بحث هذه المدونة الإلكترونية

pertook

pertook

2011/12/24

شەڤێن چلەیی

پەرتوكا من یا بناڤێ‌ (شەڤێن چلەیی)، ژلایێ‌ ئەنستیتویا كەلەپورێ‌ كوردی ڤە هاتیە چاپكرن و نوكە كەتیە بەر دەستێ‌ خویندەڤانێن هێژا، ئەڤ پەرتوكە ژ قەبارێ‌ ناڤین و ژ 194 لاپەران پێكهاتیە، جهێ‌ ئاماژێ‌ یە ژی ئەڤە پەرتوكا من یا 10 ێ‌ یە دهێتە چاپكرن و هیڤی دكەم ئەڤ بەرهەمێ‌ من یێ‌ نوی ژی لدویڤ دلێ‌ هەوەیێن بەرێز دا بیت و ئەز شیابم ژڤی ئالی ڤە خزمەتەكێ‌ بگەهینم.

2011/11/07

قەرەچ ژ نڤیسەران فێری خازوکیێ بوینە


تشتێ زاروکینیا من ژ خەلکێن دی جودا دکەت، ئەو بەرپەرکن، ئەوێن دگەل مندا مەزن دبن و ھێژ ئەز یێ باجا ھندەکان ژوان ددەم. دگەل مەزنبونا من ژی وەک ھەڤکیفەکێ نە ڤەقەتیایی، ڤان بەرپەرکێن ھە روژانێن من کرینە د ئەلبومەکێ دا و ھەر کەسێ لێ سەح بکەت، لێ نابوریت! نازکییا  وان ژی ڤەدگەریت بو تەحلاتیێن بچویکاتیێ و ھەر ئەو تەحلاتی بوینە، ئەز کێش کریمە ڤێ نڤیسینێ.

2011/11/04

چیروکا من و (دوو دەرھەم)ی


تشتێ ژ ھەمیا پتر دژیانا خوە دا من حەژێکری و من گەلەک خەون پێڤە دیتین، (دوو دەرھەم)ەکێ پێکڤە بو، دەما من قەستا مال دکر، من برێکێ ڤە دیتبو! باش لبیرا منە کوژیەکێ وی بتنێ دیار دکر و یێدی دناڤ تەقنێ دا بەرزە ببو، من خوە دسەر را گاڤ دا بو و بەری چاڤێ من ژێ خافل ببیت، ئەز پاش پاشکی زڤریم و بێی لدوور خوە سەحبکەم، من دەستێ خوە دایێ و دناڤ پەحنکا دەستێ خوە دا پەرخاند و من حشک را حەشاندە دبەریکا خو دا،

2011/10/07

ھەڤکێشا من و تە..!




تو پێدڤی کەسەکی د تە بگەھیت، گوھێ خو بدەتە لێدانێن دلێ تە و بزانیت چ دناخێ تە دا ھەیە و ئەو چ تشتە مێشکێ تە ئالوز دکەت! ئەو کەس ژی بتنێ یێ دھزرا تە دا و بەردەوام تو یێ لێدگەری، سپێدێ تو ژبەر وی ژ مال دەردکەڤی، لێدگەری و خوە بو ماندی دکەی. دکاری دا تو یێ ل ھیڤییا وی و ئەزمانێ خوە بو خەلکی خوش دکەی دا ل تە بستە ب بیت، خوە بو رێڤەبەر و بەرپرسێ خوە شیرین دکەی دا ئەو کەس دلوڤانیێ بتە ببەت، دچیە بازاری سەحدکەیە سەر رەفاتکێن دکانان تو نابینی،

رەونەقا پەیڤان


دەمەک بو ھزرەکێ سەرێ من ئالوز دکر و من نە دزانی ژ کیرێ نڤیسینا خوە دەست پێبکەم، براستی ئەز ل پەیڤەکێ دگەریام! تشتێ پتر ئەز کێشایمە ڤێ نڤیسنێ ژی ھەر پەیڤ بو، روژانە ب ھزاران پەیڤ دھێنە بەر گوھێن ھەر ئێک ژ مە، بەلێ ئایا چەند پەیڤ ژ وان ب مفانە، چەند ژی دگەل بای دچن. ھەر دەم گوتنا ناڤدارەکێ چینی دھێتە بیرا من، نزانم ل کیرێ ب بەرچاڤێن من کەفتبو، دبێژیت: (ھەلگرتنا ھزران ئەرکێ پەیڤانە، دەما ھزر ژی ھاتنە وەرگرتن، پەیڤ ژبیر دچن). ژ وان پەیڤێن روژانە دھێنە بەر گوھێن مە، ھند ژێ تژی رامانن، فەلسەفەیا ژیانێ ل سەر دھێتە ئاڤاکرن، ھند پێ حەژێکرنێ دکەن، ب شەڤان نانڤن و تەماشای ستێران دکەن، موبایلێن وان ھەردەم یێ لبەر گوھێن وان،

داوی ھاتنا شعرەکێ


پێکێ دوێ یە دڤێ ئێڤارێ دا ژ دەستێ من دکەڤیت و درژیت...
 ببورە کو ئەز نەشیایم رێ ل ھاتنە خوارا روندکێن تە بگرم...
ژیان کچەکا خاپینوکە و یارییان ل سەر مێزەییا مە دکەت...
 دەما بێھنا رەشە ریحانێن سینگێ تە نقومی پێکێ خوە دکەم و دادعویرم! ھەست ب شێتبونەکێ دکەم، ھیچ شەرابەک نە شێت من ژڤێ بێدەنگیێ دەربینیت...

2011/09/29

دیداره‌كا تایبه‌ت ل روژناما وار، ژماره‌ 475 27/9/2011


 هه‌لبه‌ستڤان عه‌بدولرِه‌حمان بامه‌رٍنى: ئه‌گه‌ر جه‌ڤه‌نگ و مژدارييێن هه‌لبه‌ستا مه‌ وه‌كو یێن سالێن هه‌شتییان بن ئه‌ڤه‌ مه‌ بو سه‌رده‌مێ نوو و ئاینده‌ى چو نه‌كر و ئه‌م خوه‌ دخاپینین

وار: سيپان عه‌بدوللا

عه‌بدولره‌حمان بامه‌رنى يه‌كه‌ ژ هه‌لبه‌ستڤانێن ده‌ڤه‌رێ كو تا نها چوار ديوانێن شعرى ل گه‌ل پێنج پرتووكێن دن د وارێ ئه‌ده‌بێ كلاسيك و فۆلكلۆرى و رۆژنامه‌ڤانيێ ده‌ هه‌نه‌ و نها سه‌رنڤيسه‌رێ كۆڤارا چاڤدێره‌. بامه‌رنى ژ وان هه‌لبه‌ستڤانايه يێن‌ گه‌له‌ك گرنگيێ ب دروستكرنا وێنه‌يێن شعرى دده‌ن. د ڤێ ديدارێ ده‌، سينگێ خوه‌ بۆ چه‌ند پرسيارێن مه‌ ڤه‌دكه‌ت.

