ع: بامەرنی
**ھوسا من خواند بوو: **ناڤێ ڤی تابلوی (راستییا رویس)ە، یێ شێوەكار (لیون جیرۆم) و ل سالا 1896ێ ھاتیە دروستكرن! ئەڤ تابلویە ئەفسانا راستیێ و درەوێ ڤەدگێریت، كو ل چەرخێ نازدێ گەلەك یا بەربەلاڤ بوو.. ئەفسانە ھوسان بەحس دكەت:
رۆژەكێ راستی و درەو گەھشتنە ئێك، ئینا درەوێ گوتە راستیێ ئەڤرو ساھیەكێ گەلەك یا خوشە.. راستیێ ب گومانڤە بەرێخوەدا دوورێن خوە و سەرێ خوە بلندكر و بەرێخوەدا عەسمانی، دیت كو عەسمانەكێ ساھییە و سەقا گەلەكێ خوشە، ئینا بریار دا ڤێ رۆژێ دگەل درەوێ ببەتە سەر..!
درەو ھاتە نك راستی ڤە و گوتێ ئاڤا بیرێ گەلەك یا زەلال و گەرمە و دا بچین خوە بێخینێ.. جارەكا دی راستیێ ب گومانڤە بەرێخوەدا درەوێ، پاشی دەستێ خوە برە ناڤ ئاڤێ، دیت یا زەلالە و یا گەرمە ژی، ئینا ھەردووكان جلێن خوە ئێخستن و چوون خوە تێدا بشوون.!
ژ نشكەكێڤە درەو بلەز ژ بیرێ دەركەفت و جلكێن راستیێ لبەر خوە كرن و خوە ھاڤێت و خوە بەرزەكر. راستی رویس ژ بیرێ ب تورەییڤە دەركەفت و ھەولدان كرن بدەتە دویڤ درەوێ. دەما خەلكی ئەو رویس دیتین، خوە ژێ زڤركرن و چاڤێن خوە ژێ وەرگەراندن.
لڤێرە راستیا ھەژار ڤەگەریا ناڤ بیرێ ڤە و دا خوە ژ چاڤێن خەلكی دویر بكەت و ژ شەرمێن خوەدا، ئێدی چ جارەكێ خوە نیشا كەسێ نەدا.
ژ ھینگێ وەرە، درەو ب جلێن راستیێ لناڤ خەلكی دگەریت و خەلك ژێ باوەكەن و دھەمان دەمدا، نەڤێن راستییا رویس ببینن..!https://www.facebook.com/photo/?fbid=10217141043038527&set=g.209899095715001
ـــــــــــــــــــــــــــــــــــــ
%20copy.jpg)
ليست هناك تعليقات:
إرسال تعليق