دەما جڤاك دبیتە دەستهەلات

عبدالرحمن بامه‌رنی

مەبەست ژ دەستهەلاتا چڤاكی، دەما هزرێن كومەلگەهی كارتێكرنێ‌ ل سەر رەوشت و تیتالان دكەن، جڤاك بخوە دبیتە خودانێ‌ بریارێن خوە، هزرا عەشاییری ل سەر رەوشەنبیریەتێ‌ زال ببیت و بەشەك

ژ كێشێن كومەلایەتی برێكێن جڤاكی/ عەشیرەتێ‌ دهێنە چارەسەركرن.

فاكتەرێن مانا ڤێ‌ دەستهەلاتێ‌

ئەڤ دەستهەلاتە دێ‌ هەر یا خورت بیت، هندی جڤاك یێ‌ داخستی بیت و دەرفەتێن خوە رەوشەنبیركرنێ‌ دناڤدا دكێم بن، سەنتەرێن رەوشەنبیری نە د ئەكتیڤ بن، رێكخراوێن جڤاكێ‌ مەدەنی نەشیابن برولێ‌ خوە راببن، روژنامە و بەلاڤوك برەنگەكێ‌ پێدڤی نەگەهیتە هەمی جهان. ژ ئاكامێن وێ‌ ژی، دێ‌ بوشاهیەك لهەمی بیاڤەكی پەیدا بیت، دێ‌ نە باوەریەك رەنگ ڤەدەتە ل سەر هەمی بیاڤەكی، دەرفەت دێ‌ بۆ پروپاكندەیان هەبن، نە باوەری دناڤبەرا دام و دەزگەهێن حكومی و هاولاتیدا دێ‌ بەرەڤ زێدە بوون بن. تشتێ‌ ژ هەمیێ‌ ژی مەترسیتردارتر، كو من بابەتێ‌ من خوە ژ بۆ تەرخانكرییە، دێ‌ رێ‌ بۆ هندەك دەستهەلاتێن دی هەبیت، بناڤێ‌ عەشایری و ئاینی و هزرێن جڤاكی یێن بەرتەنگ، ئەڤ دەستهەلاتێن هە ب ئازادانە و ب تەمامكەرێن ئێك، دێ‌ رولێ‌ خوە بگێرن.

ل بەندا سەیدایێ‌ (خورشید) و خانما (سوزان) و هوازنێن دلتەر

عبدالرحمن بامەرنی

هەر كەسەكی تشتەك پێخوەشە و تشتێ‌ زێدەتر من مژوول دكەت، داهێنانە و ئەڤ كەسێن حەز دكەن ژیانێ‌ جوانتر لێبكەن یان تشتان جوان ببینن و كەسێن دەوروبەری خوە ژی، بەشداری وێ‌ جوانیێ‌ دكەن. ژبەركو ژی پرانیا دەمێ‌ خوە ئەز بۆ خواندنێ‌ تەرخان دكەم، چەند دەمژمێرێن من ل پشت لاپتوپی دچن و تشتێ‌ لڤێ‌ دووماهیێ‌ سەرنجا من راكێشای، دو بەرێزن، دو هوزانڤانن و ئەو تشتێ‌ ئەو دنڤیسین، نڤیسینێن تەر و نازك و خوەشن، هەر كەس حەز دكەت بخوینیت و ژ خواندنێ‌ ژی زێدەتر، مەرەق دكەن تشتەكێ‌ وان یێ‌ دی بخوینن، تایبەت ئەڤێن بەشەك ژ ژیانا گوندا و ئاقاری دیتی و ئەڤێن حەز دكەن، دژیانا سادەییا كوردەواریدا شارەزا ببن.

یا راستی بیت، ل دەستپێكێ‌ ئەز ژ خواندنا وان هوزانان ب گومان كەفتم، ئەگەر من سەیدایێ‌ (خورشید) ژ نزیك ناس نەكربایە! رەنگە گومان لدەف من دروستبایە، برەنگەكی یان ئەڤ كچا بناڤێ‌ (سوزان) ژ خەیالا وی بخوە یە و یان ژی، ب راستی خورشید یێ‌ عاشق بووی و عاشقبوونا قوناغا دویێ‌ و رەنگە قوناغا سیێ‌ بیت، ئەگەر ئەم پشتی تەمەنێ‌ چل سالیێ‌، ب قوناغا دویێ‌ یا عاشق بوونێ‌ لدەف گشت زەلامان دانین، هەر چاوا بیت، نڤیسین و داهێنان تەمەنی ناس ناكەن، تشتێ‌ جوان و نڤیسینێن جوان هەر د جوانن، خوە ل كیرێ‌ بن و كی وان بنڤیسیت.