2011/09/10

دەستھەلاتا کومەلگەھی د چێکرن و ژ ناڤبرنا رەوشت و دیاردەیان دا ‌


عبدالرحمن بامەرنی20/8/2011
ـ  2
دێ ھەولدەین چەند دیاردەیەکان کو بوینە تیتال (عادات) لدەڤ خەلکی، بەرچاڤ بکەین! سەرەرای پابەندبونا خەلکی بوان دیاردە و تیتالان ڤە، بەلێ ژبەرکو وان رەوشت و تیتالێن نوی، دگەل نوییاتیا خوە چ گوھرینێن باش پەیدا نەکرینە، کو ئەو گوھرین حەزا خەلکی و تێگەھشتنا وی تێر بکەن، دێ بینی دەما دبیتە گەرا ساخکرنا یان روژا وێ دیاردەیێ، ڤێجا چ ئەو دیاردە خوشی بیت یان نەخوشی یان ھەر ھەلکەفتەک،

2011/07/16

شه‌ڤ و باران و ئه‌ز


                           13/8/2010  دهوك
ـ 1 ـ
دشه‌ڤه‌كا بارانى دا
ژوورا من، بێهنێن خوه‌ش ژێ دهێن
دگه‌ل چراكى پیاسان دكه‌م
چاڤێن من ژ روناهیێ دتارینه‌ و
بتنێ ژ ڤى چراكى
وه‌ك خه‌ونان
دخه‌یالێن سنێله‌ییێ دا
سیناهیێن عاشقانه‌ دبینم..

سه‌مفونیا په‌یڤان


په‌یڤ

دبه‌رپه‌رێن شاعران دا
یارى و ته‌به‌لانێ ب په‌یڤان دهێته‌كرن و
دئه‌زه‌ل دا هه‌مى دغرور و مه‌غرورن
د سه‌رده‌مێ عه‌شقێ و نڤیسینا په‌یڤان دا
دبیته‌ توفانا مروڤیبونێ و
یارى ب پیروزیێن وان دهێته‌كرن!
هه‌مى سه‌مایێ لبه‌ر په‌یڤان دكه‌ن، هه‌كو ژ تاریێ درژیێن
شاباشان دده‌ن!

وه‌ریانــا به‌لـگان



عبدالرحمن بامه‌رنى

ده‌م هات
ئه‌ز و شیعر و شێتاتى
روژیێن خوه‌ بشكێنین و ل تاڤه‌ هه‌یڤه‌كا دى
بگه‌رین
با، ڤان جوره‌ په‌یڤان رامالیت و
ل بلنداهیه‌كا دى
خه‌ون و نڤێژێن حاجى ره‌شكان
بهێنه‌ قه‌زاكرن!

2011/06/25

توندوتیژی ژ کیڤە دەست پێدکەت ‌


عبدالرحمن بامەرنی‌
25/6/2011  روزناما كوردستانى نوى زمارة 12 لابةر 13

پترییا بابەتێن جڤاکی چ بوچوون بن یان ژی دیڤچوونێن روژنامەڤانی، گرنگیێ ددەنە بابەتێ توندو تیژیێ. ژبەرکو پاشماوێن ڤێ دیاردا بەر بەلاڤ و کوژەک، کارتێکرنێن خوە یێن نێگەتیڤ ل سەر گەلەک لایەنان دھێلیت و بتایبەتی ژنان کو گرنگیا ژنان ل سەر کومەلگەھی گەلەکە و نەخاسم ل سەر رەوشت و تیتالان و داھێنان و پەروەردەکرنێ و پەیداکرنا جڤاکەکێ ساخلەم. ئەگەر پتر بابەتی ڤەکولین و ل وان  خالێن نێگەتیڤ یێن ڤێ دیاردێ گەشەدکەن بزڤرین و پاشماوێن وێ یێن دومدرێژ ل سەر ژنان بخوە و زاروکێن وان و خێزانێ و کومەلگەھێ بگشتی و کارتێکرنێن خراب ل سەر رەوشەنبیرییا جڤاکی و پەیدابونا مەدەنیەتێ، دێ بینین کو ئەڤ بابەتە گەلەک یێ بەرفرەھە و گرنگە ئەم بھویری ل سەر براوەستین و

2011/05/30

(یادگار) و ئه‌رشیفكرنه‌كا دره‌نگ



عبدالرحمن بامه‌رنى
نڤیسینا هه‌لبه‌ستێ نه‌ وه‌ك هه‌ر كاره‌كێ دى یان پیشه‌یه‌كى یه‌ و دبیت جوداهیا وێ ژى بو دوو كریاران پێكڤه‌ بزڤریت، ئه‌و ژى داهێنان و سنعه‌تكارى پێكڤه‌، ژبه‌ركو چ جاره‌كێ به‌هره‌مه‌ندى بتنێ به‌س نینه‌ ئه‌گه‌ر سنعه‌تكارى ژى دگه‌ل دا نه‌بیت، ڤێجا ئه‌و سنعه‌تكارییا دهه‌لبه‌ستێ دا دهێته‌ بكارئینان جوداهییا خوه‌ ژ هه‌ر سنعه‌تكاریه‌كا دى هه‌یه‌ ئه‌وا مروڤ ژ كه‌سه‌كێ دى فێر دبیت، ژبه‌ركو سنعه‌تكارى لڤێره‌ بو خودیێ مروڤى و پاشماوێ هزرى و ره‌وشه‌نبیرییا مروڤى دزڤریت و چاوان ئه‌ڤى كه‌سێ هه‌ شیانێن خوه‌ گونجاندنێ هه‌بن و داهێنانێ بكه‌ت. ئه‌گه‌ر ئه‌ڤه‌ پێشه‌كیه‌ك بیت بو پێداچوونێ و خوانده‌كێ بو كومه‌لا هه‌لبه‌ستێن (قادر حه‌سه‌ن عیدو) ى كو پرانیا ئه‌ڤ هه‌لبه‌ستێن دڤێ كومه‌لێ دا هاتین بو سالێن هه‌شتیان دزڤرن،

