كارێ باش ھەرێ باشە.. ھەكە ریكلام ژی بیت بۆ وان ما چ قوسیرییە!

 عبدالرحمن بامەرنی

خوە ئەگەر سوشیال میدیایێ خرابیێن خوە ژی ھەبن، تایبەت ئەڤێن نەزانن دروست بكار بینن، لێ دەھـ قاتی مفایێن وێ زێدەترن، ھەر چنە بیت ئەڤێن دزانن بۆ خوە مفای ژێ وەربگرن. ئھا من بەحسا (ئەڤێن بۆ خوە مفای ژێ وەردگرن)، ژبەركو گەلەكان گازاندا وێ چەندێ دكرن، كو ئەم نەخویندەڤانین، ئەم نەشێین بزانین چ دڤان پەرتووكاندا ھەیە؟ ئەم نەشێین بزانین چ دھێتە روودان؟ بتنێ ئەگەر ب زمانێ دایكێ نەبیت و ئاخر بلا خوە رەخنە بكەین، كەنگی مە بۆ زمانێ دایكێ كاركریە، كو تاكێ كومەلگەھێ مە ھەمی بزانیت چ لڤێ دنیایێ رووددەت؟!!

ئەڤرو ژی بلا بۆ (حەمەی حاجی مەحمود) بیت

 عبدالرحمن بامەرنی

یێ بڤێت دەنگ و باسێن گەرما و گەرمێن ھەرێما كوردستانێ بزانیت، دڤێت ھەر رۆژ سپێدێ چاڤخشاندنەكێ ل تورا فەیس بوكێ بكەت و ھندەك دەنگ و باس و روودان، ھەتا دگرنگ ژی بن، لێ زوی دەرباز دبن و نابنە بابەتێ ل سەر راوەستیانێ، ھندەك ژی دبنە مژویلیێن فەیس بوكێ و دەھان پوست دێ ل سەر بلاڤ بن و ئەڤرو ژی مانورا (حەمەی حاجی مەحمود)، سەر ژ ھەمی پوستێن دی ستاندبوو و تایبەتی ژی (تەرەكتورێ)، ژبلی توپ و تانكا...!

وەك ئەم ژ مانورێن سەربازی ژی دزانین، ئەڤ خوە پیشاندانە دھێنە كرنێ بۆ بەرچاڤكرنا ھێزێ.. بەلێ (كاكە حەمە)، پەیاما تە گەھشت و تە بۆ حزبێن دی ژی دیار كر كو ھین خودان چەكن و ھین دێ بەرەڤانیێ ژ حزبا خوە كەن و دێ بەرەڤانیێ ژ ئەندام و لایەنگرێن خوە ژی كەن، ژخوە پارتی و ئێكەتی ژی ھەمان تشت دكەن، ب پیشاندانا ھێزێن خوە یێن چەكداری ل بەر ئێك د راوەستن و ئەندام و لایەنگرێن خوە پێ دپارێزن.

ل گوندێ نسرا رێز ل سەركەفتیێن فێستیڤالا گەلاوێژێ دھێتەگرتنێ

 ع: بامەرنی

بابەتێ خرڤەبوونێ رێزگرتن بوو ل ھەر سێ سەركەفتیێن 25مین فێستیڤالا نێڤ دەولەتییا گەلاوێژ. جھێ خرڤەبوونێ ل گوندێ نسرا، گوندێ ئێك ژ سەركەفتیێن فێستیڤالێ ب شعرێ ل سەر ئاستێ بەشداربوویێن بادینان (دلدار محەمەد). كەسێن ئامەدەبووی خەلكێ گوندێ نسرا و كەسێ پێرابووی، ئێك ژ خەلكێ گوندێ نسرا كاك (عیسا نسری)بوو.

ئەز بەحسا خرڤەبوونێ ناكەم و ئەو پەیڤێن ھاتینە خاندن و ئەو یاریێن دناڤ چالاكیێ دا ھاتینە كرنێ، تشتێ بۆ من بالكێش ژڤێ خرڤەبوونێ، ئەگەر مەبڤێت ئەم دەستێ خەلكێ خوە بگرین، دڤێت ئەم پشتەڤانییا وان بكەین، پشتەڤانیكرن یان كو دەرێخستنا بەھرەییان. ئەم پێدڤی بەھرەمەنداینە و خودان شیایناینە، خوە ئەگەر ل سەر ئاستێ گوندی بیت،

ھەر ئێك وەك خوە تێبگەھیت باشترە!

 وەرگێران: ع. بامەرنی

ئێك ژ سەربازان نامەك نڤیسی بوو و ژناڤ جلكێن وی ئینانەدەرێ، كو د شەری دا ھاتبوو كوشتنێ:

تێدا دبێژیت:

ئەگەر ئەز مرم، ھەر تشتی باوەرنەكەن. ئەگەر دەیكا من د بەرنامەكێ چڤێلێ تەلەفزیونەكێ دا گوتە ھەوە: وی حەژ ژ شەھیدبوونێ دكر و ھەر دەم دگوت (وەلاتێ مە زێرە و دڤێت بەرگریێ ژێبكەین..). باوەر ژێنەكەن، من ئەو ئاخفتن نەكریە و ئەز ژی وەكی ھەوە حەز ژ ژیانێ دكەم، چ جارەكێ ژی ھیڤیا مرنێ ناخوازم. بەلێ بێژەرا خوە ب سوری مكیاجكری، یا مایە پێڤە كو ڤێ ئاخفتنێ بێژیت.

