دبێژن ئێكی ل گوندێ به‌رێ بهار گوتی ئه‌ز دێ رابم دیاریه‌كێ بو حاكمێ ئامێدیێ به‌م و چوو هژیره‌ك ئینا و جوان د به‌لگا پێچا و كره دسه‌لكه‌كێ دا و نخافت و به‌ره‌ف باژێرێ ئامێدیێ ڤه چوو.
پشتی گه‌هشتیه كوچكا حاكمی و گوتیێ من بوته دیاریه‌كا ئینایی و حاكمی سه‌لك ژ ده‌ستا ئینایه ده‌ر.
حاكم سه‌لكێ ڤه دكه‌ت، به‌رێ خو دده‌تێ كو بتنێ هژیره‌ك یا د سه‌لكێ دا و ددلێ خوه دا گوت دیاره ئه‌ڤ مروڤه یێ نه‌زانه و خو ب خشیمیێ ئینا ده‌ر و گوتێ كور و ئه‌ڤه چی یه ته بو من دیارى ئیناى و هژیرا خوه كره دده‌ستێ خوه دا و گوتێ ناڤێ ڤى تشتى چیه و بو چ یێ باشه.
ئه‌و ژی رابو هژیر ژ ده‌ستێن حاكمی ئینا ده‌ر و گوتێ حاكمی خوش بیت دبێنه ڤی فێقی هژیر و ئه‌ڤ فێقی یه ل وه‌رزێ پایزێ چێدبیت و رابو قه‌لپێ وێ ژ سه‌ر راكر و سپی كر و هاڤێته دده‌ڤێ خودا و گوتێ حاكمی خوش بیت ئها هوسا ژی دخون.
حاكمی ژی گوتی گه‌له‌ك باشه و گازی خزمه‌تكارێ خو كر و گوتێ هه‌رن باگوردانه‌كی بده‌نه پشتێ و بلا بخو دیاری ژنك من ببه‌ت.
دبێژن ئه‌وی ژی دیاریا حاكمی دا پشتا خو و تا گه‌هاندیه گوندێ خو.
%20copy.jpg)
ليست هناك تعليقات:
إرسال تعليق