2011/04/13

نڤیسین ب قه‌له‌مىَ حبرى


عبدالرحمن بامه‌رنى

عه‌قلیه‌ت

لبیرامنه‌، دنڤیسنه‌كا خو دا من ئاماژه‌ بوىَ چه‌ندىَ دا بو، مه‌ پشتى سه‌رهلدانىَ  ب عه‌قلیه‌تا چیایى ریَبه‌رییا خوه‌ دكر و ژ وىَ عه‌قلیه‌تىَ ژى، ئه‌م نه‌شیاین خوه‌ زوى دگه‌ل دورهیَلى بگونجینین. ئه‌گه‌ر نوكه‌ ژى ئه‌م به‌راوردیه‌كىَ دگه‌ل عه‌قلیه‌تا به‌رى سه‌رهلدانىَ و پشتى سه‌رهلدانىَ دا بكه‌ین، ئه‌گه‌ر دروستتر بیَژین به‌راوردیه‌كىَ دگه‌ل عه‌قلیه‌تا ئه‌وا ئه‌م ژ باب و باپیریَن خوه‌ و ژ كه‌لتور و ره‌وشت و تیتالیَن خوه‌ فیَربوینىَ، دگه‌ل ئه‌ڤا نوكه‌ ئه‌م دپیَشكه‌تنا نوكه‌ جیهان گه‌هشتیىَ دا دبكه‌ین، كو كه‌نالیَن عه‌سمانى جیهان بچویك كریه‌ و ئینایه‌ دهه‌مى خانییان ڤه‌. ئه‌نترنیَت، كو دئیَك سات دا تو دشیَى روژهه‌لات و روژئاڤاییَن جیهانىَ بگه‌هینیه‌ ئیَك. ئه‌م دىَ دوو دورهیَلیَن ژ ئیَك جودا هه‌مبیَزكه‌ین، ئه‌م دناڤبه‌را هه‌ردوان ژى دا دهلاویستى نه‌ و ئه‌م نه‌شیاینه‌ ئه‌وا لده‌ف مه‌ هه‌ى، خوه‌ ژىَ رزگار بكه‌ین. نه‌ ئه‌م دشیَین ئه‌وا هه‌ى ژى خوه‌ دگه‌ل دا بگونجینین! ژ ڤىَ هه‌ڤكیَشه‌یىَ ژى، ئه‌م بترس ل هه‌ردوو حاله‌تان دنیَرین. ئه‌م هزر دكه‌ین، ئه‌گه‌ر مه‌ خوه‌ ژ رابردویىَ خوه‌ ڤه‌هیَلا، ئه‌ڤه‌ مه‌ كه‌سایه‌تى و ره‌وشت و تیتال و باوه‌ریا خوه‌ هه‌مى ژ ده‌ست دا، ئه‌گه‌ر مه‌ خوه‌ دگه‌ل دورهیَلى ژى گونجاند و ئه‌م تیَدا سه‌رنه‌كه‌فتین، ترسا مه‌ ئه‌م ببینه‌ پیَترانك و هینگىَ ترسا مه‌ ژ وىَ چه‌ندىَ په‌یدا بیت، ئه‌م دوباره‌ نه‌شیَین خوه‌ دگه‌ل رابردویىَ خوه‌ بگونجینین ڤه‌.

2011/03/27

پشتى سالەكى ژ راوەستاندنىَ روژناما چاڤدێر ب شێوەى كۆوار دىَ هیتە وەشاندن


27/03/2011 17:11



دهۆك 27 ئادار/مارس (ئاكانیوز)- پشتى روژناما چاڤدێر سەرا بەلافكرنا هوزانەكىَ هاتییە راگرتن، بڕیار ئەوە ل دەسپێكا مەها نیسان/ئەپریل یا ئەڤ سالە ب شێوەیىَ كۆوار بەردەوامیىَ بدەتە وەشانا خوە.

abdulrahman bamarniعەبدوڕەحمان بامەڕنى سەرنڤیسەرىَ روژناما چاڤدێرا بەرىَ و سەرنڤیسەرىَ كۆوارا نوى یا چاڤدێر بو ئاژانسا كوردستان یا دەنگوباسان (ئاكانیوز) راگەهاند، پشتى ل دەسپێكا سالا چویى سەرا بەلافكرنا هوزانەكىَ كو هندەك پەیڤ تێدا بوون مەلا و موسلمانێن دهۆكىَ توورە كربوون بو ئەگەر كو روژناما چاڤدێر بو ماوەیىَ دوو حەفیان راوەستێت، پاشان پشتى دوو حەفتیێان و ژبەر قەیرانا دارایى یا ئێكەتیىَ سەرجەم روژنامە و كۆوار و بەلاڤوكێن ژ ئێكەتییا نیشتیمانى كوردستان ل دەڤەرا بەهدینان دهاتنە وەشاندن، هاتنە راوەستاندن، چاڤدێر ژى ئێك ژوانا بوو وەشانا وىَ هاتە راوەستاندن.

2011/03/22

ڤه‌خواندنه‌ك بو (وه‌ریانا به‌لگان)


هوزان : عبدالرحمن بامه‌رنى
ڤه‌خواندن :م. عبدالله پیر 
  
هوزان یان هه‌لبه‌ست هه‌ر ل ده‌ستپێكا هه‌بوونا مروڤان وه‌كو تشتێ ئستاتیك و  پركرنه‌ڤا لایه‌نێ روحى یێ  ژیانا وى بوویه‌, گرنگى و پێدڤییا وێ یا گرێداى بووه‌ ب  قوغانا دیروكى ڤه‌ , هنده‌ك جاران دئاسته‌كێ بلند و پیروز دا بوویه‌  و جارێن دى ژى  هاتیه‌ لادان و پاشگوهـ كرن چونكه‌ وه‌كو ئه‌فلاتون د بێژیت "هه‌لبه‌ست یا دووره‌ ژ كه‌توارێ مروڤى و چ راستى تیدا نینه‌ ، هه‌مو دره‌ون " , جار هه‌بوو  ژى ئه‌گه‌ر هوزانڤان و هوزان نه‌كه‌فتبانه‌ د خزمه‌تا په‌رستگه‌هـ و ئایین دا  چ بهایێ خوه‌ دناڤ جڤاكى دا نه‌د بوو ، لێ هوزان هه‌ردمینیت لایێ جوان و هه‌ستیار دژیانا مرڤى دا دهه‌ر قوناغه‌كا دیروكێدا , چ ئه‌ڤ  هوزانه‌ ئاینی بیت یان وژدانى بیت یان هه‌ر بابه‌ته‌كى بخو ڤه‌ بگریت .سه‌ره‌تا داهێنانا مروڤاتى بو پركرنه‌ڤا ڤالاتیا روحى ب هه‌لبه‌ست و هوزانا بوویه‌ ژبوى رازیكرنا خوداوه‌ندا و دیوارێن په‌رستگه‌ها ب هوزانا دهاتنه‌ خه‌ملاندن.

2011/03/12

نڤیسین ب قه‌له‌مێ حبرى 3 ـ 4


چه‌رخێ له‌زێ

ئه‌گه‌ر ل ده‌مه‌كى، مه‌ خوه‌ بخودیێ هه‌مى تشته‌كى زانى بیت، وه‌ك گوتنه‌كا كوردى دبێژیت: ئه‌م وه‌كى باجان سوركێ بكێر هه‌مى كاره‌كى هاتبین! ئه‌ڤ چه‌ندا هه‌ بتنێ بو قوناغه‌كا ژیارێ یا تایبه‌ت بو كو ره‌وش دخازته‌ وێ چه‌ندێ، هه‌ر كه‌سى دڤیابا ل گوندێ خوه‌ هه‌مى كار كربان، شاره‌زایى دهه‌مى بواران دا هه‌با. لێ دقوناغا ئه‌ڤرو دا و ده‌ما ئه‌م دبێژین ئه‌م یێ دچه‌رخێ له‌زێ دا دبورین، ئه‌م به‌ره‌ڤ تایبه‌تمه‌ندیێ ڤه‌ دچین و ژبه‌ر هندێ ژى، ئه‌گه‌ر ل دابه‌شكرنا وه‌رزێن سالێ ڤه‌گه‌رین و رێزبه‌ندییا هه‌ر وه‌رزه‌كى دگه‌ل یێ دن جودا. دێ دوو وه‌رز هێنه‌ ژ ده‌ستدان و بتنێ هاڤین و زڤستان لبه‌ر چاڤ مینن، ژبه‌ركو پتریا خه‌لكى فێربوینه‌ دڤان هه‌ردوو وه‌رزان دا، وان تشتان دبینن كو پترییا  ده‌مێن خوه‌ پێڤه‌ مژویل دبن. دهاڤینێ دا پلانێن خوه‌ ددانن و هه‌مى هوشمه‌ندى و شاره‌زاییا خوه‌ دئێخنه‌ كارى، كا دێ چاوان پروژه‌یێن خوه‌ ئیننه‌ ئه‌نجام.

