عبدالرحمن بامەرنی
خوە ئەگەر سوشیال میدیایێ خرابیێن خوە ژی ھەبن، تایبەت ئەڤێن نەزانن دروست بكار بینن، لێ دەھـ قاتی مفایێن وێ زێدەترن، ھەر چنە بیت ئەڤێن دزانن بۆ خوە مفای ژێ وەربگرن. ئھا من بەحسا (ئەڤێن بۆ خوە مفای ژێ وەردگرن)، ژبەركو گەلەكان گازاندا وێ چەندێ دكرن، كو ئەم نەخویندەڤانین، ئەم نەشێین بزانین چ دڤان پەرتووكاندا ھەیە؟ ئەم نەشێین بزانین چ دھێتە روودان؟ بتنێ ئەگەر ب زمانێ دایكێ نەبیت و ئاخر بلا خوە رەخنە بكەین، كەنگی مە بۆ زمانێ دایكێ كاركریە، كو تاكێ كومەلگەھێ مە ھەمی بزانیت چ لڤێ دنیایێ رووددەت؟!! ھەر چاوا بیت بۆ ئەڤێن نەخواندەڤان و ئەڤێن سوشیالێ بۆ بەرێخوەدانا ڤیدیویان بتنێ بكار دئینن، ئەڤرو دوو گەنجێن دھوكێ، كورەكی و كچەكێ پێنگاڤەك ھاڤێت، ھەر چەندە ئەگەر بۆ وەلاتێن دی یا كەڤن ژی بیت، لێ بۆ مە یا نوویە و دێ گەلەك مفای ژێ وەرگرین، ئەو ژی ھەر ئێك ژ (بەختیار زێباری و عاسیما فەخری) كو برێكا یوتیوبی، پەرتووكان ب دەنگێ خوە دخوینن و بتنێ یا ل سەر مە پێدڤی، ئەڤێن خواندنێ نەزانن، ئەو دشێن گوھداریێ بۆ بكەن و ئەڤێن خواندنێ ژی دزانن و دەمێ وان ژ دەرڤەی مالێ یان جھێ كاری بیت، دشێت ھتفونێ بكەتە دگوھێن خوەرا و گوھداریێ بۆ بكەت.
كارێن ڤان ھەردوو گەنجێن چالاكڤان ژی خواندنا پەرتووكانە و ب خواندنەكا خوش، دێ گوھدارییا پەرتووكێ ھەمیێ كەی و زانی چ تێدا ھاتیە نڤیسین و خوە ئەگەر ئەڤ نڤیسینا من ریكلام ژی بیت بۆ وان ھەردوو جامێران، لێ دەھان كەس دێ مفای ژێ وەرگرن و دێ بیتە دەستپێكەك بۆ گەلەك كارێن دی یێن جوان.
ئەڤە ژی لینكێ كارێن وان:
ــــــــــــــــــــــــــــhttps://www.facebook.com/photo/?fbid=10217289058578823&set=g.209899095715001
%20copy.jpg)
ليست هناك تعليقات:
إرسال تعليق