ژخوە ھەڤالێ من ئەڤێ وێنێ من ل لاپەرێ خوە یێ فەیسبووكی بلاڤكری و شعرەك نڤیسی و تازی ژبەر شەھیدبوونا من دانایی. باوەر ژوی نەكەن، ژبەركو ئەو یێ دوو روویە.

سەبارەت جەنابێ وی ژی، ھیچ باوەر ژوی نەكەن، ئەو دناڤ تازیێ دا سترانا ب گیانێ شەركرنا من دبێژیت و حەژێكرنا من بۆ وەلاتی.. ئەرێ ھین بەدلێ وی یێ جوان دبینن؟ و پارێن وی بەدلەی ژ خارنا تایبەت بۆ مەدھات، یێن دزین، ئەم كورێن ھەژاران لڤی وەلاتی سوتەمەنییا شەراینە ئەڤێ ئەو ھلدكەن.

ھەتا كەنگی ئێزدی....؟!!

 عبدالرحمن بامەرنی

عەقلێ مودەبەرێ داعش (ئەفسەرو پلەدارێن سوپایێ عیراقێ و رەفیقێن حزبا بەعس)، شییان ئیسلامێ بۆ خوە بكەنە پێسترك و ب بەھانا كو (عەرەبێن سنە) د پەراوێزخستینە، دەڤەرێن عەرەبێن سنەنشین كرە زەمینا چالاكیێن خوە و دا ھەیبەتا خوە دیار بكەن، چ وەحشیەتا ھەی بكار ئینا (ب ساخی سوتن، ب ساخی د بانیدا ھاڤێتن، ب ساخی سەرژێكرن)، ئەڤ كردارێن ھەنێ ژی ھەمی ل بەر چاڤێن خەلكی دا ترسا خوە ددلێ خەلكیدا، بچیك و مەزناندا دروست بكەن. پاداشتكرنا خەلكی ژی، ئێزدی كرنە ئارمانج، سەرومالێن وان بۆ وان حەلالكرن، كچ و ژنێن وان كرنە كەنیزە و ل بازاران فروشتن پێكرن و ژبلی كومەلكوژی وووووو ئەڤە ھەمی ژی ب ئاشكەرای و تا نوكە ژی لڤینێن وان و چالاكیێن وان بدووماھی نەھاتینە، تا نوكە ژی شانێن وان یێن نڤستی ھەنە!! ئەڤا چێبووی ب ھەمی پیڤەرەكێ جینوسایدەك و فەرمانەك بوو، ژبۆ مللەتەكێ بێ دەستھەلات یێ بناڤێ ئێزدی.

شیرەتا بابێ ل كورەكێ سنێلە (پەیڤا نامووس یا كەڤن بووی)

وەرگێران: ع. بامەرنی

بیرا من ل دەستپێكا تەمەنێ من یێ سنێلەیێ دھێت، وی دەمی بابێ من پرسیارەك ژمن كر، كا چ تشت خوشتڤیترینە لدەف من! ئەوی باش ژی دزانی كو پشیكا من ژبۆ من خوشتڤیترین تشتە و ھەر رۆژا پاشتر ژڤێ پرسیارا بابێ من، ھندی ئەز ل پشیكا خوە گەرییام، من ئەو نەدیت. ئەز گەلەك ژێ خەریب بووم و من چەند پرسیارا وێ كربایە، دگوتنە من بابوی یا فروتی!

ئەز بۆ بەرزەبوونا وێ گەلەك خەمگین بووم و نەڤیانا من بۆ بابێ من زێدەتر لێھات.. من خارنا خوە كێمكر و من ئێدی دگەل بابێ خوە ژی نە ئاخفت و ل رۆژا دەھێ ژ بەرزەبوونا وێ.. بابێ من بۆ من پشیكا من زڤراندەڤە و گوتە من: كورێ من گوھێ خوە باش بدە من، تو مەزن بووی و ئێدی بوویە زەلام، دێ حەزا تە بەرەڤ كچان ڤە چیت و دێ ئەڤیندار بی و دێ تە گەلەك ئەزموون دڤی بیاڤیدا ھەبن، بەلێ تشتەكێ ژبیرنەكە! ھەر كچەكا تە ھەڤالینیا وێكر، بارودوخێ وێ چاوا بیت ژی،

ژ پرسا سەرۆكێ كوماری ھەتا گوندێ پەرەخێ!

 عبدالرحمن بامەرنی

ئەڤرو ل ھەرێما كوردستانێ، دوو روودانێن گرنگ دەزگەھێن راگەھاندنێ یێن بخوەڤە مژویلكرین، ئێك پرسیارا ئێكلاكرنا سەروكێ كومارا عیراقێ دناڤبەرا ھەردوو سەرۆك حزبێن پارتی و ئێكەتی (مەسعود بارزانی و باڤێل تالەبانی)دا، كو كومبونەكا داخستی داخستی دناڤبەرا ھەردووكاندا ھاتیەكرنێ و روودانا دوویێ، توپ بارانكرنا ئەڤرو یا گوندێ (پەرەخێ) ل ناحیا دەركارێ ل زاخو، كو تێدا (8)گەشتیاران گیانێ خوە ژ دەستدایێن و (23) دی برینداربووین!

