عبدالرحمن بامەرنی
ل ھەرێما كوردستانێ راپورتا زانستی ب 15 ھزار دیناران دھێتە فروشتنێ، ئەڤە ناڤ و نیشانێن راپورتەكا ھەوالی یا كەنالێ عەسمانیێ رووداو بوون، كو دناڤ راپورتێدا ھاتیە، لدویڤ دیڤچوونێن رووداو، بھایێ راپورتان دناڤبەرا 15 تا 25 ھزار دینارێن عیراقیدایە و ل بازاری ب خویندكاران دھێنە فروشتنێ.
ئەڤە ددەمەكیدایە كو وەزارەتا خواندنا بلند ل ھەرێما كوردستانێ بریاردا كو دووماھی ب پروسا خواندنێ بھێتە دان و ئەو خوێندكارێن د خوڵا ئێكێدا دەرنەچووین، دشێن وەك قەرەبوو ڤەكولینەكێ یان راپورتەكێ ئامادە بكەن و دێ ساڵا خواندنێ بۆ وان بدەرچوون ھێتە ھژمارتنێ.
لڤێرە ئەز بەحسا ئەڤ سالە و ئاستێ زانستیێ خویندكارێن زانكویێ و دروستكرنا ڤەكولینێن وان ناكەم، لێ پرسیار ئەوە، زانكو تا چ راددە ل سەر ڤەكولینان دراوەستێت و ئایا ئەو ڤەكولینێن ھەنێ بۆ خوێندكاری بووینە پالدەر، كو بگەھنە دەرئەنجامەكی ل سەر ئەوا ئەو پێرابووین و لدویڤ ژێدەران گەریاین و دیڤچوون بۆ كری؟! ئایا تا چ راددە دیڤچوون ل سەر وان ڤەكولینان دھێتەكرنێ یێن خویندكار پێشكێش دكەن و تا چ راددە ئەو ڤەكولین بەرھەمێ خویندكارییە و ژ ئەنترنێتێ و چ ڤەكولینێن بەرھەڤ (كوپی پێست) نەكرینە؟!.
پێنەڤێت بەرسڤا ڤان پسیاران دڤێت ماموستایێن زانكویێ بخوە بدەن، دەما گەنگەشێ ل سەر ڤەكولینێ دگەل خویندكاری دكەن، كا چەند (زەبت و رەبتی) لدەف وان ھەیە، دەما خویندكاری دئێخنە بەر دان و ستاندنێ. ژبەركو بەرپرساتییا مەزن دكەڤیتە سەر ملێ وان و دەربازكرنا وی یان چاڤنقاندن ل سەر ڤەكولینا وی ئەگەر كێم و كاسی ھەبن یان گومانێ ل سەر دروستكرنا وێ ڤەكولینێ ببەن، وی براوەستینن و ئەو ڤەكولین نەھێتە پەسەندكرن، كو تا ڤێگاڤێ ژی باوەرناكەم ڤەكولینەك ھاتبیتە زڤراندن..!!
*درێژاھیا راپورتێ ل سەر ڤڕ لینكی ببینە:
فیسبوكێ مالێەری
%20copy.jpg)
ليست هناك تعليقات:
إرسال تعليق