2011/01/04

هه‌ژار و دوعا


دبێژن مروڤه‌ك هیبوو دچوو د به‌ر په‌نجه‌رێ دا و بو خو دوعا دكرن و دگوتی یا ره‌بی تو سه‌د زێرا بده‌یه‌ من و هه‌كه‌ نوت و نه‌ه زێر ژی بن، من نه‌ڤێن و كه‌سپ و كارێن وی هه‌می سپێده‌هیا ئه‌ڤه‌ بون.

دبێژن رێكا جوهیه‌كی ژی دبه‌ر په‌نجه‌را مالا وی رادچو و گوه لێدبو هه‌ر و ڤی هه‌ژاری بخو ئه‌ڤ دوعایه‌ دكر. روژه‌كێ وی جوهی بو خوه‌ گوت ئه‌ز دێ رابم ڤی هه‌ژاری جه‌ربینم و رابو نوت و نه‌ه زێر كرنه‌ د تیركه‌كی دا و دكولینا مالا وی دا هاڤێتن كا دێ هه‌ژار چكه‌ت، هو چاڤێ وی هه‌ژاری بوی تیركی كه‌ت و زێرێن خو هژمارتن و ده‌ركه‌تن نوت و نه‌ه ئینا ده‌ستێن خو بلند كرنه‌ ڤه‌ و گوتی یا ره‌بی من تو ب زێرێ دی ئازا كری.
جوهی زانی زێرێن وی چوون وه‌ك دوعا وی هه‌ژاری نه‌ ده‌ركه‌ت كو نوت و نه‌ه زێرا نا وه‌رگریت. ئینا ل ده‌رگه‌هێ هه‌ژاری دا و گوتێ كا بینه‌ زێرێن من ئه‌و من تو د جه‌رباندی؟
هه‌ژاری گوتێ نه‌خێر یێن منن و خودێ بو من یێن فرێكرین. ئاخفتنه‌ك ژ وی و ئێك ژ وی بو جره‌ دناڤبه‌را وان هه‌ردووكا دا و جوهی گوتێ ئه‌م دێ شه‌ریعه‌تی خو به‌ینه‌ ده‌ف قازی.
هه‌ژاری گوتێ بلا به‌س بڤی ره‌نگى ئه‌ز ناهێم.
جوهی گوتێ بوچی؟
هه‌ژاری گوتێ جلكێن من د دریایی نه‌ و یێن ته‌ دنوی نه‌ و دێ قازی شه‌ریعه‌تی ب ده‌ست ته‌ڤه‌ به‌رده‌ت.
جوهی چوو ده‌سته‌كێ جلكێن نوی بو ئینا و گوتێ دێ بكه‌ به‌ر خو.
برێڤه‌ هه‌ژاری گوتێ رێكا دویره‌ و تو ل ده‌واری یێ سیاری، ئه‌ز یێ په‌یامه‌ و ئه‌ز هوسا دگه‌ل ته‌ ناهێم.
جوهی نه‌چار بو ژ ده‌واری هاته‌ خار و هه‌ژار ل جێه وی سیار بوو هه‌تا گه‌هشتینه‌ ده‌ف قازی و چیروكا خو بو قازی گوتن.
قازی گوته‌ هه‌ژاری، هه‌ژار ئه‌و زێر یێن جوهی نه‌، ما ته‌ جاره‌كێ گوه لێبویه‌ خودێ پاره‌ بو ئێكی فرێكرین.
هه‌ژاری گوتێ قازیێ خوش بیت ئه‌ز دشێم لسه‌ر خاترا ته‌ وان زێرا بو بزڤرینم به‌لێ دێ نوكه‌ بێژیت ئه‌و جلكێن ل به‌ر ته‌ ژی یێن منن.
جوهی گوتێ نێ بخو یێن منن و من یێن كرینه‌ به‌رته‌.
هه‌ژاری جاره‌كا دی گوته‌ قازی:
قازیێ خوش بیت ئه‌ز دشێم زێرا ژی بو بزڤرینم و جلكێن خو ژی ژبه‌ر خو بكه‌م و ب ده‌مه‌ ڤێ، به‌لێ جوهیه‌كێ ته‌ماعه‌ دێ نوكه‌ بێژیت ئه‌و ده‌وارێ تو لێسیاربوى و پێهاتی ژی یێ منه‌.
جوهی گوتێ نێ ب خو ده‌وار ژى یێ منه‌ و ته‌ گوتی ئه‌ز نه‌شێم ب پیا بهێمه‌ ده‌ف قازی و من تو یێ لێ سیار كری.
قازی گوته‌ جوهی ته‌ درێژ كر و ته‌ دڤێت ته‌شقه‌له‌كێ ل ڤی هه‌ژاری بكه‌ی و رابو ژ كوچكێ ده‌ر ئێخست زێر ب جلك و ده‌وار ڤه‌ بو هه‌ژارى مان.

ليست هناك تعليقات: