بحث هذه المدونة الإلكترونية

pertook

pertook

2011/11/07

قەرەچ ژ نڤیسەران فێری خازوکیێ بوینە


تشتێ زاروکینیا من ژ خەلکێن دی جودا دکەت، ئەو بەرپەرکن، ئەوێن دگەل مندا مەزن دبن و ھێژ ئەز یێ باجا ھندەکان ژوان ددەم. دگەل مەزنبونا من ژی وەک ھەڤکیفەکێ نە ڤەقەتیایی، ڤان بەرپەرکێن ھە روژانێن من کرینە د ئەلبومەکێ دا و ھەر کەسێ لێ سەح بکەت، لێ نابوریت! نازکییا  وان ژی ڤەدگەریت بو تەحلاتیێن بچویکاتیێ و ھەر ئەو تەحلاتی بوینە، ئەز کێش کریمە ڤێ نڤیسینێ.

 ئەز ل ھەوە ناڤەشێرم، بەری ئەز فێری زمانێ نڤیسینێ ببم و بخو بکەمە کار، من ھەولێن گەلەک کارێن دی یا دای و ئەز ناڤەشێرم ژی، ھەر کارێن من دەست ھاڤێتیێ، من یا حەژێکری. بگرە ژ دکانداریێ و فروتنا کەل و پەلێن ناڤ مالیێ، بازرگانی، جوتیاری و کارێ سیاسی، دینداری و ھەیامەکی مەلاتی، سنعەتکاری و ھەر کارێ من خوە دھاڤێتێ ژی، مەرج نەبو تێدا یێ سەرکەفتیبام، ژبەر کو من ژیان بو خوە دانا بو ئەزمونەک و یا گرنگ دێ چاوان ژیانا من دگەل حەز و ئارەزوا من برێڤەچیت. بدەستڤەئینانا پارەی، من بو خوە دانا بو دوماھی قوناغ، ئەز گەشھبتومە باوەریەکێ کو (حەز ل کارێ خوە بکە، پارە دێ ل بدویف تە گەریێت)، ژ ھینگێ وەرە ھەر تشتەکێ من حەژێدکر، ئەز ژ ھەمی دلێ خوە حەژێدکەم و ھەمی ھێزا خوە ددەمە سەر و دلسوزیا خوە بو نیشان ددەم، چاوان من بو کارێن خوە بیروکەیەک ھەیە کو مەرج نینە دھەمی تشتان دا مروڤ سەرکەفتنێ بدەستڤەبینیت، ھەر وەسان دحەژێکرنێ ژیدا مەرج نینە ھەمی ھەڤال دگەل تە بەردەوامیێ بکەن و حەژێکرنا وان ھەر وەکو تە بڤێت، دومێ بکێشیت.
 دبیت ھەر ئەڤ بیروکەیە ژی بیت، کو خو نەگونجاندن و نە شارەزاییا من دلێکدانا پەیڤان دا، ئەز توشی گەلەک ھلنگاڤتنان کریم، ژبەرکو ئەو خودیکا وێنێ من بەروڤاژی دکر، ئەز ملکەچیێ رویەکێ راستگویێ دکرم، دسەر ڤێ ژی را، ئەز یێ رژد بومە دکارێن خوە دا، ھەر زوی من خوە ل سەر پێن خوە گرتیە ڤە. ژێگرتنا من بو کارێ نڤیسینێ، دبیت دوماھیک پێگەھـ بیت کو ئەز تێدا دخوە بگەھم و ئەز بشێم خاندنەکێ بدەمە ھەر تشتەکی و یێ سەرسورمان ژی نەبە، گەر بێژمە تە ھەر گاڤا تە ڤیا فالەکێ بو خوە ڤەکەی، ھەرە دەف نڤیسەرەکی و پەحنکا دەستێ خوە بکە دناڤ دەستێ ویدا! بەلێ ژبیر ژی نەکەی، چ گاڤا تە ڤیا پارەکی قەرز بکەی، خوە ژ نڤیسەری دویر بێخە، ژبەرکو ئەو نزانیت پاران کوم ڤەبکەت؟!
 ژ ھینگێ ھەکو من ئەڤ بابەتە ژ روژنامەکێ قەوراندی، من دگەل تشتێن خوە یێن بھادار  ھەلگرتی یە و من ڤیایە بزانم کا نڤیسەر چ دخون و چ لبەر خوە دکەن و چەند خوشیێن ژیانێ، بو خوە کرینە مال! بەلێ ببورن و لێبورینێ ژ وە دخازم، ئەڤێن ھوین خوە بنڤیسەر دزانن، کو ئەڤە ئەز یێ بناڤ سال ڤە دچم و بتنێ ژڤی جورێ مروڤان، قەرەچان ئەز دبینم (دبێ پارە، فال ڤەکەر و خازوک)، بتنێ ئەو پارا بو زکێ خوە دخازن و ھوین بو چاپکرنا پەرتوکەکێ.   


إرسال تعليق