بحث هذه المدونة الإلكترونية

pertook

pertook

2011/01/13

نڤسین ب قه‌له‌مێ حبرى "مخابن"


گوتنه‌كا هه‌ى دبێژیت (داسكا حه‌دادى چ جار یا سه‌قا كرى نینه‌)، هه‌ر چه‌نده‌ گوتنه‌كا دورى ڤى ده‌مێ نوكه‌ یه‌ ژى، كو ئه‌ڤرو ئه‌م ب خوه‌ خودانێن تلستار و دیجیتال و ئه‌نترنێتان دزانین. به‌لێ ژبه‌ركو مه‌ چ تشت نوینن، ئه‌م پێ گوتنێن نوى چێكه‌ین، ئه‌م نه‌چارین گوتنێن كه‌ڤن دوباره‌، بهاى بده‌ینێ.
 براستى ئه‌م فێرین هه‌مى تشتێ كه‌ڤن بهاى دده‌ینێ، ژبه‌ركو ئه‌م نه‌شیاینه‌ تشتێ نوى ب ئافرینین یان بملكێ خوه‌ بزانین. تا عاشقێن مه‌ ژى، ده‌ما مه‌سجا بو ئێك و دوو دهنێرن، په‌یڤێن هنده‌كێن دى بو خوشتڤیێن خوه‌ دكه‌نه‌ دیارى، به‌رییا چه‌نده‌كێ بو، ب به‌هانا كو په‌یڤێن من دجوان و دلێكداینه‌، داخواز ژ من هاته‌كرن كو ئه‌ز چه‌ند گوتنه‌كێن عاشقانه‌ بو كه‌سه‌كى بنڤیسم،  دا ئه‌و ژلایێ خوه‌ ڤه‌، بو هه‌ڤالا خوه‌ ب مه‌سجه‌كا حه‌ژێكرنێ فرێكه‌ت. لڤێره‌ ئه‌ز كه‌تمه‌ دان و ستاندنێ دگه‌ل ناخێ خوه‌، ئایا ئه‌گه‌ر ئه‌و مه‌سج چه‌ند یا جان و داخبار بیت ژى، تو بێژى شیانێن گه‌هاندنا دوو دلان هه‌بن و دوو كه‌سان بگه‌هینته‌ ئێك، ئه‌گه‌ر هات و گه‌هاندنه‌ ئێك ژى، ئایا ئه‌ڤ كه‌سێن هه‌ دێ چه‌ند دسه‌ركه‌فتى بن دژیانا خوه‌ دا، ئه‌گه‌ر سه‌نگا ئێك و دوو لدویڤ نازكى و راستگوییا وان په‌یڤان كێشا و زانى.
مخابن، چ جاران مه‌ باوه‌رى ب حه‌ژێكرنا خوه‌ نه‌بویه‌ و هه‌ر ده‌م ئه‌م هه‌ست ب بوشاهیه‌كێ دكه‌ین ژڤى لایه‌نى ڤه‌، ژبه‌ركو مه‌ سه‌ره‌ده‌ریا حه‌ژێكرنێ نه‌زانیه‌ و ئه‌م دسه‌ركه‌فتى نه‌بوینه‌ دده‌ربرینا هه‌ستێن خوه‌ دا. ئه‌م حه‌ژێكرنا خوه‌ و ئایندێ خوه‌ و كه‌ساتیا خوه‌ و دیتنا خوه‌ بو تشتان، د جوتێ پێلاڤێن خوه‌ را دبینین، ئه‌م گه‌له‌ك بهاى دده‌ینه‌ (له‌معاندنا) وێ، بێى ئه‌م ل جه‌وهه‌رێ تشتى بگه‌رین، بێى ئه‌م ل (فه‌سل و ئه‌ساسا) بگه‌رین. ژبه‌ر هندێ ژى، گوتنێن مه‌ چاوان دهێن بوى ره‌نگى به‌رزه‌دبن، پیروزیێن مه‌ ل سه‌ر مه‌ دفه‌رزكرینه‌، دگه‌ل كرینا هه‌ر جوتێ پێلاڤه‌كا نوى ژى، خه‌ونێن مه‌ نوى دبن ڤه‌ و ژ مه‌ ڤه‌ ئه‌م دێ پێ به‌ره‌ڤ حه‌ژێكرنه‌كا دى ڤه‌ چین، مخابن ئه‌م جوتێ كه‌ڤن زوى ژبیر دكه‌ین و جاره‌كا دى ئه‌م ژ چننه‌یێ ده‌ست پێدكه‌ین ڤه‌، ره‌حمه‌تى (عه‌بدلواحد زاخوى) گه‌له‌ك یا گوتى مخابن. به‌س مخابن ئه‌م وێ سترانێ هه‌ر ڤه‌دگێرین، بێى ئه‌م بهایێ وێ مخابنیێ بزانین. ئه‌گه‌ر ئه‌م بزانین ژى، ئه‌م دترسین تشته‌كێ نوى ب ئافرینین، هینگێ (له‌معاندنا) پیلاڤێ تێكه‌لى بنێ وێ یێ دریایى ببیت. 



إرسال تعليق