ل دهوكێ، هه‌ر گاڤا ته دیت كاره‌با عام گه‌له‌ك یا دهێته برین، دێ زانى كو بهایێ ئه‌مپێرێ موه‌لیدێ دێ فرتكه‌كێ بلند بیت و هه‌ر گاڤا ته دیت گه‌له‌ك یا دهێت ژى، بزانه كو به‌رپرسه‌كێ پایه بلند ته‌شریفا ئینایه باژێرى!.
ل دهوكێ، هه‌رگاڤا بازار تێك هاتو چوو و بهایێن كه‌ل و په‌لان دووقات بلندبون، بزانه یا بویه هه‌یڤا ره‌مه‌زانا پیروز و هه‌ر گاڤا مێزگرد لسه‌ر شاشێن ته‌له‌ڤزیونان هاتنه گرێدان و به‌رپرسان پسیارا مافێن هاولاتى كر، دێ زانى هه‌لبژارتن یێن نێزیك بوین و ده‌ما تو ل جاده‌یه‌كا نیڤا بازارى دچى و بتنێ ترومبێلێن جام ره‌ش و مونیكا و په‌ترول دته‌بقاندینه، بزانه پولیسێن هات و چویێ یا خوه ژ ده‌ردوران دویر ئێخستى و هه‌ر گاڤا ته لافیته‌ك دیت كو بهایێن كه‌ل و په‌لان 30 تا 50% ێ ژبهایێ تشتێن خوه ئینایه خار، بزانه چ ره‌قابه ل سه‌ر چ تشتا نینه و هه‌رگاڤا ته دیت بتنێ ده‌ستكێت موبایلا یێ دهێنه گوهرین و خه‌لك بتنێ ل ته‌كسیا سیار دبیت و ترومبێلێن خوه دگوهرن و هه‌ر كه‌سێ تو لده‌ف راوه‌ستیایى پسیارا گوندێ ته ژ ته‌كر، بزانه هێش گه‌له‌ك یا ماى كو ئه‌ڤ باژێره عه‌بایێ گوندیاتیێ ژ سه‌ر چاڤێن خوه راكه‌ت، گوندى و سه‌د جارا گوندى.
ليست هناك تعليقات:
إرسال تعليق