2011/03/04

صمتك يشبه اشعاري






قبل تساقط الاوراق
الحياة تدبك بي الدبكة الاخيرة
تاخذنى الليالي الطويلة مع غروبها
و تشيخنى اكثر
اشعارى تبك معك
و مع ذهابك تسافر
في الشوارع ذات الاتجاه الواحد في مدينتى
اسرار قبلاتك
اخفت اروقتنا الضيقة

2011/02/28

Gomana di navbera rojnamegerî û wergerê de, parêzgeha Duhokê wek nimûne


     Rojnamegerî di pêşeya xwe da bi berçavkirina yarîpêkirin, xirabî û kemterxemiyan dikarûbarên giştî de, dixizmeta raya giştî daye. Dîtinên berteng berçav nake, belku dadyê bikar dîne û alîsengyê dêxte diboçûnên hevdij de, pîşeyeke diruşimê wê “Bila ronahiyek hebe”.
Rojnamenivîs Edolf. S. Okis li rojnameya Newyork Times
Tomas Cîfirmon serokê siyê yê Emrîka, li dor rojnamegeriyê dibêje: “Heger min bêxine di navbera helbijartinan de hukmeta bê rojnamegerî yan rojnamegeriya bê hukimet divêt, ez dê ya diwê helbijêrim. Li vê derê dema serokê Emrîkî di vê helbijartinê de rojnamegeriyê bi baştir dizane, merema wî pê rojnamegerî amîrekê guhorîn û pêşxistinêye di hemû biyavekî de.

2011/02/27

Bêdengbûn di eqliyeta daxistî de - Xeca Berlînî wek nimûne


Herdem axiftin li ser wê çendê dihête kirin, jiyan yan ku guhorîn û berdewamî. Bêyî van herdu çemkan jî, jiyan dê ya mend be, herdem dê arîşe û paşvemanî di berdewamiyê de bin. Dibe ramana ji hemiyan nêzîktir jî bo peyiva mendbûnê, ji mendbûna avê hatibe. Jiber ku li deverên me çi avên bi wî rengî nebûne, ji blî geravka û rûbar û cûkan. Ji ber hindê jî ramana ji hemiyan nêzîktir bo vê peyiva me merim pê, avên rawestayî dihêt.  Ew geravkên, çi avên bû nehêne ser û çi av ji ber jî neçin. Yan ku ev avên he nahêne guhorîn, ku aveka paqij bihête ser û jiyan di nav de berdewam be, ji blî peydabûna hêlîvankên nesaxiyan di nav de. Yan ku em civakek di nav xwe de têr in (eger ramana dirust ya peyiva erebî (eşbai eljatî) bihêt. Dema ev têrbûna he di naxê yan di derûnê her kesekî de hebe, ewî kesî çi pêdiviyatî bi çi şilqava nabin, ku livînek bi wê mendê bikeve.

2011/02/21

مه‌لا نه‌جمه‌لدین بابك


مه‌لا نه‌جمه‌ددین كى یه‌
ناڤێ وى یێ دروست (مه‌لا نه‌جمه‌ددین كورێ مه‌لا ئه‌حمه‌دێ بابك) ه‌، برایێن وى (حوسنى بامه‌رنى و مه‌لا عه‌بدولره‌حمان) كو ره‌وشه‌نبیر و هوزانڤان بونه‌ و به‌رهه‌م ل پاش خوه‌ هێلاینه‌. ژێده‌رێن ل سه‌ر ژیانا ڤی هوزانڤانی ب ده‌ست مه‌ كه‌فتین دكێم بونه‌، هه‌ر وه‌سان  به‌رهه‌مێ ل پاش وی ژى مای، بتنێ ئێك هوزان بویه‌، ئه‌و ژی دئه‌رشیفێ ده‌ست نڤیسێ هوزانڤان (عه‌بدوللا مه‌لا حه‌سه‌ن نه‌قشه‌به‌ندی) دا بو. هوزانه‌كا زورا جوان و لێكدای ب زمانێ عه‌ره‌بی هاتیه‌ ڤه‌هاندن، ب سالوخدان و وه‌سفكرنا باخچێ بن گویزا هاتیه‌ نڤیساندن، ئه‌ڤ باخچه‌یێ ژ لایێ (شێخ غیاس لددین نه‌قشه‌به‌ندى) ڤه‌ ل بامه‌رنێ هاتیه‌ چێكرن، كو دوی ده‌می دا ڤی باخچه‌ی گه‌له‌ك ناڤ و ده‌نگێن خوه‌ وه‌رگرتبوون، گه‌له‌ك هوزانڤانێن دى ژی ل سه‌ر جوانى و سالوخدانا ڤى باخچه‌ی نڤیسینه‌، وه‌ك (حوسنی بامه‌رنی) و هوزانا وی یا بناڤ و ده‌نگ (حه‌ودێن بن گویزا) و دیسان (ئه‌حمه‌دێ نالبه‌ند) ژی دهوزانێن خوه‌ دا ئاماژه‌ بڤی باخچه‌ی دا یه‌. 

2011/02/19

Nivîsîn bi qelemê hibrî -2-

Tirs

Hemiyan pê xweş e guh li stirana kuçk û dîwanan bigirin, heku Nadir Spîndarî Leilîxana Guveyî dibêje yan Lawikê Meidenî bi dengê Xelîl Bakûzî yan dema Hesen Elî Xencer “Ûsê zerî bi qesabê serê” dide niyasîn yan heku Şukrî Bêsevî tiblên xwe dike di guhên xwe re û pif dike Seydiko Seydevanan, bi rastî dengê wan û selîqa stirangotina wan, gelek li dilê me dihêt û em nahêlin kippên ji dengê biçûkekî bihêt. Te her divêt tawîka bideyê û guhê hemiyan jî di gel xweş dihêt.
Di salên ji nû televîzyon li ser çayxaneyan hatine belav kirin, her gava fîtî û destqutan bi ser gundî ve çûban, hemiyan dizanî Semîra Tewfîq hatiye ser şaşa televîzyonê û tiştê seyr jî jê, jinan jî hesîdî bi dîtina wê ve dibirin, belê ne ji ber dengê wê, belku ji ber ku ew jin şiya serinca zelam û lawên gundî bo xwe rabikêşe, tu bêjî ya bi çi bejn û bal e.