تشتێ‌ ئەز پالدایمە ڤێ‌ نڤیسینێ‌ ژی، ئێك: مافێ‌ هەر كەسی هەیە، دەما ئەو تشتەكێ‌ جوان بنڤیسیت و بلاڤ بكەت، هندەك هەبن رەخنێ‌ لێبگرن و جوانییا وی سەراڤ بكەن و ئەگەر كێماسی ژی هەبن، بۆ راستڤەكەن، ئاخر هەر هوسایە ژی، ئەگەر مە بڤێت ئەم بەهرەمەندان دروست بكەین، دڤێت رێ‌ ل بەر وان ڤەوژێرین. دو: ژبەركو ئەو هوزانێن خوە ل تورێن كومەلایەتی بلاڤ دكەن، ژ ئەڤا ل سەری من ئاماژە بۆ دای، كومێنت بۆ دهێنە نڤیسین و باوەردكەم تێبینی ژی بۆ دچن، لێ‌ من دڤێت بدیتنەكا ئەدەبی یا سەرپێ‌ ئاڤریەكێ‌ لێبدەم, ئاخر ژی دڤێت كەسەك هەبیت هەلسەنگاندنا وان بەرهەمان بكەت، یێن دهێنە بلاڤكرن و دكەڤنە بەرچاڤێن خەلكی.

وه‌رگێران ژ عه‌ره‌بیێ - (نەهزە)، ژ گورستانێ‌ بۆ گەراجا مرنێ‌

یوسف مەحمەداوی

وه‌رگێران: عبدالرحمن بامه‌رنی

بیرهاتن مە ڤەدگەریننە هزارا دیمەنان، كو پێدڤی ملیونا چاڤكێن كامیرایە بۆ بەلگەكرنا وان، دەما تو دزڤرییە بەرەڤ سالێن شەری د ناڤەراستا (گەراجا نەهزە)دا یان ژی ویستگەها گەشتكرنا ئێكێ‌ بەرەڤ چەپەر و بەرۆكێن شەریڤە، ئەو وێنێ‌ دشیاندا نەبیت ژ هزرا مرۆڤی دوور كەڤیت، وێنێ‌ وان كەسێن ژ نەچارییا خوە ژ گەنجێن مە یێن سەرباز و ئەو یێ‌ قەرەسوكانێ‌ ل سەر سیاربوونا پاسا ژ جورێ‌ (ریم) دكەن، دا بشێن جهێ‌ خوە ل سەر كورسییا وێ‌ ئوتومبێلێ‌ بكەن، ئەڤا دێ‌ وان بەرەڤ جهەكێ‌ نەدیارڤە دبەت.

جوانكاریا فروشیارێن چایێ‌

ئەز لدەف ئێك ژ كوشكێن بچووك راوەستیام، ل بەر دەروكێ‌ ئێك ژ خوارنگەهێن (نەهزە)، من فر ل چایا خوە ددان و دگەل هلكێشانا قورمەكێ‌ مەزن ژ جگارا خوە و ئەز یێ‌ هەولێن رەڤینێ‌ ژ تەحلاتییا سەرەدەمێ‌ خوە دكەم، بەرەڤ سەردەمەكێ‌ نەخوشتر، سەردەمەكێ‌ لبیرا من،

راوەستیانەك لدەف تابلویێن (ئەحمەد مشەختی)ی*

عبدالرحمن بامه‌رنی

ئێك ژ برگێن ل دەستپێكا پرانیا هەلكەفت و ئاهەنگ و كونگران دهێتە پیشاندان، برگەكا هونەرییە و پرانییا جاران ژی تابلویەكێ‌ هونەریێ‌ سەمایێ‌ دهێتە پیشاندان. ئەڤا من مەبەست پێ‌ باژێرێ‌ دهوكێ‌ یە زێدەتر، كو ڤان تابلوییان تایبەتمەندیەكا خوە هەیە و پارێزگەها دهوكێ‌ زێدەتر ژ پارێزگەهێن دیێن هەرێما كوردستانێ‌، چەندین نەتەوە و ئول كلتورێن جودا لێ‌ دژین و پێكڤە ژیانا ڤان هەمی جوداهییان، تابلویەكێ‌ خورستی پەیدا كریە و دا كو ئەڤ تابلویێ‌ هەنێ‌ ژ بلنداهییا خوە بكەڤیتە بەرچاڤێن خەلكی و كەتوارێ‌ دروستێ‌ پێكڤە ژیانا لڤێ‌ پارێزگەهێ‌ پیشان بدەت، دڤێت بەهرەمەندەك هەبیت و بزانیت، دێ‌ چاوان گیانی بڤی تابلوی پەخشیت و پەخشیینا گیانی ژی، وەك هونەر و ئەدەب ئەز دبێژم، دڤێت هونەرمەند و ئەدیبێن هزر ڤەكری و بیر تیژ هەبن و خولقێنەرێ‌ تشتێن نوی بن.

