په‌رتوكا شاعرێن بامه‌رنێ ژ نالبه‌ندێ مه‌زن بو نالبه‌ندێ بچویك كو ڤان روژێن بورى كه‌تیه به‌ر ده‌ستێ خوینده‌ڤانان، 11 شاعرێن باژێركێ بامه‌رنێ دناڤ خوه دا هه‌مبێزكرینه و ژ به‌رهه‌ڤكرنا (عبدالرحمن بامه‌رنى) یه.
هه‌ر چه‌نده چه‌ند شاعره‌ك ژێ بوینه خودان به‌رهه‌مێن خوه و په‌رتوكێن خوه یێن چاپكرى، مینا (ئه‌حمه‌دێ نالبه‌ند، حوسنى بامه‌رنى، سه‌یدا سالح یوسڤى و حه‌یده‌ر مه‌تینى) به‌لێ تشتێ جوداهیێ دده‌ته ڤێ په‌رتوكێ ئه‌وه كو به‌رهه‌ڤكه‌ر شیایه شاعرێن ڤى باژێركى هه‌میان دناڤ په‌رتوكه‌كێ دا خرڤه‌كه‌ت و ژین و ژیارا وان و به‌رهه‌مێ وان بده‌ته نیاسین و ژلایێ ژێده‌ران ژى ڤه كا چ ل سه‌ر هاتیه نڤیسین، بلاڤ بكه‌ت.
شاعرێن دڤێ په‌رتوكێ دا هاتینه خرڤه‌كرن، ل سه‌ر سێ قوناغان هاتینه دابه‌شكرن، ئه‌و ژى (قوناغا ئێكێ هه‌ر ئێك ژ هوزانڤانان (نه‌جمه‌ددین ئه‌فه‌ندى و حوسنى بامه‌رنى و عه‌بدولره‌حمان شه‌وقى و شێخ غیاس ددین نه‌قشه‌به‌ندى) نه و قوناغا دوێ ژى هه‌ر ئێ ژ هوزانڤان (ئه‌حمه‌دێ نالبه‌ند، سه‌یدا سالح یوسڤى، حه‌یده‌ر مه‌تینى) و قوناغا سیێ ژى هه‌ر ئێك ژ هوزانڤانان (عه‌بدوللا مه‌لا حه‌سه‌ن، سه‌عدوللا بامه‌رنى، نالبه‌ندێ بچویك، محه‌مه‌د عه‌لى توڤى).
جهێ ئاماژێ یه كو ئه‌ڤ په‌رتوكه ژ وه‌شانێن (زانكویا دهوكێ ـ سه‌نته‌رێ ڤه‌كولینێن كوردى و پاراستنا به‌لگه‌نامان). په‌رتوك ژ قه‌بارێ مه‌زن ب 163 لاپه‌ران پێك هاتیه.
ليست هناك تعليقات:
إرسال تعليق