د روودانا ئێكێدا، كو چ مزگینیەكێ بۆ خەلكێ ھەرێما كوردستانێ بگشتی تێدا نابینم، ژبلی ناكوكیێن حزبی و د روودانا دوویێدا كو من مەبەستە ژێ، كو ل سالێن بوری چیایێن كوردستانێ بتنێ بوون دكەتنە بەر ھێرشێن توپبارنكرنا توركیا و ھێدی ھێدی خوە نزیكی گوندان ژی دكرن، خەلكێ سڤیل دكرنە ئارمانج و ئێدی خەلك نەدشییا قەستا رەز و باغێن خوە بكەت، نەدشییا قەستا گل و گیایێ بھارێ و چیایان بكەت و ئەڤە ھەمی ژی تێرا توركیا و ھێزێن وان یێ دوژمنكارانە و نە مرۆڤانە نەدكرن، دگەل شەرێ وان دگەل ھێزێن پەكەكێ دناڤا ئاخا ھەرێما كوردستانێدا، ئێدێ سور و ب سور خەلكێ سڤیل كرنە ئارمانج، دا گڤاشتنێ ل سەر حكومەتا ھەرێما كوردستانێ دروست بكەن، گڤاشتنێ ل سەر خەلكێ ھەرێما كوردستانێ دروست بكەن و پشتەڤانیا ئوپەراسیونێن وان بكەن ژ بۆ دەركرنا پەكەكێ و ئەڤێ ژی بگرە و ڤەكێشێن خوە یێن تایبەت ھەنە.

ھەیلا ژارێ ێ ێ ێ ھەی بێخودانێ.. (دھوك)!

 عبدالرحمن بامەرنی

دەما د گوندەكیدا سێ مال ھەبن و ئێكێ ژوان، پەز و رەز و حەیوان و دەستێ كاری ھەبیت و ھەردوو مالێن دی، حالێ وان خوشتر بیت، خانیێ وان جوانتر بیت، ناڤمالییا وان باشتر بیت، ئەڤە ئێك رامان دگەھینیت، ئەو ژی دڤێت ئەڤ مالە ب خودانێن مالێڤە پێداچوونەكێ دخوە و ژیانا خوەدا بكەن، یان كەسێن رێبەر نینن یان ژی سەرەدەریێ دگەل ئەو تشتێ ھەی نزانن بكەن و ژ نەچاری خوە پێدڤی ھەردوو مالێن دی دكەن یان ژی ب كورت و كرمانجی دھێنە (ئیستیغلالكرن)! بێژنە من چاوان؟!!!

ئەڤ داتایێن ئەز دێ نڤیسم ژلایێ ئابوریناس و ماموستایێ زانكویێ (كاوە عەبدولعەزیز)، كو بۆ گاڤ نیوز دیاركرین و ھوسا گوتی: ل سەر بەرژەوەندییا خەلكێ پارێزگەھا دھوكێ، پرۆژێن خزمەتگوزاری ل ھەولێر و سلێمانیێ دھێنە دروستكرن و وەك رێژە ژی د سەر 80% ژ پرۆژێن ئاڤەدانكرنێ ل ھەولێر و سلێمانیێ نە و كێمتر ژ 20% ل دھوكێ نە و د بەرامبەر ئەڤان داتایان دا، 52% ژ داھاتێ پەترولێ ژ وان 420 ھزار بەرمیلێن دھێنە فروشتنێ ژ دھوكێ دەردكەڤن و زێدەباری ڤێ ژی 42% ژ داھاتێ ناڤخویێ حكومەتا ھەرێما كوردستانێ، ژ پارێزگەھا دھوكێ یە.

دگەل رێزێن من بۆ (فیتەر و نوژدارێن) خودان وژدان

 د لێگەریانێن خوەدا ل سەر ئەنترنێتێ، چاڤێ من بڤێ چیرۆكێ كەفت، ئێكسەر نوژدار و فیتەرێن مە ھاتنە بەرچاڤێن من، دگەل رێزێن من بۆ ھەر كەسەكێ وژدانا خوە دئینتە پێش و چاڤێ وی بتنێ ل ڤەرچكاندنا كەسێن دی نەبیت.

من ھوسا خاندبوو:

گوشتفروشەكێ ب ساتورێ گوشت قەدقەد دكر و پرتەكا بچیكا ھەستی ژێ پەشی و چوو دچاڤێ ویدا. چاڤێ وی لێ بۆ ئێش و ژبەر كو چ نەخوشخانە ل گوندێ وان نەبوون، قەستا سەرتراشی كر.

سەرتراشی گوت: خوە نەترسینە، بتنێ پاقژكرن و ملەحەم بۆ دڤێت. ژبەركو ئەڤ تشتێن ھەنێ ژی سەرتراشی یێن ھەین، رابۆ چاڤێ وی بۆ دەرمانكر و گوتێ: دڤێت ھەمی رۆژان چاڤێ تە دەرمان كەم.

