په‌یڤ
دبه‌رپه‌رێن شاعران دا
یارى و ته‌به‌لانێ ب په‌یڤان دهێته‌كرن و
دئه‌زه‌ل دا هه‌مى دغرور و مه‌غرورن
د سه‌رده‌مێ عه‌شقێ و نڤیسینا په‌یڤان دا
دبیته توفانا مروڤیبونێ و
یارى ب پیروزیێن وان دهێته‌كرن!
هه‌مى سه‌مایێ لبه‌ر په‌یڤان دكه‌ن، هه‌كو ژ تاریێ درژیێن
شاباشان دده‌ن!
هه‌مى خوه لبه‌ر تێهنا په‌یڤان گه‌رم دكه‌ن
هه‌كو دسوژن و دبنه ره‌ژى یان خولیێ لجێهـ خوه دهێلن
نه‌بویه،
جاره‌كێ عشق ل جاده‌ییان هاتبیته ژبیركرن و
شاعران بو قه‌له‌مێ خوه تیژ نه كربیت
یان عاشقه‌كى پیروزى لبن پیا كربن
هه‌رده‌م عشق و گونه‌هى پێكڤه دهێنه هلاویستن
هه‌ردوو دبنه خیانه‌ت
چنكو ژ ده‌ڤێ شاعرى دهێنه بهیستن
په‌یڤ دهێنه نڤیسین و گوتن و دكوفكان را دهێنه گازیكرن
دئه‌زه‌ل دا، دڤێت شاعر نه هاتبانه خولقكرن
شاعرن،
به‌تالترین ئاتافا ل ڤى عه‌ردى هاتینه دیتن
شاعرن، خه‌ونان دبینن
دخه‌ونان دا ئازادیێ رویس دهێلن چبلاق
شاعرن، سیاسى دچنه دخه‌ونێن وان دا و
تێكه‌لى ماچ و رویساتیا مه‌مكان دبن
شاعرن، دناڤ كه‌لتورێ عشقێ دا دمرن و درزن و په‌یڤێن وان حه‌فنوكى دبن..
په‌ره‌گراف
ژبه‌ركو تو شاعرى
تو، شیعرا من یا نه‌نڤیساى
دوماهى په‌ره‌گرافى ل سه‌ر ته‌خته ره‌شى دهێته نڤیسین
هه‌مى نه حه‌جمتیێن دمێشكێ من دا ماینه بێ به‌رسڤ
دا درێژمه سه‌ر به‌رپه‌را و
هێڤێنێ شیعره‌كێ یه د سه‌رێ من دا
یا
دناڤ ده‌مارێن له‌شێ من دا دغولغولیت
چه‌ند دچمه به‌ر خودیكێ!
وێنێ من به‌روڤاژى دهێته پێش چاڤێن من
خو بو دده‌مه نیاسین
جاره‌كێ و دوو جارا و
ده‌هـ جاران
خو بو جارا ئێكێ نینه
وێنێ من دخودیكان را دهێته به‌روڤاژیكرن
خو ئه‌ز شاعره‌كێ په‌نجه موركری مه
ئه‌ز و شیعر
ژ پاشماوێ عشقه‌كا نه‌زوكین
ژ پاشماوێ كه‌لتورێ ترسێ و
كه‌لتوره‌كێ نه‌فره‌ت لێكرى، خو ئه‌گه‌ر ژێ بڤه‌ره‌سیێین
به‌لكو ببینه جوانى و ئێكه‌مین
په‌ره‌گرافێ شیعریێ ژ ته‌خته ره‌شى، نه‌هێته ژێبرن
%20copy.jpg)
ليست هناك تعليقات:
إرسال تعليق