27/03/2011 17:11
دهۆك 27 ئادار/مارس (ئاكانیوز)- پشتى روژناما چاڤدێر سەرا بەلافكرنا هوزانەكىَ هاتییە راگرتن، بڕیار ئەوە ل دەسپێكا مەها نیسان/ئەپریل یا ئەڤ سالە ب شێوەیىَ كۆوار بەردەوامیىَ بدەتە وەشانا خوە.
عەبدوڕەحمان بامەڕنى سەرنڤیسەرىَ روژناما چاڤدێرا بەرىَ و سەرنڤیسەرىَ كۆوارا نوى یا چاڤدێر بو ئاژانسا كوردستان یا دەنگوباسان (ئاكانیوز) راگەهاند، پشتى ل دەسپێكا سالا چویى سەرا بەلافكرنا هوزانەكىَ كو هندەك پەیڤ تێدا بوون مەلا و موسلمانێن دهۆكىَ توورە كربوون بو ئەگەر كو روژناما چاڤدێر بو ماوەیىَ دوو حەفیان راوەستێت، پاشان پشتى دوو حەفتیێان و ژبەر قەیرانا دارایى یا ئێكەتیىَ سەرجەم روژنامە و كۆوار و بەلاڤوكێن ژ ئێكەتییا نیشتیمانى كوردستان ل دەڤەرا بەهدینان دهاتنە وەشاندن، هاتنە راوەستاندن، چاڤدێر ژى ئێك ژوانا بوو وەشانا وىَ هاتە راوەستاندن.بامەرنى زێدەتر دا خویاكرن پشتى هەلبژارتنێن پەرلەمانى كوردستانىَ ئێكەتیى نیشتمانى كوردستان كونگرەیىَ سىَ گێرا و راوەستاندنا روژنامە و كۆوارێن دهۆكىَ بەرداوام بوو، بەلىَ نوكە مە رازەمەندییا دارایى َ ژ مەكتەبا رێكخراوێن دیموكراتى وەرگرتییە و چاڤدێر دىَ بەردەوامیىَ دەتە وەشانا خوە.
سەرنڤیسەرىَ چاڤدێر ئەوژى ئاشكرا كر پشتى مە رازەمەندى وەرگرتنى مە دوو بوچوون هەبوون هەروەكو بەرىَ روژنامەكا نیڤ هەیڤانە یان ژى بكەینە كۆوارەكا هەیڤانە، پاشان ژبەر كو دوو روژنامەێن روژانە ل دهۆكىَ دەردكەڤن و روژنامەكا نیڤ حەفتیانە گرینگییا خوە نابیت، لەورا مە بڕیار دایە كو بكەینە كۆوار و هەر بناڤىَ چاڤدێر دەست ب وەشانا خوە بكەنین و ل دەسپێكا مەها چار ژمارە (103) دىَ بەلاف بیت.
روژنامەڤان رەوان سوبحى دووبارە وەشاندنا چاڤدێر ب بێنگاڤەكا باش نیشان دا و گوت روژناما چاڤدێر ددەمىَ خودا خزمەتەكا باش دبارىَ روژنامەڤانێدا لدەڤەرا بەهدینان كربوو.
گوتژى چاڤدێر شابوو خوە ل گەلەك بابەتێن گرینگ و هەستیار بكەتە خودان وێرەیەكا باش دابوو خوە، لەورا دووبارە وەشانا چاڤدێر پێنگاڤەكا سەرەكەفیتە و دىَ شێت خزمەتا دەڤەرا بەهدینان كەت.
روژناما چاڤدێر 15 كانوونی دووەم/یەنایەری 2010 ل سەر ژمارا 102 هاتبووە راوەستاندن، پاشان روژنامەیێن بەهدینان و كۆوارێن نوژین، داهێنان و شنگال ژى هاتنە راگرتن، بەردەوامى دان و دووبارە وەشاندنا چاڤدێر دىَ بیتە یەكەمین بەلاڤوكا ئێكەتیى نیشتمانى كوردستان پشتى كونگرەیىَ سىَ ل بەهدینان
لە ئومێد نهێلییەوە، ن: وشیار ئەحمەد
%20copy.jpg)
ليست هناك تعليقات:
إرسال تعليق