رۆژا پاشتر گوشتفروش ھات و كیلویەكا گوشتی و كیلویەكا مێلاكێ بۆ سەرتراشی ئینان و سەرتراشی ژی چاڤێ وی پاقژ دكر و ملحەم تێدا و بۆ چەندین رۆژا، ئەو ھەستی ھێلا دچاڤێ ویدا.

نڤیسەرەكا ئەمریكی ھوسا بەحسا بابێ خوە دكەت

 ئیرما بومبیك

بابێ من ھیچ كارەك نەدكر، پا بوچی تاڤی راددەی ئەز بیرییا وی دكەم؟!

دەما ئەزا زارۆك، باب ژبۆ من وەكی گلوپا ناڤ بەفرگرێ (سەلاجێ) بوو، ل ھەمی مالەكێ ژی گلوپەك دناڤ بەفرگرێ دا ھەیە و كەس ژی نزانیت، ئەو گلوپە چ كاری دكەت دەما دەرێ بەفرگرێ دھێتە داخستن.

ھەر رۆژ سپێدێ بابێ من ژ مالێ دەردكەفت و دەما ئێڤاریا دھاتەڤە، بدیتنا مە یێ كەیف خوش بوو..

ئەو بوو یێ قەباخێ بتلكێ ترشی ڤەدكر، دەما ھەمی دھاتنێ و كەس نەدشییا ڤەكەت.. ئەو ئێكانەبوو یێ بێ ترس دوێریا بچیتە سەردابێ.. دەما ریھێن خوە چێدكرن و خوە ب مووسی برینداردكر، كەس نەدچوو پێڤە ماچی بكەت یان گرنگیێ پێبدەت.. دەما ئێك ژمە زارۆكان نەخوش ببا، ئەو دچوو دەرمانخانێ ژبۆ مە دەرمان دئینان..

ھەمی گاڤا یێ بكار بوو، ئەوی شاكێن گولێن بەردەرگەھی د قوساندن و ستری ددەستێن وی دھەلچوون و ئەم ژی دناڤ دەرگەھی را دھاتین و دچووین.. ئەوی تایرێن پایسكلا من دوھندكرن دا بلەزتر برێڤەبچیت و دەما بویمە خودانا خوە و پایسكلا خوە، ئەوی برەخ منڤە ب كیلومەترا دكرە غار و ھەر چنەبیت دانەكەڤم و فێری ھاژووتنا وێ ببم.. ئەو بوو یێ نمرێن من یێن قوتابخانێ ئیمزادكرن.. وی گەلەك وێنە بۆ من كێشا بوون كوو نەھێنە ھژمارێ و بێی كو ئەو د چ وێناندا دەركەڤیت.. ھەر ئەو ژی بوو دەما رستا جلكان خاڤ دبوو وی دشداندەڤە.. ئەز ژ بابێ ھەمی زارۆكان دترسیام و بتنێ بابێ خوە نە، ئەز ژ وی نەدترسییام.. جارەكێ من چا بۆ بەرھەڤكر و بتنێ ئاڤ بوو و من شەكر كربوو دناڤدا و چا تێدا نەبوو و دگەل ھندێ ژی ل سەر كورسیا بچیك روونشتە خارێ و گوتە من، گەلەك یا خوش بوو و یێ دیار بوو گەلەك یا بدلێ وی بوو.

دا سوپاسیا حكومەتێ ل سەر (ربعا) كارەبا موەلیدێ بكەین

 عبدالرحمن بامەرنی

ئەز بخوە دێ سوپاسییا كارگێریا پارێزگەھا دھوكێ و جڤاتا پارێزگەھا دھوكێ و كت كت ئەندامێن لیژنا موەلیدا كارەبێ كەم و وووووو ناڤێن وان ھندی گەلەكەن، وەكی وان وایرانە یێن ژ سركێتێ دەربازی مالان دبن، كەس سەروبنێن وان ژ ئێك ناس ناكەت و من بخوە شول ب كەسێ نینە و ھەر كەسەك ئازادە سوپاسیا وان بكەت یان نە! ئاخر ئەڤا وان ڤێ ھەیڤێ دگەل خەلكێ باژێرێ دھوكێ كری، تشتەكێ گەلەك مەزن بوو، وەرە شوینا (20) ھزار دیناران بۆ سەرێ ئەمپێرێ ژمە وەربگرن، ھەر ئێك ژمە بۆ (250) دینار ژێڤەكرن و بتنێ ھەر كەسەك دێ (19,750) دیناران دەت و ھێشتا بدلێ مەنەبیت!

