عبدالرحمن بامەرنی
لڤان رۆژێن بوری، چەندین گوتارێن رەخنەی ل سەر باجانكان و (مەعمەل تەعلیب)ا دھوكێ یا كەڤن د مالپەرێ (روانگە و رەخنە)دا ھاتنە بڵاڤكرن، ھەر نڤیسەرەكی ژی جوداتر ل سەر كەرتێ چاندنێ بگشتی و جوتیاران و ھاڤێتنا باجانكان ل سەر جاددە و نیڤا كەرتكان نڤیسی بوون و ھەمیان رژدی ل سەر وێ چەندی دكرن، ئەگەر نوكە كارگەھەكا دوشاڤا تەماتێ ھەبا، جوتیاران سندوقێن باجانكان ب جاددێ وەرنەدكرن، كو نوكە بھایێ فروتنا ئێك سندوقا وان ل بازاری بتنێ ئێك ھزار دینارە.
دگەلدا ژی گەلەكان وەك چارەسەری دگوتن، ئەگەر مەعمەل تەعلیبا دھوكێ یا كەڤن مابا و نەھاتبا خرابكرن، دا مفایێن وێ گەلەك بن و تەماتە ژ وەڵاتێن دی نەدھاتە ھاوردەكرن و پارێ وێ دا بۆ حكومەتا ھەرێما كوردستانێ مینیت و دەلیڤێن كاری دا پەیدا بن و خەلك دا كەرتێ كشتوكالی پێش ئێخیت و دا ڤێ ژی ل سەر زێدەبكەم، ئەگەر گوندێن مە د ئاڤەدان بان و خەلك ل سەر گوندێن خوەبانە، ئەڤرو دەلیڤە بۆ توركیا ژی نەدما ب بەھانا پەكەكێ ئاڵایێ خوە ل چیایێن مە بلند بكەت.
ئەڤا من دڤیا ل سەر بنڤیسم و پارێزگەھا دھوكێ پێ بەرپرسیار بكەم، ئەڤ پوستێ ل خارێ بوو، كو د سوشیال میدیایێدا ھاتیە بڵاڤ كرن و لدویڤ وی پوستی پارێزگەھـ یا ھاریكار نینە كو كارگەھەكا دوشاڤا تەماتێ (تەعلیبێ) ل دھوكێ بھێتە ڤەكرن.
ئەو پوست ژی ئەڤە بوو، ھەڤال (شڤان فەتاح عەبدی) پوستەك بڵاڤكربوو و تێدا نڤیسی بوو: "ھەتا 10 سالێن دی ئەم دشێن بێژن تەحەم مە کارگەهەکا چێکرنا دۆشاڤا باجانکا ل دهۆکێ هەبوو، لێ کەس ژمە نابێژت بناڤێ خودێ دا ئێکا دی بدانن!".
ھە چەندە گەلەك كومێنت ل سەر ھاتبوونە نڤیسین، لێ كومێنتەكێ گەلەك باڵا من راكێشا و دڤێت پارێزگەھا دھوكێ رونكرنەك ل سەر ھەبیت، ژبەركو بەرپرسیارا ئێكەمین ھەر ئەوە. ئەو كومێنت ژی یا ماموستایێ زانكویێ و بسپور د ئابوریێدا ھەڤال (كاوە عەبدولعەزیز)ە و دكومێنتا خوەدا ل سەر پوستی دبێژیت: "ماموستا ئەڤە بەری شەش هەیڤایە من ڤەکولینا کەلکێ ئابووری (جدوی ٳقتصاد) ی بۆ پرۆژەکێ کارگەها داگرتنێ (معمل تعلیب) ل بامەرنێ بۆ وەبەرهێنەرەکی تمام کری، هێشتا حکۆمەتێ عەرد بۆ تەرخان نەکریە و دەستویریا کارکرنێ نەدایێ..".
بڵا پسیار ھڵاویستی بمینیت، ئەگەر دەستووریا كاركرنێ بۆ وی بھێتەدان و ل ھەر جھەكێ ئەو كارگەھـ ژڵایێ وی وەبەرھێنەری ڤە بھێتە دروستكرن و حكومەتا پارێزگەھێ رێخوشكرنێ ژی بۆ بكەت، دێ چەند خەلك ژ تەنگاڤییان رزگار بیت و بارودوخێ وان یێ ئابوری بەرەڤ باش چیت؟!!!
بابەت ل سەر سایتی:
بابەت ل سەر فیس بوكێ مالپەری:
%20copy.jpg)
ليست هناك تعليقات:
إرسال تعليق