو پسیارا خو په‌یداكه‌ین و ئارمانجا خوه پێ بهنگێڤین، دڤێت ئه‌م ژ مێشكێ خه‌لكى ده‌ست پێبكه‌ین، دگه‌ل خه‌لكى ب بینه هه‌ڤال، یا مه بڤێت بو وان روهن بكه‌ین، یا ئه‌و هزرێ تێدا دكه‌ن، بگه‌هینین و بكه‌ینه بابه‌ت و ل سه‌ر كار بكه‌ین.
دبیت گه‌له‌ك پسیار خوه ل هیڤیا به‌رسڤه‌كا گونجاى بهێلن و پسیارا ده‌ستهه‌لاتا چایخانێ دئه‌ڤرویا ته‌كنه‌لوژیایێ دا ژ مه بكه‌ن، به‌لێ هه‌ر كه‌س، چ ژن، پیر، زه‌لام و تا گه‌نج و سنێله و زارووك ژى خودان ده‌ستهه‌لاتن، هه‌ر ئێكى لدویڤ قه‌بارێ خوه ده‌ستهه‌لاته‌ك سه‌ربه‌خو هه‌یه. دڤێت ژبیرنه‌كه‌ین ژى، ئه‌ڤ ته‌خا جڤاكى ژ هه‌میان كێمتر هاریكارى پێشكه‌فتنێ نه و ژبه‌ر ڤێ ئێكێ ژى، دێ به‌رى هه‌میان ملێن خوه ده‌نه به‌ر، چنكو ئه‌و به‌رژه‌وه‌ندیێن وان چێنه‌بوینه كو ل به‌رامبه‌ر پێشكه‌فتنێ راببن و بخو ب مه‌ترسى و هێلا سور بزانن، یا گرنگ ژى كو گه‌له‌ك جاران ئه‌م هزرێ تێدا نه‌كه‌ین، ئه‌و جورێ ده‌ستهه‌لاتا وان هه‌ى، كو دشێت گه‌له‌ك گوهرینان بینه ئه‌نجام، ب ده‌نگێ خوه و ره‌فتارێن خوه ژى، ئه‌ڤرو ده‌نگدان و سندوقێن هه‌لبژارتنان ب ده‌نگێن وى، پروسا سیاسى دهێته گوهرین.
ده‌م ئه‌م ل چایخانێ دزڤرین، ئه‌م ل جوره‌كێ ده‌ستهه‌لاتێ دنێرین، پێنه‌ڤێت ژى هه‌ر كه‌سانه‌كێ لدویڤ جهـ و پله‌ییا خوه ده‌ستهه‌لات هه‌یه، ئه‌و ده‌ستهه‌لاتا باب ل سه‌ر كورى په‌یره و دكه‌ت، یا جودایه ژ ده‌ستهه‌لاتا ماموستاى ل سه‌ر قوتابى، هه‌ر دیسان ئه‌و ده‌ستهه‌لاتا ئه‌ندامه‌كێ رێكخستیێ حزبه‌كێ ل نڤیسینگه‌ها خو به‌لاڤ دكه‌ت، یا جودایه ژ ده‌ستهه‌لاتا مه‌لایه‌كى ل سه‌ر مینبه‌رێ به‌لاڤ دكه‌ت، دیسان دڤێت ژ بهایێ ده‌ستهه‌لاتا به‌ر دیواران و به‌ر ده‌رگه‌هـ و چایخانه‌یان ژى كێم نه‌كه‌ین و ئه‌گه‌ر ئه‌م ڤان هه‌مى ده‌سته‌هه‌لاتان دناڤا چایخانێ دا كومڤه بكه‌ین، دكه‌لتوره‌كێ وه‌ك یێ مه دا، ئه‌ز ل باوه‌رم ئه‌ڤ ده‌سته‌هه‌لاتا هه، چ ژ ده‌ستهه‌لاتێن دى كێمتر نینه و بتنێ، جییاوازیا دناڤبه‌را وان دا، ده‌ستهه‌لاتێن دى دبن قوبه‌یه‌كێ دا كار دكه‌ن و ده‌ستهه‌لاتا چایخانێ، نه یا رێكخستیه، به‌لكو هێََز و شیانا وێ دبه‌ره‌للایا وێ دا یه و بتنێ خو لێكرنه خودان بو دڤێت.
تێبینى: دژماره ئێك یا گوڤارا چایخانه دا بلاڤ بویه
%20copy.jpg)
ليست هناك تعليقات:
إرسال تعليق