راستی سەرێ من ژێ ناھێتە دەرێ، بوچی (20) ھزار دینارێن گردوڤر ژمە وەرنەدگرتن! تو بێژی ڤێ ژی نھێنیا خوە ھەبیت؟ ئاخر بوچی نەبیت، ئەڤ (لەعب و لیتا) بازرگانێن مەیە و دەما داشكاندنێ دكەن یان بھایێ كەل و پەلەكی دئیننەخارێ و بھایەكێ نوی پێڤەدكەن، بۆ نمونە ژ 100 ھزاران دێ نڤیسین 99 ھزار و 500 دینار و ئەڤە ژی دا دەروونێ بكری ئارام بیت و ژبەركو ھندەك ژمارە جەلتێ دئیننە مرۆڤی و ھەر چنەبیت ئەندامێن لیژنا موەلیدێ ژی ئەڤە یا بۆ خوە ژوان گرتی و دا جەلتە نەھێتە كەسێ و بێژن ئەمپێری خوە ل (20) ھزار دیناران دا! جارێ ئەڤە ژی چنە،

ژن چاوان زەلامەكێ‌ تیرورست دروست دكەت؟

 نەوال سەعداوی

هەڤالا من هاتە سەرەدانا من و نەڤیێ‌ وێ‌ یێ‌ زارۆك ژی دگەلدا بوو، ڤیا وی ب دەمانچەكا بچووكڤە مژوول بكەت، تبلا خوە ل سەر جەلەبكا وێ‌ دشداند و چریسكێن ئاگری ژێ د پەشین و قیژیێن زارۆكی یێن كەیفێ‌ بلند دبوون. تەق تەق! خانیێ‌ من تژی دەنگ بوو، هەر وەكو شەر و پێكدانانان. من گوتێ‌ هیڤیدارم ڤی زارۆكی تیرورست دوور بێخە؟ ژ من تورە نەبوو، ئەو دزانیت ئەز شێوازێ‌ پەروەردەكرنا زارۆكێن كور رەخنە دكەم، تایبەت پەروەردەكرنا داپیرێ‌ و دەیكێ‌، كو ل بەر د راوەستییانە دا زارۆك مەزن ببیت و ببیتە "زر كور" یان كو زەلام بهەمی رامانا خوە و هەڤسارێ‌ ژنێ‌ كەتە د دەستێ‌ خوەدا، هەڤالا من ژبیركریە، كو ئەو لبن سیبەرا زەلامەكی دهاتە ئەشكەنجەدان و هەڤسارێ‌ وێ‌ د دەستێن ویدا بوو.

پەیڤێن هەڤالا من چ جوداهی ژ پەیڤێن داپیرا من نەبوون، دەما تەمەنێ‌ من حەفت سال و دگوتە برایێ‌ من یێ‌ مەزن، كو من پاشڤە ببەت، دا د ئایندەیدا یا گوهدار بیت و ژ گوتنا هەڤژینێ‌ خوە دەرنەكەڤیت. برایێ‌ من نە دشییا من پاشڤە ببەت، ژبەر هێزا من یا پاشڤەبرنێ‌ ئەڤا ژ خوداوەندێن مسریێن كەڤن بۆ من مایی و ل قوتابخانێ‌ ژی ئەز ژوی زیرەكتر بووم.

چیرۆكا تابلۆیێ (راستییا رویس!)

 ع: بامەرنی

**ھوسا من خواند بوو: **ناڤێ ڤی تابلوی (راستییا رویس)ە، یێ شێوەكار (لیون جیرۆم) و ل سالا 1896ێ ھاتیە دروستكرن! ئەڤ تابلویە ئەفسانا راستیێ و درەوێ ڤەدگێریت، كو ل چەرخێ نازدێ گەلەك یا بەربەلاڤ بوو.. ئەفسانە ھوسان بەحس دكەت:

رۆژەكێ راستی و درەو گەھشتنە ئێك، ئینا درەوێ گوتە راستیێ ئەڤرو ساھیەكێ گەلەك یا خوشە.. راستیێ ب گومانڤە بەرێخوەدا دوورێن خوە و سەرێ خوە بلندكر و بەرێخوەدا عەسمانی، دیت كو عەسمانەكێ ساھییە و سەقا گەلەكێ خوشە، ئینا بریار دا ڤێ رۆژێ دگەل درەوێ ببەتە سەر..!

درەو ھاتە نك راستی ڤە و گوتێ ئاڤا بیرێ گەلەك یا زەلال و گەرمە و دا بچین خوە بێخینێ.. جارەكا دی راستیێ ب گومانڤە بەرێخوەدا درەوێ، پاشی دەستێ خوە برە ناڤ ئاڤێ، دیت یا زەلالە و یا گەرمە ژی، ئینا ھەردووكان جلێن خوە ئێخستن و چوون خوە تێدا بشوون.!

یێ تێر ھایژ یێ برسی نینە.. (قەیرە كچ وەك نمونە!)

 ع: بامەرنی

ئەز دێ بۆ گوتارا خوە پشت بەستنێ ل سەر ھەوالەكی كەم، كو د سوشیال میدیایێ دا بلاڤبووی، ھەر چەندە ئەز ژ راستیا وی یێ پشت راست نینم و بۆ من گرنگ نینە ژی یێ راست بیت یان نە! دەما ل سەر زارێ دادگەھا بلندا فیدرالی یا عیراقێ بلاڤ بووی، (ل سەر ھەر گەنجەكێ بتنێ ھەڤژینەك ھەی پێدڤییە بكەتە دوو، ئەگەر دێ ھێتە سزادان...). ھەوال ھێشتا یێ درێژە لێ من گوت ئەز ژ راستییا وی یێ پشت راست نینم و لێ یا گرنگ بۆ من، ئایا ئەڤە بخوە بابەتە یان نە؟!

