وەرگێران: ع. بامەرنی
بیرا من ل دەستپێكا تەمەنێ من یێ سنێلەیێ دھێت، وی دەمی بابێ من پرسیارەك ژمن كر، كا چ تشت خوشتڤیترینە لدەف من! ئەوی باش ژی دزانی كو پشیكا من ژبۆ من خوشتڤیترین تشتە و ھەر رۆژا پاشتر ژڤێ پرسیارا بابێ من، ھندی ئەز ل پشیكا خوە گەرییام، من ئەو نەدیت. ئەز گەلەك ژێ خەریب بووم و من چەند پرسیارا وێ كربایە، دگوتنە من بابوی یا فروتی!
ئەز بۆ بەرزەبوونا وێ گەلەك خەمگین بووم و نەڤیانا من بۆ بابێ من زێدەتر لێھات.. من خارنا خوە كێمكر و من ئێدی دگەل بابێ خوە ژی نە ئاخفت و ل رۆژا دەھێ ژ بەرزەبوونا وێ.. بابێ من بۆ من پشیكا من زڤراندەڤە و گوتە من: كورێ من گوھێ خوە باش بدە من، تو مەزن بووی و ئێدی بوویە زەلام، دێ حەزا تە بەرەڤ كچان ڤە چیت و دێ ئەڤیندار بی و دێ تە گەلەك ئەزموون دڤی بیاڤیدا ھەبن، بەلێ تشتەكێ ژبیرنەكە! ھەر كچەكا تە ھەڤالینیا وێكر، بارودوخێ وێ چاوا بیت ژی، ئەو بەھاترین تشتە لدەف خێزانا خوە و لبیرا خوە بینە دەما پشیكا تە یا بھاگران بەرزە بووی! نەھێلە چ تشتێن دی یێن بھاگران بەرزە ببن و كەسێ د سەردا نەبە و چ كەسان نەگرینە.. ھێشتا لبیرا منە دەما گوتی: ئەز نابێژمە تە ئەو كچ نامووسا وانە، ژبەركو ئەڤ پەیڤە یا كەڤن بووی، لێ دێ بێژمە تە ئەو پشیكا وان یا خوشتڤی یە و بھاترین تشتە لدەف وان و ژبیرنەكەی ئەو ل بەر وان گەلەك یا شرینە!
ـــــــــــــــــــــــــــــhttps://www.facebook.com/photo/?fbid=10217225669634139&set=g.209899095715001
ليست هناك تعليقات:
إرسال تعليق