مشەختی وەك نمونە

كورتە چیرۆك ـ دل ـ ژ عه‌ره‌بیێ

كورتە چیرۆك ـ دل ـ

ساتع راجی

وه‌رگێران ژ عه‌ره‌بیێ: عبدالرحمن بامەرنی

د ئێك ژ شەراندا، من دلێ‌ خوە ژ دەستدا. ل وی دەمی نوژداران گوتن، تو حالەتەكێ‌ دەگمەنی. د چركەكا خوڤەدزینێ‌ یان لادانێدا گوتن، ئەز دشێم بۆ دەمەكی ب دلێ‌ گیانەوەرەكی بژیم، ل وی دەمی دلێ‌ مەیمینكەكا بچووك یێ‌ ئامادە بوو، ژ وی جورێ‌ ئەوێ‌ لێبووك بكار دئینن، ئەز دگەل وی یان ل سەر وی، بۆ ماوێ‌ چار سالێن كەیفێ‌ ژییام. دەم د بوری، هەر وەكو چنە، من خوە د هەلاڤێت و بەردەوام دكرە كەنی، من زارڤەكرنا هەمی تشتێن مرۆڤی دكر، من گەلەك دكرە كەنی، ژبەركو ئەڤێن دی دكرە كەنی، سەرەرای كو من ئەگەرێ‌ كەنیا وان نەدزانی، بەلێ‌ دەمێن خوش زوو دەرباز دبن، بوویە بێی ئەز هەست پێبكەم، من دلێ‌ مەیمینكێ‌ مەزاخت، خوزی من باشتر دەم بكار ئینابایە.

دلێ‌ دویێ‌ ئەوێ‌ بەرهەڤ، دلێ‌ تاووسی بوو. من گەلەك پێ كرە كەنی، ل وی دەمی ئەز ب دلێ‌ مەیمینكێ‌ د ژییام و ئەز نە د شییام ژبلی كەنی چ هەلویستان راگەهینم. دلێ‌ تاووسی! هزر بكەن؟ ئەڤە تێرا هەمی تشتان ناكەت، دگەل ڤێ‌ ژی ئەز نەچار بووم بۆ چەند دەمەكی بكار بینم. تشتێ‌ سەیر، من حەز ژێكر، من خوە مەزن د دیت و هەمی تشتێن دی پووچ، دەمێن گەلەك خوش، تا من خوزی راهێلاین ئەز دگەل دلێ‌ تاووسی بمینم، ئەگەر بابەت ب دەستێ‌ من بایە، دا هەمی تاووسان سەر ژێكەم، ئەڤێن دەستێ‌ من دگەهشتێ‌، دا ئەز ب كەیف خوشی ل سەر دلێ‌ وی بژیم، خوە مەزن كرن ب وێ‌ تیشكێ‌ ئەڤا ئەز دهەلگرم، سەرەرای كو ئەز یێ‌ بێ‌ پەر بووم و تا پەرێن بێ‌ سەروبەر ژی، ئەز وەك هەر مرۆڤەكی یێ‌ رووس بووم، بەلێ‌ د سەر ڤێ‌ چەندێرا، قوناغا تاووسی گەلەك ژ قوناغا شێری خوەشتر بوو، ئەڤا ئەز پشتی وێ‌ تێدا ژیایم.