2011/02/14

نڤیسه‌ر و نهێنیا حبرێ ره‌ش


عبدالرحمن بامه‌رنى
هه‌ر ده‌ما ئه‌ز دچمه‌ بازارى و رێكا من  دبه‌ر (په‌رگه‌هه‌كێ) را  دكه‌ڤیت، ئه‌ز چاڤێ خوه‌ ل كرینا قه‌له‌مه‌كى دگێرم و پتریا جاران ژى حه‌زا من ل سه‌ر قه‌له‌مێ حبرێ وى ره‌نگ ره‌شه‌. ئه‌ز حه‌ز دكه‌م هه‌ر نڤیسینه‌كا من یا جان  ب قه‌له‌مه‌كێ جودا بهێته‌ نڤیسین، ره‌نگێ هه‌مى نڤیسینان ژى ژ ره‌نگێ ره‌شى ده‌رنه‌كه‌ڤیت. هه‌ر بابه‌تێ من بو نڤیسینێن خوه‌ هه‌لبژارتى ژى، كو ئه‌ز شیابم تشته‌كى تێدا بگه‌هینم، ره‌نگێ ره‌شه‌. مه‌رج نینه‌ ئه‌و تشت د چ بواره‌كى دا هاتبیته‌ دارشتن و پتریا بابه‌تێن نڤیسینێن من ژى یان شعرن یان ڤه‌كولینێن هزرى نه‌. ژبه‌ر وێ خوشیا ئه‌ز ب وان بابه‌تان دبه‌م و ئه‌ز یێ ژێ رازى، پتریا جلكێن من د ره‌شن و یا راست تر ئه‌ز پتر ب وان جلكان یێ كه‌یف خوه‌شم، ده‌ما ره‌نگێ وان یێ ره‌ش بیت.

2011/02/12

پێشكه‌تنا كه‌سى گرێدایى بیروباوه‌را نه‌


 ئه‌گه‌ر ئه‌م ئازادییا تاكه‌ كه‌سى بكه‌ینه‌ پیڤه‌ر بو هه‌ر گوهرینه‌كێ و ئافراندنه‌كێ، دێ بینین ده‌رفه‌تا ڤێ ئازادیێ مه‌ نه‌دیته‌ و ئه‌گه‌ر ده‌رفه‌ت بو په‌یدابونا وێ هه‌بن ژى، ئه‌م نه‌شیاینه‌ بكار بینین ژبه‌ر چه‌ندین فشاران كو دێ كه‌ینه‌ بابه‌ته‌ك بو دان و ستاندنێ. ئه‌گه‌ر گوهرینێ وه‌ك پێنگاڤه‌ك بو باشتربونێ وه‌ربگرین، دێ بینین هه‌ر ده‌م مروڤان حه‌ز ل وان رێكان هه‌بویه‌ كو زوى پێ بگه‌هنه‌ ئامانجه‌كێ و ژیانا خوه‌ پێ ئاسوده‌تر لێ بكه‌ن. ژڤێ هه‌ڤكێشه‌یێ ژى خه‌ون و خوزیێن وى بو گه‌له‌ك بیاڤان بژاله‌ دبن، به‌لێ دبیت ئه‌و تشتێن كو خه‌ون و خوزیێن وى ل سه‌ر ئاڤا دبن، هێشتا برێڤه‌ بن یان نه‌شیابیت ژبه‌ر هه‌ر ئه‌گه‌ره‌كێ هه‌ى، بگه‌هیتێ. ئه‌گه‌ر بزڤرینه‌ هه‌ڤكێشه‌یێ و ل گرێكا دكه‌ڤیته‌ به‌ر سینگێ هه‌ر بزاڤه‌كێ بنێرین، دێ بینین كو هنده‌ك گرێدایى ره‌فتارێن مروڤى بخونه‌، كو مروڤى حه‌زا هه‌ى وان گرێكان لپشت خوه‌ بهێلیت یان دسه‌ر را گاڤ بده‌ت، لێ هه‌رده‌م ئاسته‌نگه‌ك دكه‌ڤیته‌ درییا وى دا، ئه‌و ژى كى دێ خه‌لكێ ل ره‌خ و دووران گوهریت یان رازى كه‌ت كو ئه‌ڤه‌ باشترینه‌.

بێده‌نگبون دعه‌قلیه‌تا داخستى دا ............(خه‌جا به‌رلینى) وه‌ك نمونه‌


هه‌ر ده‌م ئاخفتن ل سه‌ر وێ چه‌ندێ دهێته‌ كرن، ژیان یان كو گوهرین و به‌رده‌وامى. بێى ڤان هه‌ردوو چه‌مكان ژى، ژیان دێ یا مه‌ند بیت، هه‌رده‌م دێ ئاریشه‌ و پاشڤه‌مانى دبه‌رده‌وامیێ دا بن. دبیت رامانا ژ هه‌میا نێزیكتر ژى بو په‌یڤا مه‌ندبونێ، ژ مه‌ندبونا ئاڤێ هاتبیت. ژبه‌ركو ل ده‌ڤه‌رێن مه‌ چ ئاڤێن بوى ره‌نگى نه‌بوینه‌، ژبلى گه‌راڤكا و ریبار و جوكان. ژبه‌ر هندێ ژى رامانا ژ هه‌میا نێزیكتر بو ڤێ یه‌یڤا مه‌ مه‌رم پێ، ئاڤێن راوه‌ستایى دهێت. ئه‌و گه‌راڤكێن، چ ئاڤێن بوش نه‌هێنه‌ سه‌ر و چ ئاڤ ژبه‌ر ژى نه‌چن. یان كو ئه‌ڤ ئاڤێن هه‌ ناهێنه‌ گوهرین، كو ئاڤه‌كا پاقژ بهێته‌ سه‌ر و ژیان دناڤ دا یا به‌رده‌وام بیت، ژبلى په‌یدابونا هێلیڤانكێن نه‌ساخیان دناڤ دا. یان كو ئه‌م جڤاكه‌ك دناڤ خوه‌ دا دتێرین (ئه‌گه‌ر رامانا دروستا په‌یڤا عه‌ره‌بى (اشباع الژاتى) بهێت. ده‌ما ئه‌ڤ تێربونا هه‌ دناخێ یان دده‌رونێ هه‌ر كه‌سه‌كى دا هه‌بیت، ئه‌وى كه‌سى چ پێدڤیاتى ب چ شلقاڤا نابن، كو لڤینه‌ك بوێ مه‌ندێ بكه‌ڤیت.  دناڤا كومه‌لگه‌هێ مه‌ ژى دا، ئه‌م نه‌شیاینه‌ خوه‌ ژ دوو تشتان ده‌رباز بكه‌ین، ئه‌و ژى هزركرن بو خو گوهرینێ و خو بێده‌نگكرن دعه‌قله‌كێ داخستى دا. ئه‌ڤان هه‌ردوو چه‌مكان ژى گه‌له‌ك ژ مێژوویا كوردى داگیر كریه‌ و ژ به‌ر زالبونا ڤان هه‌ردوو عه‌قلیه‌تێن نه‌ گوهور، نڤیسه‌رێن مه‌ یێن ئه‌ده‌بى پتریا داهێنان و ڤه‌كولینێن خوه‌ ژ بو ده‌ربازبونێ ژ ڤان هه‌ردوو چه‌مكان، ته‌رخانكرینه‌.

