بحث هذه المدونة الإلكترونية

pertook

pertook

2011/01/03

حاسیبێ بو مه‌ چ نه‌كر!!


تشتێ ژ هه‌میا پتر من دكێشنه‌ بیرێن زاروكینیێ، ئه‌و روژێن نه‌خوشن ئه‌وێن خه‌ونێن من تێدا نه‌بوینه‌ راستى! خه‌ونا ژ هه‌میان ژى پتر كه‌نیا من دگه‌ل دهێت، هه‌كو ل ماتانێ ده‌قێ من یێ سور (فه‌روى) ژمن برى و وێ شه‌ڤێ هه‌میێ مات ژ عه‌سمانى دبارین. هه‌كو ئه‌ز مه‌زن بویم ژى لبیرا منه‌ به‌رى قه‌ستا چیایى بكه‌م من حاسیبه‌ كره‌ دناڤ ده‌ستێن خوه‌ دا و قه‌دێن دارا لدویف روژێن زڤستانێ دبرین و روژێ دێ چه‌ند سوپێن دارا هلكه‌م. چ جارا ژى ژبیرا من ناچیت هه‌كو من نڤێژ لسه‌ر ستریا دكرن و چه‌ند ئه‌و سترى ددژوارتر ژی بان و جهێ من سه‌رێ خوه‌ لێ بو سوجدێ دبر نه‌خوشتربا، من هزر دكر ئه‌ز پتر یێ نێزیكى خێرا دبم. ل هه‌وه‌ ناڤه‌شێرم من زمانێ ئاخفتنێ نه‌بو تا ئه‌ڤ ره‌ش ره‌شكه‌ ده‌ركه‌تین، نوكه‌ ئه‌ز دشێم هه‌مى تشته‌كێ من ددلێ خوه‌دا خرڤه‌ كرى دارێژمێ. ل به‌راهیێ هه‌میا جلێن كوردى و شیتك دكرنه‌ به‌رخو، هه‌له‌ى بابێ وى ره‌خته‌كێ ساجورا ل پشتا خوه‌ ب شدینیت. ده‌رسوكێن سور لسه‌ر ئێزدیا هاتنه‌ گرانكرن و هه‌ڤجار ب گێسنێ ته‌ره‌كتورێ هاته‌ گوهرین و ته‌قچكێن روینشتنێ ژى بونه‌ كورسیكێن لسه‌ر تایرا و هه‌ر كه‌سێ كورسیكه‌ك ب تالع و نه‌سیبى گه‌هشتیێ، ئه‌نیا خوه‌ پێڤه‌نا و نڤێژ بوكرن! هه‌میا دڤیا خه‌ون هه‌بان و هه‌میان ژى خه‌ون ب وان كورسیكان ڤه‌ددیتن. ده‌وله‌ت سه‌رێ خودانێن كورسیكان ژى، هه‌ر كه‌سێ لدوور زڤرى و ئه‌زمانێ خوه‌ بو حلى كرى بهوسته‌ك بره‌خ ڤه‌ بو خو ستاند و بو خودان تشت. هه‌مى تشت بو نه‌ هه‌ڤكێشه‌ و دا ژیان برێڤه‌ بچیت، هه‌مى تشت دبو نه‌ ددو! هه‌ر ژ شه‌ڤ و روژان، ره‌ش و سپیان، تا دگه‌هیه‌ دوو سه‌روك وه‌زیرا و دوو حكومه‌تا و كه‌نگى هاتیه‌ گوهێن مه‌ كورسیك ب ئێكجارى هاتن لێكڤه‌كرن، شنوى نه‌عورا مه‌ لسه‌ر بنێ خو راوه‌ستیا. 
ژبێ ئێقبالى و ده‌رده‌سه‌رى و ته‌وه‌قوعاتێن مه‌ یێن بله‌ز، كه‌ركوك و خانه‌قین و باژێرێن دیێن ته‌عریبكرى یێن دمیننه‌ لوێڤه‌ى خه‌تا 36 ێ، ئه‌و دارێن مه‌ ب حاسیبێ بو سه‌رما زڤستانێ ژ چیایى كێشكرین ژى، یێن هشكاره‌ دبن. ئه‌و نڤێژێن مه‌ لسه‌ر ستریان ژى كرین، به‌ریكێن مه‌ تژى شه‌كروك نه‌كرن. خودێ خێركه‌ت بلا وه‌ بێهنه‌كا فره‌ه و درێژ تر هه‌بیت، دگه‌ل من دا ده‌ستێ خوه‌ بلند بكه‌ن و بێژن خودێ بكه‌ت وه‌ك پار سال هشكه‌ سالى ڤه‌كێشیت، هه‌كه‌ عه‌سمان خودێ نه‌كه‌ت شوینا ته‌به‌لان دارێن قه‌د كرى ژى ببارینیت! نه‌ كو دێ كه‌ركوك پێ زڤریت، به‌لكو دێ سه‌رما مه‌ كه‌ته‌ داره‌كێ ره‌ق و قرا مه‌ خره‌كا دێ پێ رابیت؟!! 




إرسال تعليق