دا كو بشێین تشته‌كێ جوان و بمفا بنڤیسین، دڤێت ژ خوه ده‌ست پێبكه‌ین! نڤیسینا ژ نك خوه ژى، یان دێ مه ل ئاینده‌ى راوه‌ستینیت یان دێ مه ملكه‌چى هزروبیرێن كه‌ڤن كه‌ت. تشتێ مروڤى ژڤان هه‌ردوو كێشه‌یان رزگار دكه‌ت ژى، دڤێت ئاینده‌ى ل پاش خوه نه‌هێلین و سه‌ربورێن خوه بێخینه دخزمه‌تا ڤى دورهێلى دا، ئه‌وێ هه‌چكو هه‌ى، بێ كێم و بێ زێده‌هى.
ئه‌و تشتێ تو دنڤیسى ژى و ته بڤێت ئارمانجا خوه بهنگێڤیت، دڤێت هه‌مى خه‌لك تێبگه‌هن و ژ (چیزیڤیزیا) ئه‌و دزانن، ده‌رنه‌كه‌ڤیت. ژبه‌ر هندێ ژى، مه هه‌ولدایه ب قه‌له‌مێ حبرى، وان تشتێن دكه‌ڤنه سه‌ر هزرێن مه، دارێژین. ژبه‌ركو، نه ئه‌م شیاینه خوه ژ وان تشتان رزگار بكه‌ین و نه ئه‌م شیاینه ژى، خوه دگه‌ل كیبوردێ كومبیوته‌رى بگونجینین.
قوناغێن ژیانێ، ئه‌م دناڤ گه‌له‌ك پرێزان را ده‌ربازكرینه. بمخابنى ڤه دبێژم، هه‌ر پرێزا ئه‌م دگه‌هینێ ژى، ژ دوماهیك ملوكه، بتنێ ئه‌م ئیشیان ژێ ڤێكدده‌ین! زكه‌كى دتێرین و زكه‌كى دبرسى و هندى لبیرا منه، پار ژ ئه‌ڤ سال خوه‌شتره و دوهى ژ ئه‌ڤرو باشتر. دئه‌زه‌ل ژى دا، هه‌ر هوسا بویه، هه‌مى حه‌زدكه‌ن ددوماهیا خوه دا بژین. یێ شیایى خوه ژڤێ چه‌ندێ رزگاركه‌ت ژى، قوریچكا لبنێ زكێ خوه دده‌ت، بو وێ ده‌رفه‌تا ژ ده‌ستا چوى و نه‌زانى دناڤ تلێن خوه دا، گه‌موره بكه‌ت.
(ئه‌لحه‌ق) بو هه‌ر تشتى ئه‌م دشوكوردارین، ئه‌م خوه زوى دسه‌ر ته‌نگاڤى و مقه‌ده‌ران را ده‌ربازدكه‌ین، بێهنا مه ل گرفتان یا فرهه‌یه و ئه‌م یێن فێرین، ل برسێ، ترسێ، هه‌مى تشت بو مه نه‌خه‌من، یا گرنگ دلێ مه یێ (سافى و پاقژه). ئه‌گه‌ر روژه‌كێ ژى مه دلێ ئێك هێلابیت، ئه‌م چبینه به‌راهیا ئێك و مه ئێك دوو (په‌لقوته) كربیت یان ئێكى ژنه‌ك ره‌ڤاندبیت، مه روژ و ده‌رفه‌ت و شێوازێن تایبه‌ت یێن هه‌ین بو پێكهاتنێ. ژبه‌ر هندێ ژى دكومه‌لگه‌هێ مه دا، نه نوژدارێن مه یێن ده‌رونى دڤه‌كرنا كلینیكێن خوه دا دسه‌ركه‌ڤن و ب پاره دكه‌ڤن و دئه‌ساس ژى دا، ئه‌م پێدڤى پولیسێن نه‌هێلانا توندوتیژیێ نینین! ده‌ستێ مه یێ بسه‌رێ مه ڤه و روژا كه‌س به‌حسا مه نه‌كه‌ت، وێ شه‌ڤێ هه‌میێ خه‌ونێن مه ل باخ و چیمه‌نا دگه‌ریێن و پله‌یێن گه‌رمێ بگه‌هنه چه‌ندێ ژى، بو مه نه خه‌مه، ژبه‌ركو مه كانیێن ئاڤێ یێن ته‌زى و خومالى هه‌نه و ئه‌م بملكێ خوه و باب و باپیرێن خوه دزانین و ئه‌لحه‌مدولیللاهـ.
%20copy.jpg)
ليست هناك تعليقات:
إرسال تعليق