دبێژن رێڤنگه‌ك هاته گونده‌كی و خو بمێرانی دئینا ده‌ر و هه‌ر د گوتی هه‌ر جهه‌كێ بترس بیت ئه‌ز دشێم بچمێ و دبێژن ل وی گوندی گورستانه‌كا گه‌له‌ك بسه‌هم لێ هه‌بو، ئینا روژه‌كێ موختارێ گوندی د كوچكا خوڤه گوته وی رێڤنگی زیاره‌ته‌كێ كولای یێ ل ناڤ گورستانا مه هه‌ی و هه‌ر گاڤا ژ روژئاڤا تا به‌رێ سپێدێ تو تێدا رازای ئه‌ز دێ سه‌د زێرا ده‌مه‌ته.
ئه‌و رێڤنگ ژی ب مه‌رجێ وی رازی بو و گوندیه‌ك چوو ئه‌و گورێ كولای نیشا وی دا و رێڤنگ چوو د گوری داخو رازاند.
موختاری دوو كه‌س ژ گوندیان راسپاردن كو سه‌روچاڤێن خو ته‌نیێ تێبده‌ن و كه‌ڤلێ حه‌یوانا بكه‌نه به‌رخو و بچنه هنداڤ سه‌رێ وی و بێژنێ ئه‌م نه‌كیر و مونكه‌رین.
بو نیڤا شه‌ڤێ ئه‌و هه‌ر دوو گوندی و پشتی كارێن خو گهورین به‌ره‌ف گورستانێ چوون و هنده‌ك زر زرك بخو ڤه‌كرن و چوونه هنداڤ سه‌رێ وی رێڤنگی و گوتێ مه‌ن ره‌بوكه؟
ما دینوكه؟
ما نه‌بیوكه؟
ئه‌م نه‌كیر و مونكه‌رین
رێڤنگی ژی بزارێ خو گوتێ:
من نه‌مردوو مه
من شه‌رتم گرتو مه
جاره‌كا دی وان هه‌ر دوو زه‌لامان گوتێ زوی بێژه مه‌ن ره‌بوكه؟
رێڤنگی ژی ده‌ست دا خه‌نجه‌را خوو ژ وى گورى ده‌ركه‌ت و هه‌ر دوو كوشتن و جاره‌كا دی چوو دگوری دا خو درێژ كر و تا بویه سپێده به‌ره‌ف گوندی و كوچكا موختارى هات.
موختاری و گوندیا به‌رێخو دا یێ ئه‌ڤه رێڤنگێ هات، گه‌له‌ك سه‌یر مان و ب پێشڤه چوون و ژێ پسیاركر كا وی چ دیت.
رێڤنگی گوتێ بتنێ نه‌كیر و مونكه‌ر هاتبونه هنداڤ كه‌له‌خێ من و پسیارێن مرنێ ژ من دكرن و هندی من دگوتێ من نه‌مردوومه به‌لا خو ژ من ڤه نه‌دكر و هه‌ر پسیار ژمن دكرن ئینا من ژی دانه به‌ر خه‌نجه‌را و من لوێرێ كوشتن.
%20copy.jpg)
ليست هناك تعليقات:
إرسال تعليق