دكومەلگەھێ مەدەنی دا وەك چالاكڤانەك، ئەم ل سەر ھەمی رێژەیێن مرۆڤان كاری دكەین، بۆ مە ھەمی گرنگن، چ زارۆك بن یان مەزن یان پیر، چ جورێ پیستێ بیت و چ رەگەز بیت و تایبەتی ژی ئەڤ تەخێن پەراوێز خستی یان كو یێن ژبیركری و بابەتێ قەیرەبوونا كچان ژی، مە گەلەك جاران ئێخستیە بەر دان و ستاندنێن خوە و تایبەتی پشتی قەیرانا ئابوری ل سالا 2014 و ھاتنا داعشێ، رێژا گرێبەستێن ھەڤژینیێ كێم بوویە و دەما ئەم دبێژین كێمبوویە، ئەم ھزرێ ل دوو خالان دكەین:

دوو ملیون ترۆمبێل، ئحاااااا؟!!

عبدالرحمن بامەرنی

ئەڤ ئحێنا لدوماھیا سەرەناڤێ گوتارا خوەدا من دانایی، گەلەك ئحێنێن دی ژێ دپەشن، وەكە شیشەكێ تو ل بەرەكی بدەی و ھەر پرتەك بۆ خوە دچیت! ائاخر ھەبوونا دوو ملیون ترۆمبێلان كەنگی ئاماژەیە، كو خەلكەك یان ھاولاتیێ ھەرێمێ یێ زەنگینە؟ رێك بەرۆڤاژییە و ئەڤە دیاردكەت رێڤەبرنەكا سەقەت یا ل قادێ و دا كو خودانێن ڤان دوو ملیون ترۆمبێلان خوە دگەل ڤێ سەقەتیێ بگونجینن و دەروونێ وان یێ ئارام بیت، دڤێت یان بچنە سەرێ لاتەكێ و ژدل بكەنە قێژی و ئەڤە ژی ژبەر فروكێن توركیا كەس نەوێریت قەستا چیان و سەرێن لاتان ژی بكەت و خوە ژ ڤێ زرە ھژمارا ترومبێلان دویر بكەت یان ژی ھەر چنەبیت ئەگەر ب پارێن خوە بیت یان ژی بدزیێ و گەندەلیێ بیت یان ژی ب قست و تەشقەلا بیت، دڤێت تورمبێلەكێ بكریت! ھەر ژبەر خوە نە، بەلكو ژ شەرما جیرانێن خوە و ژنكا خوە و زارۆكێن خوە، دا نەبێژنێ تو بكێر چ ناھێی، خوە جیرانێ تە ژتە باشتر نینە، ئەوی ترۆمبێل لبەردەرێ خانی ھەبیت و تە نە! ژخوە ئەڤە ژی سەقەتەیكا دییا حكومەتێ یە كو چاڤێ مرۆڤی ل خەلكی بیت و مرۆڤ یێ بێ بەرھەم بیت.

كار و ڤەدیتنا كاری.. بەرنامێ (كار و رێنجبەری) وەك نمونە

 عبدالرحمن بامەرنی

ئێك ژ بەرنامەیێن گرێدان ب ڤەدیتنا كاریڤە ھەین، بەرنامێ (كار و رێنجبەری)یە ژ پێشكێشكرنا رێژین ئەحمەد و دھەر خەلەكەكێدا، ئەڤ كچە قەستا پیشەیەكێ جودادكەت و وێ رۆژێ تا ئێڤارێ لدەف خودان پیشەیەكی دەست بكاردبیت و رۆژانا خوە وەردگریت. دەستخوشیێ ل وی كەسی دكەم یێ ھزرا بەرنامەی دارشتی و دەستخوشیێ لڤێ كچێ ژی دكەم كو یا دبێژیت چ كارەك ب زەحمەت نینە، بتنێ لێگەریان و خوە ماندیكرن بۆ دڤێت و ھەمی كاران دكەت یێن گەلەك ژخوە نەگرن وی كاری بكەن. ئەرێ كچەك ل بەرچاڤێن ھزاران كەسان بچیت بۆ نمونە كارێ پاقژكرنا ئاڤرێژان بكەت و كورەك نەشێت ڤێ بكەت! ئەكید دڤێت كور ژی و كچ ژی ھزرێن خوە بۆ كاری و ئەڤا بناڤێ (شەرمەیە) ژ سەرێ خوە بینە دەرێ.

ئەگەر نمونەكێ بینم، بەرییا چەند سالان بوو، خزمەكێ مە گازندە ژ نەبوونا كاری دكرن و دوو سێ كورێن وی دبێ كاری بوون و بەحسا گرانیا بازاری و جەژنێ دكر، كو بھەلكەفتا جەژنێ مە ئێكدوو دیتبوو، من گوتێ راستی شول یێ ھەی و كورێن تە لكاری ناگەرن، دڤێت مرۆڤ ل كاری بگەریێن و كار ل مرۆڤی ناگەریێت، گوت چاوان؟ من گوتێ بەری چەند رۆژان عەرەفاتێن جەژنێ بوون، ل نیڤا بازاری و ب شەڤێ خەلكی تشت ل سەر جاددێ د فروشتن و ھەر كەسەك دشییا كارتونەكێ دانیت، چ پێلاڤ یان دەمژمێر یان چكلێت و شیرینیێن جەژنێ یان ھەر تشتەك با فروشتبایە و دا قازانجەكێ باش كەت، گوتە من ماددێ چاوان چن سەر جاددێ تشتان فروشن و كورێن من دەرچوویێن زانكویێ!!

