عبدالرحمن بامەرنی
عەقلێ مودەبەرێ داعش (ئەفسەرو پلەدارێن سوپایێ عیراقێ و رەفیقێن حزبا بەعس)، شییان ئیسلامێ بۆ خوە بكەنە پێسترك و ب بەھانا كو (عەرەبێن سنە) د پەراوێزخستینە، دەڤەرێن عەرەبێن سنەنشین كرە زەمینا چالاكیێن خوە و دا ھەیبەتا خوە دیار بكەن، چ وەحشیەتا ھەی بكار ئینا (ب ساخی سوتن، ب ساخی د بانیدا ھاڤێتن، ب ساخی سەرژێكرن)، ئەڤ كردارێن ھەنێ ژی ھەمی ل بەر چاڤێن خەلكی دا ترسا خوە ددلێ خەلكیدا، بچیك و مەزناندا دروست بكەن. پاداشتكرنا خەلكی ژی، ئێزدی كرنە ئارمانج، سەرومالێن وان بۆ وان حەلالكرن، كچ و ژنێن وان كرنە كەنیزە و ل بازاران فروشتن پێكرن و ژبلی كومەلكوژی وووووو ئەڤە ھەمی ژی ب ئاشكەرای و تا نوكە ژی لڤینێن وان و چالاكیێن وان بدووماھی نەھاتینە، تا نوكە ژی شانێن وان یێن نڤستی ھەنە!! ئەڤا چێبووی ب ھەمی پیڤەرەكێ جینوسایدەك و فەرمانەك بوو، ژبۆ مللەتەكێ بێ دەستھەلات یێ بناڤێ ئێزدی.
لێ دگەل نەمانا رێكخستنا داعشا تیروری، دەردەسەریێن وان بدووماھی نەھاتن، ژ ھێزێن چەكدارێن كوردی كوردی بگرە، ژ ھێزێن چەكدارێن ئێزدێ بخوە بگرە و ژ ھێزێن حەشدا شەعبی بخوە بگرە و ڤان كێشمەكێشەیان، ئەڤە دێ بنە ھەست سالێن رەبەق، ئێزدی دبن چادران دانە و دووری وارگەھێن خوە و بگرە ژ نەساخییان، ئایندەكێ بەرزە و سەرما زڤستانێ و گەرما ھاڤینێ و تا سوتنا خیڤەتان و لێ پرسیارا ب كورت و كرمانجی ھەمی ئێزدیەك ژخوە و ڤان ھێزان ھەمیان دكەن، ئەرێ ئەڤا داعش ب سەرێ وان ئینای، مانە بەسە! مانە دەم ھات ھین ھەڤركیێن خوە بدەنە ئالیەكی و بھێلن ئێزدی ژی ژیانا خوە وەك مرۆڤ ببەنە سەر؟!!!!
ــــــــــــــــــــــــــــــــhttps://www.facebook.com/photo/?fbid=10217245453248717&set=g.209899095715001
%20copy.jpg)
ليست هناك تعليقات:
إرسال تعليق