2011/02/10

نڤیسین ب قه‌له‌مێ حبرى ---(2 ـ 4) -----

                                                  ده‌ست هژاندن

هه‌مى حه‌زدكه‌ن ده‌ما هه‌ڤاله‌كى یان كه‌س و كاره‌كێ خوه‌ دبینن، وه‌ك رێزگرتن بچنه‌ ده‌ستێ وى.  هنده‌ك جاران مروڤ یێ به‌رهه‌ڤه‌ تا ده‌هـ مروڤان ده‌ستێ وان بگڤێشیت و بهژینیت. چ ئه‌و مروڤ  ل دیوانه‌كێ درونشتى بن یان ژ جهه‌كێ دویر هاتبن و ئه‌گه‌ر بو ده‌مه‌كێ كێم ژى لده‌ف وان بمینیت و بخازیت خاترێ ژ وان بخازیت! دووباره‌ دێ كت كته‌ چیته‌ ده‌ستێ هه‌میان ڤه‌. ده‌ست هژاندن بو هه‌میان خوشه‌ و هنده‌ك پیروزیێ دده‌نێ و بو هنده‌كان مه‌رجه‌ ده‌ست بهێته‌ گڤاشتن و دبێژن: دبیت (خدر پێغه‌مبه‌ر) بهێته‌ ده‌ستێ ته‌ و ئه‌گه‌ر ته‌ تبلێن وى گڤاشتن و هه‌ستى دده‌ستى دا نه‌بون، ئه‌و تو دشێى (مرادا) خوه‌ ژێ داخاز بكه‌ى.

2011/02/05

(Nivîsîn bi qelemê hibrî -1- (Elheq

Da ku bişên tiştekê ciwan û bimifa binvîsin, divêt ji xwe dest pê bikin! Nivîsîna ji nik xwe jî, yan dê me li ayindeyî rawestîne yan dê me milkeçî hizrûbîrên Kevin bike. Tiştê mirovî ji van herdu kêşeyan rizgar dike jî, divêt ayindeyî li paş xwe nehêlin û serborên xwe bêxine di xizmeta vî dorhêlî de, ewê heçku heyî, bê kêm û bê zêdehî. Ew tiştê tu dinivêsî jî û te bivêt armanca xwe bihingive, divêt hemî xelk têbigehin û ji (çîzîvîziya) ew dizanin, dernekeve. Ji ber hindê jî, me hewildaye bi qelemê hibrî, wan tiştên dikevne ser hizrên me, darêjin. Ji ber ku, ne em şiyane xwe ji wan tiştan rizgar bikin û ne em şiyane jî, xwe di gel keybordê kompiyuterî biguncînin.

2011/02/04

(سه‌عدوللا بامه‌رنى) ژ په‌رتوكا من یا بناڤێ (شاعرێن بامه‌رنێ)


سه‌عدوللا بامه‌رنى، ئه‌وێ ب كه‌له‌پورێ كوردى دهاته‌ نیاسین (هوزانڤان، سترانبێژ، ئاوازدانه‌ر، ده‌رمانێن كوردى و  نڤیسه‌ر)، دڤان بواران هه‌میان ژى دا شیا ناڤه‌كى بو خوه‌ چێكه‌ت، ل ده‌ستپێكا سالێن حه‌فتیا قه‌ستا ئێزگێ رادیویا كوردى ل به‌غدا دكه‌ت، چه‌ندین سترانێن خوه‌ لێ توماركرینه‌ و شیایه‌ چه‌ندین به‌رنامه‌یان ژى لێ پێش كێش بكه‌ت، كو د وى ده‌میدا كه‌سێن وه‌ك وى ل (ده‌ڤه‌را به‌هدینان) دكێم بون كو بشێن وێ بوشاتیێ پر بكه‌ن و ده‌ڤه‌را مه‌ پێدڤییاتى ب بلیمه‌ته‌كێ وه‌ك وى هه‌بو، ژبو تژیكرنا وێ بوشاتیێ و ئێك ژ سترانێن وى بو رادیویا به‌غدا توكاركرین ب ده‌نگێ خوه‌.
وه‌ره‌ بچین مه‌تینا 
ل چیاكێ ژورى ل ئه‌ڤرازى
خه‌ملا دیندارى شوینه‌
ل ئێك و دوو بكه‌ینه‌ گازى

2011/01/29

گرنگیا خالبه‌ندیێ د دارژتنا بابه‌تى دا


دبیت گه‌له‌ك كه‌سان حه‌زا نڤیسنێ هه‌بیت و گه‌له‌ك هزر و دیدو بوچوون دسه‌رى دا هه‌بن، به‌س نه‌زانیت دێ چاوان ئێخته‌ سه‌ر لاپه‌ران و كه‌ته‌ نڤیسین یان هنده‌ك نڤیسه‌ر ژ دارژتنا بابه‌تێ خوه‌ نه‌ درازینه‌، ده‌ما ئه‌و بخوه‌ دوباره‌ ل وى بابه‌تى دزڤریت، هه‌ست دكه‌ت كو ئه‌و تشتێ وى نڤیسى، ژ كێماتیا یا ڤالا نینه‌. ژبو وێ چه‌ندێ ژى كو بابه‌ت جوان بهێته‌ به‌رچاڤ و دارژتنا وى یا رێك و پێك بیت و خانده‌ڤا پێڤه  بهێته‌گرێدان، دڤێت نڤیسه‌ر و روژنامه‌ڤان گرنگیێ ب خالبه‌ندیێ بده‌ن.

2011/01/24

خواندنه‌كا كورت بو سێ تێكستێن (قیناع) كرى، دوو شیعر و په‌خشانه‌ك


سێ ده‌ق، دوو شیعر و ئێك په‌خشان، بارا لاپه‌رێ 11 ێ ژ روژناما وار ژماره‌ 314 بون. ئه‌گه‌ر هه‌ر سێ ده‌قان وه‌ك تێكست ب خاندنه‌كا هزرى و كورت، بو خودیێ ئه‌و كه‌سێن ئه‌ڤ تێكسته‌ دارشتین و ئه‌و ژیوارێ ئه‌ڤ كه‌سه‌ دناڤ دا دژین، بكه‌ین. دێ بینین سێ هزرێن هلوه‌ریایینه‌، برامانا بێ ئومێدیێ و هه‌ڤدژیێ دناڤبه‌را دوو كه‌ساتیان دا، ئێك ئه‌وا خوه‌ پێ ل به‌ر خودیكێ دبینن و یا دوان ژى، ئه‌وا خه‌لك پێ ته‌ماشاى وان دكه‌ت. ئه‌گه‌ر ل خودیێ هه‌ر سێ كه‌سان ژى بنێرم و شاره‌زاییا من دبوارێ ئه‌ده‌بى دا و ئه‌و به‌لاڤوكێن ل ده‌ڤه‌رێ و ب شێوه‌زارێ كرمانجى ده‌ردكه‌ڤن.

2011/01/21

ئایا "چایخانه‌" دێ یا به‌رده‌وام بیت؟


تێبینى: رێ بو به‌لاڤكرنا ڤى بابه‌تى دروژنامێن دهوكێ دا نه‌هاته‌ دان
هه‌ر چه‌نده‌ ئه‌ز نه‌ دگه‌ل وان مانشێتانم یێن ب نیشانا پرسێ ده‌ستپێدكه‌ن، به‌لێ په‌یدابونا گوڤارا "چایخانه‌" بناڤێ سه‌ربه‌خو، بخو نیشانا پرسێ یه‌. دبیت مه‌ره‌ما من ژ ڤێ نڤیسینێ پتر ئازراندنا بابه‌ته‌كى بیت، ئه‌و ژى، ئه‌و نه‌ باوه‌رییا دناڤبه‌را ده‌ستهه‌لاتێ و هاولاتى دا هه‌ى.

2011/01/20

بوچى (چایخانه‌)!



