عبدالرحمن بامەرنی
من نەگوت سیاسەتا مژویلكرنێ، ژبەركو دڤێت ئێدی راستە راست رەخنێن خوە بگرین و بێژینە رەنگێ رەش رەشە و بێژینە رەنگێ سپی ژی، رەنگێ سپی. ئەگەر مە شییا ل سەر ڤان ھەردوو خالان بتنێ راوەستین، ئێدی حكومەت ژی سیاسەتا مشككرنێ دگەل مە ناكەت و دێ لدویڤ داخوازیێن خەلكێ خوەھێت.
رەنگە ھەبن بێژن ما حكومەت زێدەتر دشێت چ بكەت؟ بتنێ بۆ وان دبێژم، حكومەت دشێت خواندنێ باشتر لێكەت، دەما رێڤەبەری ل سەر بنەمایێ ئینتیمائا وییا حزبی نەكەتە رێڤەبەر و قوتابخانەكێ ھەمیێ پەك بێخیت! حكومەت دشێت ل سەر چاڤدێرییا بازرگانی ب شدینیت و دیڤچوونا بھایێ تشتان بكەت و سەرپێچككەران بینتە بەرامبەری دادگەھێ ژبۆ لێپێچینێ! حكومەت دشێت ل سەر بھایێن پانزینێ راوەستیت، نە پانزینخانەكێ تانكەرەكێ پانزینا ئەرزان بۆ بھێت و نیڤێ ژێ ب فروشیت و نیڤا دی ب دزیكیڤە ب فروشیتە پانزینخانەكا دی! حكومەت دشێت چاڤدێرییا دەرمانخانان بكەت، چاڤدێرییا كومەلگەھێن نوژداری بكەت، ئەڤێن یارییان ب ژیان و تەندروستییا خەلكی دكەن!
ئەگەر حكومەتێ ئەڤە كرن، ھینگێ دێ شێت حكومەت بیت، دەما چاڤدێریێ ل سەر ھەمی تشتەكی د شدینیت و ھینگێ سیاسەتا مشككرنێ دگەل ھاولاتی ناھێتە كرنێ، ھەمی تشت دێ كەڤنە سەر سكەیێ خوە و ھاولاتی دێ خوە كەسەك ژ ڤێ ھەرێمێ بینیت و دێ خوە و دگەل ھەمی جورەكێ قەیران و كێشە و ئالوزیێن ھەرێمێ گونجینیت و دێ بەرەڤانیێ ژی ژێ كەت.
ئەرێ ھین دزانن بوچی من پرسێن سەرسورمانێ (!) دانانە پشت ھەر رستەكا من گوتی (حكومەت دشێت بكەت)، ژبەركو ئەز پشت راستم حكومەت دشێت بكەت، لێ ئەز یێ ب گومانم ژ ھەر كردارەكێ و حكومەت چییا ناكەت و درووشمەكێ گەلەك بەربلاڤ دناڤ سوشیال میدیایێ دا كو چەند جاران ب بەرچاڤێن من كەفتی، ل سەر كوچكرنا ب كوما خەلكی و گەنجان (رەڤین ژ ژیانێ بۆ ژیانێ)، چەند درووشمەكێ جوان و گشتگیر بوو ژ بۆ چ ژێنەھاتنێ.
مششكرنا من دڤیا ژێ بەحسبكەم ژی، گوت: ئەندازیارەكێ چاندنێ ل شەمەندەفرەكێ سیاربوو و ئەڤێ برەخ ویڤە گینیەك ل بەر پیان بوو و ھەر دەم بۆ دەمی شلق ب وی گینیكی د ئێخستن و لڤین دكەفتە گینیگی ھەمیێ، ئەندازیاری ژی پرسیار ژ خودانێ گینیكی كر، ئەو چیە دناڤ وی گینیكیدا؟ گوتێ مشكن، من یێن گرتین بۆ تاقیگەھەكا نوژداری دبەم، كو ئەزموونان ل سەر بكەن و پارەكی بەرامبەری وان وەردگرم. ئەندازیاری لێ ڤەگەراند و گوتێ، پا تو بوچی دەم بۆ دەمێ د لەقینی؟ گوتێ، ئەگەر ئەز وەنەكەم، ئەو دێ گینیكی كون كون كەن و دەركەڤن، لێ دەما ئەز وان د لەقینم بتنێ دمینە ب خوەڤە و شەری دگەل ئێك دكەن و كونكرنا گینیكی ژبیردكەن..!
ـــــــــــــــــــــــــــــــــــــــــــــــــــــــــــــ
ليست هناك تعليقات:
إرسال تعليق