عبدالرحمن بامەرنی
تەوزیفكرنا كاراكتەرێن كورد، خوە ئەگەر نمونا (ئایلانێ بچووك) ژی بیت، ئەڤێ ل سەر كنارێن دەریایێ ب خەندقی ھاتیە دیتن و جیھان ب وێنێن خوە ھەژاندی، پەیامەكە ژبۆ دانەنیاسیینا گەلێ كورد و ئازارێن وان ب جیھانێ.
ئەڤرو سەعەت 5ی ئێڤاری بوو، ل زانكویا دھوك ھولا كونفرانسان بۆ ماوێ 90 خولەكان فلمێ (the little refuge feature)، ژ دەرھێنانا (بەتین قوبادی). ھاتە پیشاندان و من چانسێ بەرێخوەدانا وی فلمی ھەبوو، ھەر چەندە گەلەك زمان تێكەلی فلمی ببون و بتنێ وەرگێران ب زمانێ ئنگلیزی بوو، لێ تێرا ھندێ ھەبوو كو ئەز گەلەكێ ژێ تێبگەھم و فلم من دگەل خوە ببەت.
فلم ل سەر ئایلانی بوو، ئەو زارۆكێ كوردێ ژ كوبانێ دگەل دەیبابێن خوە برێكا قەچاخ ڤییاین كوچبەری وەلاتێن رۆژئاڤا ببن، دەما داعشا تیرورستی ب سەر دەڤەرێن وان دا گرتی. دگەل دەستپێكرنا فلمی ژی مە تەرمێ وی ل بەر كنارێ دەریایێ دیت و لێ دەرھێنەری ب رێكا وی ڤییا ئێك ژ كێشەیێن جیھان گەلەك ل سەر رادوەستیت پیشان بدەت، ئەو ژی كوچبەرییە كو ئێك ژ كێشەیێن ھەرە مەزنێن جیھانێ یە و ژوان ژی(كوچبەری، ژینگەھـ، یەكسانی، مافێ مرۆڤی).
ئایلان ل سەر كەنارێن دەریایێ، ل ھنداڤ تەرمێ خوە، بێ حەمدی مرۆڤی روندك دكەتنە چاڤێن بینەران، ئایلان بەرەڤ جھێ پاپوران چوو و ل وێرێ نوبەدەراەك دیت و دگەل روونشت، ژ وێرێ دەركەفت و زەلامەكێ كورد دیت كو ئایلان ناسدكر، كو خەلكێ ئێك دەڤەر بوون، ئایلانێ دگەل خوە دئینتە مالێ و ھەڤژینا وی پێخوش دبیت.
روودانێن فلمی بەردەوامیێ دكەن، تشتێ دەرھێنەری زووما خوە دایە سەر، چەندین كوچبەرێن دی بوون و ژ زمان و نەتەوێن جودا و ھەمییان دڤیا دەربازی سنورێن یونان بن و قەچاخچی فێل ل وان كرن. تاكە رزگار بوونا وان ژی (ئایلانێ بچووك) بوو، ئەڤێ تارمایێ(شبح) وی نوبەدارێ پاپوران دگەل زەلامێ كورد ئەڤێ ئایلان ناسكری، گەھاندینە ئێك و شوونا ئەو نوبەدار ب تڤەنگا خوە وی بكگوژیت سەرا دزینا بەلەمەكێ، لێ پشتی دیاربوونا نیشانا ئایلانی و دەركەفتنا وێنێ وی ل رۆژنامێ و نیشانا لدەف ھەردووكان كو ئایلانی (شەیتانوكەك) كربوو د بەریكا خوەدا و بیرێن ئایلانی و تارمایێ وی ھەستێن وی لڤاندین. پێكڤە بەلەمەكێ دبەن و وان ئاواران رزگار دكەن، ددەمەكیدا كو وان ئاوارەییان كو ژن و زارۆك ژی دگەلدابوون، خوەدابوونە بەر كەڤرەكێ مەزن و پولیس لێدگەریان.
دووماھییا فلمی ئایلان ل ھنداڤ دەریایێ بەرێ خوەددەتە عەسمانان و فلم ب دووماھی دھێت، ھەر وەكو دەرھێنەری ڤییا دوو پەیامان تەڤلیھەڤ بكەت، ئێك ئایلانێ كورد و دوو ئایلانێ نەشیایی دەربازی سنورێن یونانێ بیت و ل سەر كنارێن دەریایێ ب خەندقی ھاتیە دیتن، بۆ ئەگەر كو گەلەكێن دی ب رێكا وی دەرفەتا دەربازبوونێ بۆ دروست بیت.
دەرھێنەری ب رێزبەندی دیمەن جوان نیشانددان و ئێك ژ كێشێن جیھانی بۆ فلمێ خوە ھەلبژارت، ئەو ژی كوچبەری بوو.
ــــــــــــــــــــــــــــــــــــــــــــــــــــــــــ
%20copy.jpg)
ليست هناك تعليقات:
إرسال تعليق