عبدالرحمن بامەرنی
ئەڤ ئحێنا لدوماھیا سەرەناڤێ گوتارا خوەدا من دانایی، گەلەك ئحێنێن دی ژێ دپەشن، وەكە شیشەكێ تو ل بەرەكی بدەی و ھەر پرتەك بۆ خوە دچیت! ائاخر ھەبوونا دوو ملیون ترۆمبێلان كەنگی ئاماژەیە، كو خەلكەك یان ھاولاتیێ ھەرێمێ یێ زەنگینە؟ رێك بەرۆڤاژییە و ئەڤە دیاردكەت رێڤەبرنەكا سەقەت یا ل قادێ و دا كو خودانێن ڤان دوو ملیون ترۆمبێلان خوە دگەل ڤێ سەقەتیێ بگونجینن و دەروونێ وان یێ ئارام بیت، دڤێت یان بچنە سەرێ لاتەكێ و ژدل بكەنە قێژی و ئەڤە ژی ژبەر فروكێن توركیا كەس نەوێریت قەستا چیان و سەرێن لاتان ژی بكەت و خوە ژ ڤێ زرە ھژمارا ترومبێلان دویر بكەت یان ژی ھەر چنەبیت ئەگەر ب پارێن خوە بیت یان ژی بدزیێ و گەندەلیێ بیت یان ژی ب قست و تەشقەلا بیت، دڤێت تورمبێلەكێ بكریت! ھەر ژبەر خوە نە، بەلكو ژ شەرما جیرانێن خوە و ژنكا خوە و زارۆكێن خوە، دا نەبێژنێ تو بكێر چ ناھێی، خوە جیرانێ تە ژتە باشتر نینە، ئەوی ترۆمبێل لبەردەرێ خانی ھەبیت و تە نە! ژخوە ئەڤە ژی سەقەتەیكا دییا حكومەتێ یە كو چاڤێ مرۆڤی ل خەلكی بیت و مرۆڤ یێ بێ بەرھەم بیت.
ئەڤە ژبلی چەند ئحێنێن دی، كو دھەمیاندا حكومەتا بازرگان، مەبەستا من بەرپرسێن بازرگان ژێ موستەفیدن و بگرە ژ ئحێنا كومپانیا ئەڤا ترومبێلان ھاوردەی ناڤ ھەرێمێ دكەت! ئحێنا خودانێن پانزینخانا و ئەڤێن پانزینێ دئینن و ب كەیفا خوە بھای بۆ لیترێ ددانن! ئحێنا رێڤەبەرییا ھاتن و چوونێ، كو جارەكێ مە گوتبوو ئەڤ رێڤەبەریە ب سەرێ خوە دشێت حكومەتێ پرێڤە ببەت و بگرە ژ غەرامێن كامیرێ، پارێ ژینگەھێ، رەقەمێ فسفوری و 15 ھزار دینارێن بورغییا ژی ھاتنە سەر و لێكدانی دوو ملیونێ بكە! ڤێجا ئحێنێن روودانێن ترۆومبێلێ ھەر مە نەگوتن كا چەند كەس ژێ دبنە قوربانی و ئحێنێن گیروبوونێ و خەبسا ترۆمبێلا و تەنگییا جاددێن دھوكێ و ئەڤە ژبلی پیسبوونا ژینگەھێ و ژ دەولەت سەرێ بێ سەروبەرییا پلاندانانێ و ئەوا ئەم ب ناڤێ (دێ بھێلە بھیڤییا خودێ ڤە)، ھەر ئحێن ناھێنە ھژمارتنێ، ھندی ھند زورن!!!
ــــــــــــــــــــــــــــــــــــــــــــــــ
https://www.facebook.com/photo/?fbid=10217107021148001&set=g.209899095715001
%20copy.jpg)
ليست هناك تعليقات:
إرسال تعليق