بحث هذه المدونة الإلكترونية

pertook

pertook

2011/01/13

ئه‌و په‌نجه‌شێرا ئه‌ز ل دویڤ سیبه‌را وێ دگه‌رم


ئادار - 2005
شعره‌ك د كویراتیا هه‌بوونا من دا شوین دبوو 
لێڤێن شه‌ڤان ماچى دكرن 
من بۆ وه‌رزێ زارۆكینیێ د نڤیسى 
وه‌رزێ زارۆكینیێ و 
تبه‌ركێ حه‌جى محه‌مه‌دێ توڤى و 
مه‌ پێكڤه‌ د دویڤرا دگۆت ئامین
من بۆ چیروكێن عه‌شقێ د نڤیسى
بۆ ئاده‌مێ چ ژعه‌شقێ نه‌ زانى و 
نڤێژ نه‌كرین بۆ جانیێ و 
سوجده‌ نه‌برین بۆ خه‌یال و فه‌نتازیاى 
ده‌م سالنامادره‌وایه‌ و 
ده‌م ته‌ڤنه‌كێ ئالوزه‌ و 
ده‌م د وه‌رزێ پایزان دا 
چیروكێن عاشقان د گێریت                                                                                                                     به‌لگ ل جادان پیاسا دكه‌ن 
باران ل جادان دهێن و 
باران ته‌ پیر ناكه‌ن
نه‌....
ئه‌ڤ جاده‌ درێژن و ب دووماهى ناهێن 
من گۆت
من بۆ وه‌رزێ زارۆكینیێ دنڤیسى 
قۆبا شێخى هه‌بو و 
گونه‌ه د بژاله‌ بوون 
مستویێ عه‌یشێ هه‌بو و 
د كۆلانێن گوندێ مه‌دا
گونه‌هێن بچویك ببوونه‌ یاریا ته‌به‌لانێ و
هه‌میا گونه‌ه دزانین
من ژى ئه‌و نهێنى هه‌بون
وێنێ هه‌مى جه‌ژنان ل پێش چاڤێن منه‌ 
ژ ده‌فته‌ره‌كا كه‌س نه‌شیاى بخوینیت
نهێنیێن من تۆختر لێ نه‌كه‌ و
ته‌ نه‌ بهیستیه‌ 
ئاڤابوونا رۆژێ 
عه‌ردى رادمالیت
رویساتیا عه‌ردى
هه‌میا هوى دكه‌ته‌ قۆمارێ و چێكرنا ماچان 
وه‌ره‌ ده‌ستێ من بگره‌ و 
دبه‌رزه‌ بوونا ناڤ جادان دا
ئه‌درێسێ من یێ هاتیه‌ دیلێت كرن و                                                                                                                   
 جوانیا شعرێن من
دناڤ پایزه‌كا فێربوویه‌ رویساتیێ و 
د ناڤ باژێرێ  په‌حنكا ده‌ستێن ته‌ دا 
دناڤ ماچێن ته‌ لپشت په‌نجه‌را ئاسێ كرین
شه‌ڤێن د بۆرن
رۆژێن دبۆرن
چاوان ماچێن عشقێ نزانى و 
شه‌ڤ عه‌شقه‌
رۆژ عه‌شقه‌  و
دزانم سحرا زارۆكینیێ و 
زكرێ قۆبا شێخى  د سه‌رێ ته‌ دایه‌
د گه‌ل ته‌ سه‌مایێ دكه‌ن 
تلیلى یێن گونه‌هان ژێ بلند دبن
جیهان هه‌مى گونه‌هه‌ و 
هه‌ر نه‌ بێژه‌....
ژیێ ئێڤاریا یێ كورته‌ و 
زوى بێهنا عه‌شقێ غه‌واره‌ دبیت
وه‌رزێ  هلوه‌ریانا عه‌شقێ بژاله‌یه‌ و 
د ئه‌لبۆما بیرهاتنان دا 
كه‌س خۆ ل ناڤێ كه‌سێ ناگریت
خه‌ونه‌كا شویم ژ زارۆكینیێ ڤه‌ره‌سیای و
به‌ره‌ڤ پیراتیێ
به‌ره‌ڤ پیر بوونا ره‌نگان
دبێژن: لسه‌ر جوگرافیا عه‌ردى
ره‌نگ پێتى و كه‌ڤن د بن
پیاسێن جاده‌یێن درێژ، ژبیر دچن و 
كه‌ڤن دبن
لوى لایێ من نه‌ڤیاى شعر ب دوماهیك بهێت
بتنێ ئه‌ز هه‌ست ب نڤیسینا وێ بكه‌م
ئه‌و په‌نجه‌ره‌یا من دڤیا ئه‌ز ب گه‌همێ 
په‌نجه‌ره‌یا شعرێ ئه‌وا خۆ لبه‌ر بایێ رۆژ ئاڤاى دگریت
رویساتیا عه‌ردى نا هنگێڤیت
ئه‌وا ئه‌ز دبێژمێ شعر و 
هێژ ئه‌ز مایم كو ببمه‌ شاعر ....

إرسال تعليق