ع: بامەرنی
بابەتێ خرڤەبوونێ رێزگرتن بوو ل ھەر سێ سەركەفتیێن 25مین فێستیڤالا نێڤ دەولەتییا گەلاوێژ. جھێ خرڤەبوونێ ل گوندێ نسرا، گوندێ ئێك ژ سەركەفتیێن فێستیڤالێ ب شعرێ ل سەر ئاستێ بەشداربوویێن بادینان (دلدار محەمەد). كەسێن ئامەدەبووی خەلكێ گوندێ نسرا و كەسێ پێرابووی، ئێك ژ خەلكێ گوندێ نسرا كاك (عیسا نسری)بوو.
ئەز بەحسا خرڤەبوونێ ناكەم و ئەو پەیڤێن ھاتینە خاندن و ئەو یاریێن دناڤ چالاكیێ دا ھاتینە كرنێ، تشتێ بۆ من بالكێش ژڤێ خرڤەبوونێ، ئەگەر مەبڤێت ئەم دەستێ خەلكێ خوە بگرین، دڤێت ئەم پشتەڤانییا وان بكەین، پشتەڤانیكرن یان كو دەرێخستنا بەھرەییان. ئەم پێدڤی بەھرەمەنداینە و خودان شیایناینە، خوە ئەگەر ل سەر ئاستێ گوندی بیت، ل سەر ئاستێ دەڤەرێ دا بیت. ئەڤ دەستپێشخەرییا ڤی گوندی بۆ ئێك ژ گەنجێن خوە و رێزلێنانا وی دناڤ گوندیدا، نە بتنێ تشتەكێ نوی بوو، بەلكو ئەم ھەمی دشێین مفای ژێ وەربگرین، ژبەركو گەشەكرنا ھەر تشتەك ژ ھێلینێ و خێزانێ و بنەمالێ دەست پێدكەت و ھوسا مرۆڤ ئاڤا دبیت و خێزان ئاڤا دبن و دەڤەر ئاڤا دبن و مللەت پێشدكەڤن، ئەڤرو ب بابەتەكێ ئەدەبی و سوبەھی ب ئێكێ زانستی.
ـــــــــــــــــــــــــhttps://www.facebook.com/photo/?fbid=10217257485789523&set=g.209899095715001
%20copy.jpg)
ليست هناك تعليقات:
إرسال تعليق