چ پێشكه‌فتن دبێ بزاڤ نینن و دیسان، چ پێشكه‌فتن دبێ به‌ربه‌ست ژى نابن. ده‌ما ئه‌م دبێژین به‌ربه‌ست، برامانا به‌رژه‌وه‌ندییا چه‌ند كه‌سان دێ هێته‌ تێكدان، ژبه‌ر هندێ ژى ئه‌ڤ كه‌سێن هه‌، دێ ب هه‌مى شیانێن خوه‌، بزاڤێ كه‌ن وى پروژه‌ى تێكبده‌ن و هه‌ولێن ژبه‌رئێكبرنا وى بده‌ن.

2011/01/15

ئه‌زمونا شعرى یا (عبدالرحمن بامه‌رنى) دناڤبه‌را عشقێ و شعرێ دا

لوقمان مه‌حمود
وى ده‌مى شعر دێ یا سه‌ركه‌فتى بیت، ده‌ما سه‌ركه‌فتیانه‌ ژ دوو دلیه‌كا به‌رچاڤ ڤه‌دگه‌ریێت ڤه‌، برامانا حه‌ژێكرنا ژیانێ دكوراتیا ساتێن مروڤى یێن ئالوز دا، بهه‌مى هه‌ستداریا خوه‌ ڤه‌ دگه‌ل ناخێ خوه‌ یێ گرێدایى هزرا ئاراسته‌كرى ژ كوراتیا مروڤى. بڤێ رامانێ، حه‌ژێكرن بهه‌ست و نه‌ستێن خوه‌ یێن به‌رزه‌ دێ به‌رگریێ ژ جوانیا خوه‌ كه‌ت، به‌رده‌وامى دێ دژیانێ دا هه‌بیت، تا دكرێتترین ده‌مێن وێ ژى دا.

2011/01/13

ب شه‌ڤ ئه‌ز بیر ل نڤیسینا شعران دكه‌م


ئادار-2005
چ بوویه‌!
ئه‌وێ لسه‌ر ده‌پێ شانۆیێ هشك راوه‌ستیایى 
دڤێت تشته‌كى بێژیت.!
جوانیا ماچه‌كا نه‌ بشكفتى
یا دناڤ گوهێن بێده‌نگیێ دا سه‌مایێ دكه‌ت

ئه‌و په‌نجه‌شێرا ئه‌ز ل دویڤ سیبه‌را وێ دگه‌رم


ئادار - 2005
شعره‌ك د كویراتیا هه‌بوونا من دا شوین دبوو 
لێڤێن شه‌ڤان ماچى دكرن 
من بۆ وه‌رزێ زارۆكینیێ د نڤیسى 
وه‌رزێ زارۆكینیێ و 
تبه‌ركێ حه‌جى محه‌مه‌دێ توڤى و 
مه‌ پێكڤه‌ د دویڤرا دگۆت ئامین

نڤسین ب قه‌له‌مێ حبرى "مخابن"


گوتنه‌كا هه‌ى دبێژیت (داسكا حه‌دادى چ جار یا سه‌قا كرى نینه‌)، هه‌ر چه‌نده‌ گوتنه‌كا دورى ڤى ده‌مێ نوكه‌ یه‌ ژى، كو ئه‌ڤرو ئه‌م ب خوه‌ خودانێن تلستار و دیجیتال و ئه‌نترنێتان دزانین. به‌لێ ژبه‌ركو مه‌ چ تشت نوینن، ئه‌م پێ گوتنێن نوى چێكه‌ین، ئه‌م نه‌چارین گوتنێن كه‌ڤن دوباره‌، بهاى بده‌ینێ.

نڤسین ب قه‌له‌مێ حبرى "عه‌جایب"



تو چه‌ند یێ دنیا دیتى بى، خه‌ونێن ته‌ ژى هندى وێ دیتنێ دێ ب دنیایێ داچن. هنده‌ك خه‌ونان ب ترومبێلێن گێچ سفر ڤه‌ دبینن، هه‌ر ترومبێلا دبه‌ر چاڤێن وان را دبوریت ژى، چاڤێن خوه‌ ددویڤ را دخشینن، ناڤێ وێ، مودێلا وێ، بهایێ وێ، سیكا وێ! یا گرنگ نه‌ ئه‌وه‌، كا وى چ جوره‌ ترومبێل بڤێت، یان كریه‌ دلێ خو و هه‌ر گاڤا ژ ده‌ستان هات، دێ كیژان جورى كریت. خه‌ونێن وینه‌ و خه‌ونێن وى ژى جیهانا وى یا روژانه‌ نه‌، هه‌مى جور دڤێن، چنكو چاڤێن وى دچنێ.

نڤسین ب قه‌له‌مێ حبرى " ترس"


هه‌میان پێخوشه‌ گوهـ ل سترانێن كوچك و دیوانان بگرن، هه‌كو (نادر سپیندارى) له‌علیخانا گوڤه‌یى دبێژیت یان لاوكێ مه‌عده‌نى ب ده‌نگێ (خه‌لیل باكوزى) یان ده‌ما (حه‌سه‌ن عه‌لى خه‌نجه‌ر) ئوسێ زه‌رى ب قه‌سابێ سه‌رێ (.......) دده‌ته‌ نیاسین یان هه‌كو (شوكرى بێسه‌ڤى) تبلێن خوه‌ دكه‌ته‌ دگوهێن خوه‌ را و بف دكه‌ته‌ سه‌یدكو سه‌یده‌ڤانان. براستى ده‌نگێ وان و سه‌لیقا ستران گوتنا وان، گه‌له‌ك ژ دلێ مه‌ دهێت و ئه‌م ناهێلین كپێن ژ ده‌نگێ بچویكه‌كى بهێت، ته‌ هه‌ر دڤێت تاویكا بده‌یێ و گوهێ هه‌میان ژى، دگه‌ل خوه‌ش دهێت.

نڤسین ب قه‌له‌مێ حبرى "ئه‌لحه‌ق"



دا كو بشێین تشته‌كێ جوان و بمفا بنڤیسین، دڤێت ژ خوه‌ ده‌ست پێبكه‌ین! نڤیسینا ژ نك خوه‌ ژى، یان دێ مه‌ ل ئاینده‌ى راوه‌ستینیت یان دێ مه‌ ملكه‌چى هزروبیرێن كه‌ڤن كه‌ت. تشتێ مروڤى ژڤان هه‌ردوو كێشه‌یان رزگار دكه‌ت ژى، دڤێت ئاینده‌ى ل پاش خوه‌ نه‌هێلین و سه‌ربورێن خوه‌ بێخینه‌ دخزمه‌تا ڤى دورهێلى دا، ئه‌وێ هه‌چكو هه‌ى، بێ كێم و بێ زێده‌هى.

2011/01/11

العلاقة السرية بين الحب والشعر في تجربة عبد الرحمن بامرني الشعرية


 لقمان محمود
 ينتصر الشعر، عندما يعود سالماً من قلقه المكشوف، بعمق اللحظة الإنسانية المتشبثة بمعاني الحب و الحياة. فالشعر، وبجميع الأحاسيس تعاطفٌ مع التأثيث الوجداني، المستند على الفكرة المتوجهة من الأعماق.