ـ نڤیسەر ـ* كورته‌ چیرۆك

كورسیكێن ڤالا د هولێڤە ناهێنە دیتن، بتنێ‌ دوو رێزێن ئێكێ‌ نەبن. دزانی رێزا ئێكێ‌ ئەتەكێتێن خوە یێن هەین و ئەگەر روونیت ژی، دێ‌ ئێك وی ژ جهێ‌ لێ‌ روونشتی راكەتەڤە. قەستا رێزا دویێ‌ كر و ل كورسیكا ئێكێ‌ ژ رێزا دویێ‌ ژنەك یا روونشتی یە و زكێ‌ وێ‌ نەشیا هەستێن وی بەرامبەری ژنان بلڤینیت، هەر ئەو دزانیت چەند حەز ژ ژنێن دوو گیان ناكەت.
یا باشتر ئەز ل رەخێ‌ دی یێ‌ هولێ‌ بهێمە دناڤ رێزێدا و ل كورسیەكا ڤالا، جهێ‌ روونشتنا خوە مسوگەر بكەم! خودانا زكی هەست بڤێ‌ چەندێ‌ كر و خوە قولپاندە رەخێ‌ كورسیكێ‌ و بهزرا وێ‌، ئەگەر ئەو ژی پیچەك خوە خار و ڤیچ بكەت، دێ‌ شێت د بەررا بوریت، لێ‌ شەپلینا ڤێ‌ ژنا دوو گیان بەس نەبوو، كو ئەو دبەر سینگێ‌ وێ‌ را دەرباز بیت و لجهەكی روونیت! هێشتا ڤێ‌ ژنا دووگیان خوە لجهێ‌ خوە راستڤەنەكری پشتی ژ دەربازبوونا وی بێهیڤی بوی، دوو كچێن بەژن بلندێن خوە د مكیاجی را هێلای و زەند رویس، گوتنێ‌ دەستیری بیت و دەربازی كورسیكێن ڤالا بوون.
ئەز گیرو بوویمە یان دێ‌ شانوگەریەكا جوداتر بیت ژ ئەوێن بەری نوكە ئەز هاتیمە پێش، ئەڤە هزرێن وی بوون، هێشتا مژویلی بریارا خوە كا دكیش سەرێ‌ رێزێ‌ را جهێ‌ روونشتنا خوە ل سەر كورسیەكێ‌ بكەت، بەری ئەوێن ڤالا ژی تژی مرۆڤ ببن. ئەڤێ‌ چاڤدێریا هولێ‌ دكەت ب دوو دلی و شەپلینا وی زانی، كو ئەو ژنا ل سەر كورسییا ئێكێ‌ ئەگەرێ‌ دەربازنەبوونا وی یە، لێ‌ تشتێ‌ وی هزر تێدانەكری، ئەوی نەدزانی، كو زكێ‌ وێ‌ رێگرە ژ بو دەربازبوونا وی، نە ژن بخوە.

كورتە چیرۆك

ـ ژڤان ـ(1)
ژ كیرێ‌ بۆ تە دەست پێبكەم؟ ئەوێ‌ سپێدەهیێ‌ وەك هەمی رۆژێن بەری وێ‌، ئەز لهیڤیا هاتنا (رەفێ‌) بووم، لهەمان جهی د راوەسیتام، یێ‌ من بۆ جارا ئێكێ‌ تو لێ‌ دیتی، یا راستر بێژم، ئەو جهێ‌ بۆ جارا ئێكێ‌ سەرنجا تە ئەز بۆ خوە راكێشایم! ئەزەكێ‌ سنێلە و ئەو وێنەیێ‌ من بۆ كچان د مێشكێ‌ خوەدا دروست دكر، هەر مێیەكا با، چاڤێن من بۆ خوە رادكێشان، لێ‌ هەر مێیەكێ‌ ئەو رێ نە ددا من، كو من هزرێن خوە رادەستی وێ كربانە و تو ئێكەم كەس بووی و ئێكەم مێ‌ بووی، كەنیەكا شەرمینووك د من وەردكەت..
هەر رۆژ، بەری تە ئەز ل ژڤانێ‌ بووم، تا تو سیار نە ببای، ئەز سیاری رەفێ‌ نەدبووم.. ئێك جار ژی نەشییام ل رەخ تەنشتا تە، ل سەر كورسیكێ‌ جهێ‌ خوە بكەم و هەر جار ژی ژ بەدبەختییا من، تو ل تەنشتا كەسەكێ‌ دی د روونشتی و تا دووماهی جار، تو ل بەر تەنشتا كەسەكێ‌ دی رازایی..!