حەسەن شەریفی رەفع كر و ئەم دێ كەبس كەین

 عبدالرحمن بامەرنی

ئەڤا ئەز دێ نڤیسم چ گرێدان ب ھەڤكێشەیێن سیاسی ڤە نینە، ھندی من دڤێت ل سەر خالەكێ راوەستم، ئەم چاوان گرنگیێ ب ھونەر و چاندا كوردی بدەین و بەرەڤ پێش ببەین. د ھەیڤا پێنجا ئەڤ سالەدا، فێستیڤالا نێڤدەولەتی یا گەلاوێژ ھاتەكرنێ و وەك ھەر سال، ھونەرمەندەكێ كورد ل رێ و رەسمێن بەراھیێ و دووماھیێ یێن فێستیڤالێ سترانان دبێژیت، ئەڤە ژبلی تابلویێن ھونەری ئەڤێن دھێنە پێشكێشكرن. د ئەڤ سالە ژیدا، ھونەرمەندا كوردا رۆژئاڤایێ كوردستانێ (مزگین تاھر)، د بەرنامەیدا بوو و دڤیابا رازەمەندییا وەزارەتا ناڤخو ھەبیت، تا بشێت بھێتە ھەرێما كوردستانێ و كێمتر ژ حەفتیەكێ و پشتی (كیتابونا و كیتابوكوم،) نڤیسارا وەزارەتێ گەھشتە دەروازەی و مە شییا پێشوازیەكا بچووك لێبكەین و رەوانەی فێستیڤالێ بكەین.

ئەز بەحسا وێ ناكەم و شیانێن وێ و ل كولیژا ھونەری بۆ خوێندكارێن بەشێ موزیكێ، چەند مفا ژێ ھاتە وەرگرتن، كو ئەو بابەتێ من نینە، لێ پشتی حەفتیەكێ ژ دووماھی ھاتنا گەلاوێژێ و درێكا ڤەگەرا خوەدا بۆ دھوكێ و پاشی ژ دھوكێ بۆ قامشلوو، سپێدە زوویەكێ تەلەفونەك بۆ من ھات و شوفێرێ تەكسیێ گوت: ئەم یێ ل زالگەھا (دێگەلە) راوەستاندین و ناھێلن (مزگین تاھر) دەرباز ببیت؟ من گوتێ بابو ئەڤە سترانبێژە، نە سیاسییە؟!!

ھەر ل سەر بابەتێ فرەژنیێ؟!!

 عبدالرحمن بامەرنی

بەری چەندەكێ ل ھەولێرا پایتەخت ئەز بەشداری ورك شوپەكێ بووم ل سەر چەند بابەتان و ژوان ژی ل سەر شیاندانا ژنان(تمكین المراە)، كو چالاكڤان ژ (9) پارێزگەھێن عیراقێ تێدا بەشدار ببوون. دەما گروپ ھاتینە دروست كرن، ئەم (4) كەس ل سەر مێزەكێ روونشتین و من گوتێ ئەم دێ ل سەر رێژا بەردانێ و قەیرەبوونێ ئاخڤین، كو ل ھەرێما كوردستانێ ئەڤ رێژە بەرەڤ ھلكشانە و ھەڤالێن من یێن گروبێ ژ پارێزگەھێن ناڤەراست و باشورێ عیراقێ بوون، ئێكی ژوان گوت: ما رێژا بەردانێ و قەیرەبوونێ گەھشتیە 20%ێ؟! من گوت نەخێر. گوت بۆ زانین رێژا بيژنان لدەف مە یا ژ 50% د بوریت و قەیرە كچان باس نەكە! گوت تو چ دبێژی نوكە حالەتێن دانەشوویا كچێن دبن (18) سالیێدا ب كەسێن د سەر 50 و 60 سالیێ یا دبیتە دیاردە! من گوتە وان ما ھوسا چێدبیت، دەیبابێن كچێ، رازەمەندییا كچێ، ئەو كچ دێ چاوان شێت دگەل وی زەلامی ژیت و بابەتێ گونەھێ و مرۆڤبوونێ، راستی ھندەك تشت دگوتن، ئەز شووك دبووم؟

ھەولێر ل سەرەكی و ھەرێم ھەمی ل سەرەكی!!

