بحث هذه المدونة الإلكترونية

pertook

pertook

2011/01/04

جوهى و ئاقلمه‌ندى


دبێژن دوو ئاغا برایێن ئێك بون و هه‌ر ئێكی ژ وان ئاغاتی ل گونده‌كی دكر و هه‌می گاڤا ژی د ژێك دلمایی بون.
دبێژن ده‌مه‌كی په‌یوه‌ندیێن باش تێكچبون و ئاغایێ گونده‌كی ژ وان كو برایێ مه‌زن بو و خولامه‌كێ جوهی هه‌بو گوتێ هلو هه‌ره‌ بێژه‌ ئاغایێ دی بلا كارێ خو بكه‌ت و سپێدێ مه‌ شه‌ره‌.
جوهی ژی رابو به‌ره‌ف گوندێ وی چوو و برێكێ ڤه‌ ما هزرێن خوكرن و بو خو گوت: گه‌ر ئه‌ز بچم ڤێ قاسیدیێ بكه‌م و هه‌ر دووكان زه‌لام ژ ئێك و دوو كوشتن و برایێن ئێكن و سوبه‌هى پێكهاتنه‌ ڤه‌ دێ من كه‌نه‌ ئه‌گه‌رێ ڤی شه‌ری.
جوهی پشتی باش هزرێن خو كرین، چوو ده‌ف ئاغایێ دی كو برایێ بچویك بو گوتێ ئاغایێ مه‌ یا گوتی ئه‌م برایێن ئێكین و ما دێ بوچی شه‌ر دناڤبه‌را مه‌ دا چێبیت، سوبه‌هى كارێ مه‌ یێ فراڤینێ بكه‌ و ئه‌م دێ هێین سولحێ كه‌ین.
برایێ بچویك ما هزرێن خو كرن و بو خو گوت: گه‌ر برایێ من یێ مه‌زن هو بێژیته‌ هه‌، پا ئه‌ز برایێ بچویكم و ئه‌ڤ چه‌ندا هه‌ بۆ من كه‌فتی یه‌ كو ئه‌ز ل دویف وی بچم.
ئینا گوته‌ خولامێ جوهی هه‌ره‌ بێژه‌ ئاغایێ خو سوبه‌ ئه‌ز ب زه‌لامێن خوڤه‌ بو خارنا نیڤرو یێ ل مالا وی و دێ سولحا خو كه‌ین.
خولامێ جوهی ژی زڤری ده‌ف ئاغایێ خو و گوتێ ئاغایێ خوش بیت، برایێ ته‌ یا گوتی ئه‌م برایێن ئێكین ما دێ بوچی شه‌ری هه‌لئێخین و زه‌لامێن ئێك و دوو ده‌ینه‌ كوشتن، ڤێجا ئه‌م دێ سولحا خو كه‌ین و یا گوتی بۆ سوبه‌هی نیڤرو ئه‌ز ب زه‌لامێن خو ڤه‌ مێهڤانێ وی مه‌ بۆ خارنا نیڤرو.
گه‌له‌ك كه‌یفا ئاغای هات و رابو كارێ فراڤینا برایێ خو و زه‌لامێن وی كر و هه‌ر دوو ئاشتبونه‌ ڤه‌ و جوهی ژی خه‌لاتكرن.

إرسال تعليق