عبدالرحمن بامەرنی
ئەز دێ بابەتێ خوە بۆ بھایێ ئەمپێرێ كارەبا موەلیدێ تەرخانكەم، لێ بەری بچمە دناڤ بابەتیدا، ئەز دێ چەند جوداھی و بەراوردیێن دی دناڤبەرا پارێزگەھا (دھوكێ، ھەولێرێ و سلێمانیێ)دا ئینمە زمان. ژبەركو نە بتنێ بھایێ ئەمپێرێ كارەبێ ل دھوكێ گرانترە، بەلكو جوداھی دگەلەك تشتێن دیدا ھەیە و ژوان ژی بھایێ پانزینێ. دەما ئەم دچووینە ھەولێرێ یان سلێمانیێ، كو پرانیا جاران سەرەدانا مە بۆ ھەولێرێ زێدەتر بوو، ل دەما زڤرینێ و ل دووماھی پانزینخانەیا ژ ھەولێرێ مرۆڤ بۆ دھوكێ دھێت ل سەر رێكا چەمەی، دا ترومبێلێن خوە ژ پانزینێ فول كەین، دیسان ئەگەر ژ لایێ شەقلاوە ژی ھاتباینە، پرانیا جاران دووماھی پانزینخانا بەری تونێلێ، مە ترومبێلێن خوە ژ پانزینێ فول دكرن، ژبەركو مە دزانی جوداھی دناڤبەرا پانزینخانێن دھوكێ و پارێزگەھێن دیدا ھەیە.
سەبارەت بھایێ كارەبێ ژی ھەان سەلیقە و ھەمان تاس و حەمامە و ھەمی ھەیڤان دەما بھایێ ئەمبێرێ كارەبێ دھێتە دەست نیشانكرن، پوستێن فەیسبۆكی تژی گازندە دبن. ئەز باوەرم ژی گازندێن ھەمی ھاوڵاتییان ژ جوداھییا بھایێ ئەمبێرێن كارەبێ دایە دناڤبەرا پارێزگەھێن دھوكێ و ھەولێرێ و سلێمانیێ دا و ئەگەر كەسەك خوە ب جوامێرینیێ بینتە دەر و بێژیت ژبەركو ل ھەولێر و سلێمانیێ كارەبا عام زێدەتر دھێتە بەردان، ژخوە ئەڤە خولیسەریەكا دییە!!
دا كو چارەیەك بۆ ڤێ كێشا بەردەوام بھێتە دانان، كو براستی ژی بھایێ ئەمبێری بۆ ڤێ ھەیڤێ گەلەك یێ زێدە بوو، (ژ دەولەت سەرێ وەزیرێ كارەبێ، رەوشا كارەبا عام دڤێ ھەیڤێدا گەلەك یا باش بوو)، ئەگەر بەراوردیێ دگەل پاشەكەفتكرنا موچێ فەرمانبەران بكەین و قەیرانا كورۆنایێ دگەل خوە ئینای و دھوك ھەژارترین باژێر ب سەرێ خوە، دڤێت ئیدارا دھوكێ دووماھیەكێ بۆ ڤان كێشان دانیت و ژوان ژی، لیژنەك بھێتە دانان، نە ئەندامێن وێ كەسێن مفادار بن، كو ھند چاڤێ وان ل ھاوڵاتییان نینە، ھندی چاڤێ وان ل بەرژەوەندیا خودانێن موەلیدان.
بابەت ل سەر مالپەری: http://www.rwangauraxna.com/ba/detail.aspx?IDNews=1877
بابەت ل سەر فەیسبوكێ مالپەری:
%20copy.jpg)
ليست هناك تعليقات:
إرسال تعليق