سىَ نڤیسین ب قه‌له‌مىَ حبرى (3)


بو جارا چه‌ندىَ من كاغه‌ز كیَشانه‌ به‌ر قه‌له‌مىَ خوه‌یىَ حبرى و چه‌ندین ریَزك بو ده‌رسوكا شیَخاتیىَ  من راده‌ستى به‌رپه‌ریَن روژناما كرینه‌، ژ دریَژاهیا ناڤىَ من كو ژ نه‌هـ پیتان پیَكدهیَت، جارنا ئه‌ز ب شیَخ دهیَمه‌ گازیكرن، ناڤیَن زه‌مه‌نىَ مه‌ یىَ بچویكاتیىَ ژ ئه‌حمه‌د و محه‌مه‌دا ده‌ستپیَدكرن و نوكه‌ هه‌مى ییَن بوینه‌ وارین و وارڤین و ئه‌ڤرو ئه‌م خودان هه‌ریَمین و خودان فیدرالیه‌ت. خه‌لكى گوتنه‌ من شیَخ و هنده‌كان بكه‌نى ڤه‌ ده‌ستىَ من ماچ دكرن،

سىَ نڤیسین ب قه‌له‌مىَ حبرى (2)


بو جارا دوىَ ئه‌ز هه‌ست دكه‌م، قه‌له‌مىَ من نه‌شیَت دگه‌ل من به‌رده‌وامیىَ بده‌ت و یىَ خوه‌ ژ نڤیسینیَن من، ڤه‌دهیَلیت. براستى ئه‌ڤى شیشىَ حبرى، ئه‌ز گه‌له‌ك وه‌ستاندم، نزانم حبر یىَ ئیَكسپایره‌ یان سه‌ركىَ قه‌له‌مى سه‌لخیه‌ و ل نڤیسینىَ دهه‌زقیت. هه‌مى دبیَژنه‌ من تو مروڤه‌كىَ كلاسیكى، ژبه‌ركو تو هیَژ ب قه‌له‌مىَ حبرى دنڤیسى! براستى ژى من دڤیَت بڤى قه‌له‌مى هه‌مى تشتیَن خوه‌ ییَن كلاسیك زیندى بكه‌م. دبیت كو هیَژ ئه‌ز خوه‌ ب كه‌سه‌كىَ كلاسیك دزانم، هه‌كو ئه‌ز یىَ گه‌نج حه‌ژیَكرن هه‌ما هه‌ر یا هوسا بو، چه‌ند جاره‌كىَ بیریَن زاروكاتیا خوه‌ دكه‌م، بیریَن سه‌یدایىَ عه‌دنان دكه‌م،

نڤیسین ب قه‌له‌مىَ حبرى (1)


من دگه‌ل قه‌له‌مىَ خوه‌ بریار دا، ئیَدى ئه‌م بو هه‌وه‌ نه‌ نڤیسین! ئه‌م ب ئیَش و ئازاریَن خه‌لكى ڤه‌، ب كیَشه‌ییَن جڤاكى و ب كیَشمه‌كیَشیَن سیاسى ڤه‌ گه‌له‌ك وه‌ستیاین. دڤیَت سه‌حكه‌ینه‌ دنیایه‌ك دى، نڤیسینیَن مه‌ ده‌ربرینىَ ژ جیهانا مه‌ بتنىَ بكه‌ن. ئه‌م ژ ده‌نگىَ شرشرا ئاڤىَ و چپكیَن بارانىَ، خه‌ریب بوینه‌! من جیهانه‌كا دى دڤیَت تیَدا گه‌نجاتیا خوه‌ بزڤرینم، ده‌مى گه‌له‌ك تشت ژ مه‌ دزینه‌ و ئه‌م ره‌پ و رویت دناڤ جاده‌ییَن دوو سایدى و سیهـ میترى دا هیَلاینه‌، چاڤه‌ریَى ده‌مژمیَریَن كاره‌بیَى نه‌ و سرایىَ لبه‌ر فرنیَن سه‌مونان دگرین، ده‌ستىَ مه‌ یىَ ب به‌ریكا مه‌ ڤه‌ و دوو روژا، ئیَك كیلویا فیَقى دخوین و هه‌ر سه‌رى، ژ ئیَك لب زیَده‌تر نه‌گه‌هیتىَ.

شمكا چم سور


ئه‌ز لته‌ ناڤه‌شێرم گه‌له‌ك جاران تو یا هاتیه‌ خه‌ونێن من و گه‌له‌ك جاران من یا هه‌ست بڤێ چه‌ندێ كرى، دگه‌ل هه‌ر هاتنه‌كێ ژى بارگرانیه‌ك ژ سه‌ر ملێن من دهاته‌خار! باش ل بیرا منه‌، هه‌ر ژ روژا من ئاگه‌هـ ژ خوه‌ بوى، موزیكه‌ گه‌له‌ك ژ دلێ من دهات و دكویراتیا وان ئاوازان دا، ئه‌م دبوینه‌ ئێك گیان. ژبه‌ر هندێ ژى  من هه‌ر ده‌م حه‌ز ل سه‌ر گوهدانا موزیكێ هه‌بو و هه‌مى گاڤه‌كێ من تو لدوورێن خوه‌ ددیتى یان هه‌كو ئه‌ز ل پیاسه‌كێ دگه‌ل خوه‌ به‌رزه‌ دبوم، من دزانى ده‌ستێ ته‌ یێ دده‌ستێ من دا و تو یا ل بلنداهیان، من دگێرینى..

2011/01/04

پێداچوونه‌ك ئه‌ده‌بى دپه‌رتوكا (شاعرێن بامه‌رنێ) دا


په‌رتوكا شاعرێن بامه‌رنێ ژ نالبه‌ندێ مه‌زن بو نالبه‌ندێ بچویك كو ڤان روژێن بورى كه‌تیه‌ به‌ر ده‌ستێ خوینده‌ڤانان، 11 شاعرێن باژێركێ بامه‌رنێ دناڤ خوه‌ دا هه‌مبێزكرینه‌ و ژ به‌رهه‌ڤكرنا (عبدالرحمن بامه‌رنى) یه‌.

رێكه‌فتنا دگه‌ل مارى


دبێژن دوو برایا ره‌زه‌ك هه‌بو و هه‌ر دچوونه‌ ناڤ ره‌زێ خو و ل نیڤا ره‌زى جهێ مشتاخه‌ و بێهن ڤه‌دانا وان بو و ل وى جهى كونا ماره‌كى لێ هه‌بوو، جار مار ژبه‌ر وان د ره‌ڤى و جار ئه‌و ژبه‌ر مارى دره‌ڤین، نه‌ مارى كونا خو دبره‌ جهه‌كێ دى و نه‌ ئه‌و دشیان جهێ مشتاخه‌ و بهێن ڤه‌دانا خوه‌ ب ڤه‌گوهێزن جهه‌ك دى.

حاكم و خولام



دبێژن حاكمه‌كى خولامه‌ك هه‌بو و چه‌ند جاره‌كێ ڤى حاكمى ئاڤ  ڤه‌خار با یان تشته‌ك خاربا، دا بێژیت ئه‌ح.
خولامێ وى دا بێژتێ ته‌ح.
جاره‌كێ زستان بو و به‌فرێ كولان گرتبون و ل گه‌له‌ك جهان ببو به‌ستى و ده‌ما حاكم و خولام ب رێكێ دچوون، حاكم ته‌حسى و ده‌ستێ خوه‌ دانا به‌ر خوه‌ و ده‌ستێ وى چوو د پیساتیا حه‌یوانه‌كى را.