 عبدالرحمن بامەرنی

ئەز دێ بەحسا جوداكارییا بھایێ پانزینێ كەم، جوداكاریا پانزینێ دناڤبەرا باژێرێن ھەرێما كوردستانێ دا و ئەكید دێ ب حكومەتێ ڤە گرێدەم، دا بابەتێ من راستە راست و باشتر بگەھیت. ئەز دێ نمونەكێ ژ فلمەكی ئینم كو ژ مێژە من دیتبوو و ناڤێ فلمی ژی لبیرا من نینە، لێ تێرا وێ چەندێ ھەیە پەیاما من بگەھیت، قارەمانێ فلمی سترانبێژێ مسریێ بناڤ و دەنگێ (عەبدولحەلیم حافز) بوو و ژبەركو سترانبێژەكێ ناڤدار بوو و ل ئاھەنگان دەردكەفت و دڤییا خوە جوان پیشان بدەت، جل و بەرگێن د بەردا د جوان بوون و لێ دەما دھاتە مال و چاكیتێ خوە یێ ل سەر بەدلەی ژبەر خوەدكر، راستییا جلكێن وی دیاردبوون و قەمیسێ وی بتنێ ھچك و پستوو و ئەو بەشێ دناڤ چاكیتی را دەردكەفت د نوی بوون و وەكی دی ھەمی یێ دریای و كون كون بوو.

وەك خوە.. سەركەفتیێن بادینان بۆ 25مین فێستیڤالا گەلاوێژ دناڤ سوشیالێ دا

 *ـ رێڤەبەریا گشتی یا رەوشەنبیری و ھونەری دھوك

**بناڤێ رێڤەبەریا گشتی یا رەوشەنبیری و هونەری ل پارێزگەها دهۆکێ، پیرۆزباهیێ ل هەرسێ نڤێسکاران، محسن عەبدولرەحمان، سەرکەفتیێ ئێکێ ل سەر ئاستێ پشکدارێن دەڤەرا بەهدینان بۆ بیاڤێ ڤەکۆلینێ، دلدار محەمەد، سەرکەفتیێ ئێکێ ل سەر ئاستێ پشکدارێن دەڤەرا بەهدینان بۆ بیاڤێ هەلبەستێ و دلبرین عەبدولفەتاح بۆتانی، سەرکەفتیا ئێکێ ل سەر ئاستێ پشکدارێن دەڤەرا بەهدینان بۆ بیاڤێ چیرۆکێ، دکەین کو ب نوینەراتیا دەڤەرێ، پشکداری فەستیڤالا ئەدەبی یا گەلاڤێژن ل باژێرێ سلێمانیێ و هیڤیا سەرکەفتن و داهێنانێن بەردەوام بۆ دخوازین.

رێڤەبەریا گشتی یا رەوشەنبیری و هونەری - دهۆک.

25ی گولانا سالا 2022ێ.

Rêveberîya Giştî ya Rewşenbîrî û Hunerî Duhok

**ـ عسمەت خابور

**دلبرین، هەرچەندە تشتەکێ گەلەک ئاسایی یە بۆ من کو تو ببیە سەرکەڤتیا ئێکێ لسەر ئاستێ بادینان د بیاڤێ چیرۆکێ دا ل فەستیڤالا گەلاڤێر، لێ حەزدکەم پیرۆزباهیێ ل تە بکەم.

بەرهەمێن تە دلێ تە دیاردکەت، ئەوێ تژی ژ برینێن ڤی وەلاتی.

تو هەر یەکەمی، و هەکە زمانێ کوردی، زمانەکێ جیهانیبا، پشتراستم دا لسەر ئاستێن نیڤدەولەتی یەکەم بی.

Ismet Xabur

شەرتێ مە كوردان (3) جارن!

 عەبدالرحمن بامەرنی

پێدڤی ناكەت رووشنتنان لدوور مە كوردان و ئایندێ ھەرێما كوردستانێ بگێرن، ژبەركو ئەم كورد بۆ ركامنیێ د پێگوتینە و بۆیە ب ھەمی تەوازع و جامێری ڤە، بۆ سەررەقییا خوە ئەم لێبورینێ ژ جڤاكێ نێڤدەولەتی دخوازین، ئەڤێن حەزدكەن كوردستان ئارام بیت و پێشڤە بچیت.

ڤێجا خانما (جینین پلاسخارت) و دا كو رێكا تە كورت ڤەبرین، ئەڤە دوو ھوشداری وە دانەمە، كو دڤێت ئەم ناڤمالییا كوردی رێكبێخین و وەك ھەر جار ئەم ل سەر دەھـ و دوویا خوە بەردەوامین و (لولو مورتاحوینە) و ئەم خوە ب سەر ڤەنابەین، بتنێ تە رێكەكا ڤەبر یا ھەی بۆ ڤان ھوشدارییان یان باشتر بێژم بتنێ رێكەك ل بەر جڤاكێ نێڤ دەولەتی یا مای یان ھوشدارییا سیێ ژی راگەھینن و دێ ھەر ئەم ئەڤ مالە بین یان ژی ئەم كورد حەژ (دارێ چیڤی) دكەین. ژ كەرەما خوە چارەیەكێ لمە بكەن، ڤان ھەڤركییێن لناڤ مە كێم بكەن و زوونێن مە یێن (كەسك و زەر) بكەنە ئێك و حكومەتەكێ بۆ مە دروست بكەن، دڤێ حكومەتێ دا ئینتیمائا مە یا حزبی نە بیتە ئەگەر، كو ئەم ھێشتا لدویڤ شوپ و عەقلیەتا رژێما سەدامی بین و ھاولاتیێ (دەرەجە دوو) لناڤ مە ھەبیت.