عبدالرحمن بامەرنی
ئەز دێ بەحسا جوداكارییا بھایێ پانزینێ كەم، جوداكاریا پانزینێ دناڤبەرا باژێرێن ھەرێما كوردستانێ دا و ئەكید دێ ب حكومەتێ ڤە گرێدەم، دا بابەتێ من راستە راست و باشتر بگەھیت. ئەز دێ نمونەكێ ژ فلمەكی ئینم كو ژ مێژە من دیتبوو و ناڤێ فلمی ژی لبیرا من نینە، لێ تێرا وێ چەندێ ھەیە پەیاما من بگەھیت، قارەمانێ فلمی سترانبێژێ مسریێ بناڤ و دەنگێ (عەبدولحەلیم حافز) بوو و ژبەركو سترانبێژەكێ ناڤدار بوو و ل ئاھەنگان دەردكەفت و دڤییا خوە جوان پیشان بدەت، جل و بەرگێن د بەردا د جوان بوون و لێ دەما دھاتە مال و چاكیتێ خوە یێ ل سەر بەدلەی ژبەر خوەدكر، راستییا جلكێن وی دیاردبوون و قەمیسێ وی بتنێ ھچك و پستوو و ئەو بەشێ دناڤ چاكیتی را دەردكەفت د نوی بوون و وەكی دی ھەمی یێ دریای و كون كون بوو.
من گوت دێ بەحسا پانزینێ كەم، ھەر باژێرێ تو بچیێ بھایێ لیترا پانزینێ یێ گرانە و مەرج نینە پانزینا گران یان كو یا باش بیت، من بەحسا پانزینا نورمالە دناڤبەرا دوو كەڤاناندا، لێ بتنێ ل ھەولێرێ و بێی خوە گەلەك ب وەستینی، دێ جوداھیەكا زیق د بھایێ پانزینێ دا بینی و مەبەستا من ل ھەولێرێ ئەرزانترە؟!!
راستی بیت ئەز بخوە دڤێ جوداكارییا بھایێ پانزینێ ناگەھم، بوچی بتنێ ل ھەولێرێ پانزین ئەرزانتر بیت، لێ تشتێ ئەز ژ فلمی تێگەھشتیم، ئەو ژی ڤی ھونەرمەندی دڤییا راستییا ھەژارییا خوە و پێچێنەبوونا خوە ل بەر خەلكێ دی ڤەشێریت و خوە كێم پیشان نەدەت!!!!
https://www.facebook.com/photo/?fbid=10217022279829521&set=g.209899095715001
ــــــــــــــــــــــــــــــــــــــــ
ليست هناك تعليقات:
إرسال تعليق