چەند گۆتنەك تا دگەهیە بامەرنێ‌

رەنگە نڤیسینا ل سەر وی جهێ‌ تو لێ‌ ژ دایكبووی، پیچەكا پرسیارێ‌ بدووڤ خوەڤە بینیت، لێ‌ ما چ قەیدییە ئەگەر ئەو نڤیسینا هەنێ‌ ببیتە دەرگەهەك، كو گەلەكێن دی چاڤلێكرنا جوانیێ‌ و خزمەتكرنا وی جهی بكەن، ئەوێ‌ زارۆكینییا خوە دناڤدا مەزن كری. ئەڤە دەستپێكەكە، كو بامەرنێ‌ بكەمە نمونا ڤێ‌ نڤیسینێ‌، كو چەند گەنجێن خوە بەخش، كارێ‌ خزمەتكرنا ڤی باژێركی ئێخستیە سەر ملێن خوە، ئەڤە د دەمەكیدا، ئەگەر هەر كەسەك ژمە حەز بكەت، پویتەی ب جوانییا تاخێ‌ خوە و گوندێ‌ خوە و باژێرێ‌ خوە بدەین، گەلەك یا ئاسانە و هەر چنە بیت، ئەو جهێن ئەم قەست دكەینێ‌ و سەیرانێ‌ دناڤدا دكەین، پیس نەكەین، ژبیرنەكەین ژی، ئەڤرو سەردەمێ‌ گەشت و گوزارێ‌ یە و ئەگەر ئەم حەز بكەین، هەر ئێك ژمە و لدویڤ ئەوا ل بەر دەست هەی، ئەم دشێین بەرێ‌ خەلكێ‌ دی بدەینە دەڤەرێن خوە و هوسان گوند و دەڤەر و باژێر گەشێ‌ دكەن و خەلكێ‌ وان پێ‌ بكار دكەڤیت و بەراهی و دووماهیا خزمەتكرنێ‌ ژی، بەرهەم پێڤە دهێت و ئابورا دەڤەرێ‌ گەشێ‌ دكەت و ئەوێن ل دەڤەرێ‌ ژی دژین، دێ‌ شیانێن داهێنانێ‌ لدەف وانان خورتتر لێهێت.
دا بزڤرینە بابەتێ‌ خوە و هندەك ژوان خزمەتان باس بكەین، ئەڤێن سەرنجا من راكێشاین، كو بكەمە هێڤێنێ‌ ڤێ‌ نڤیسینێ‌ و ئەو ژی، ئێك: ڤەكرنا پەرتوكخانەكا گشتی و پێشكێش كرنا سەدان ناڤ و نیشانێن پەرتووكان، وەك خوبەخش ژلایێ‌ خەلكێ‌ بامەرنێ بخوەڤە، هەر چەندە، بەشەكێ‌ هاریكاریێ‌ رێڤەبەریا پەرتوكخانا بەدرخانیان ب ستوخوڤە گرتبوو، لێ‌ بەرامبەری ئەو پەرتووكێن دیاری گەهشتینە پەرتوكخانێ‌، رێژەكا كێم بوون. دو: دانان و دروستكرنا پەیكەرەكی لنیڤا سەنتەرێ‌ بامەرنێ‌، كو خوە بەخش ژلایێ‌ گەنجەكێ‌ بامەرنێ‌ بخوەڤە هاتیە دروستكرن. سێ‌: هەوەكا بویاغكرنا بازارێ‌ بامەرنێ‌، كو بازار ئێكەم وێستگەهە، خەلك ل هەر دەڤەرەكێ‌ قەست دكەتێ‌ و دا كو بازار ب قەد وێ ماندیبوونێ‌ بیت و چاڤێن وی كەسی تێر بكەت، یێ‌ ئەو سەرەدانە بۆ كری، گەنجێن بامەرنێ‌ د هەوەكا خو بەخشیێدا و بۆ چەندین رۆژان رابوون ب بویاغكرنا روویێ‌ بازاری و ب ئەندازەیەكا جوان.

جڤاتا مشكان

 

جڤاتا‌ مشكان، نە چیرۆكەكە بۆ زارۆكان هاتبیتە نڤیسین و نە ژی ژوان چیرۆكانە، ئەڤێن چیرۆكنڤیس ژ دورهێلی درەڤن و نەشێن راستەوخو كارێكتەرێن خوە ب مرۆڤان ب شوبهینن.. راشكاوانەتر بێژم، جڤاتا مشكان دەركەفتنەكا دییە ژ تێكستی و ئەڤە ئێكەم جار ژی نینە وەك چیرۆكنڤیسەك من تێكست بجهـ هێلابیت و ئەگەر راستگوتر ژی بێژم، من مشكینی پێخوشترە ژ ئەوا نوكە ئەز تێدا وەك مرۆڤ!

ئەڤا ئەز دێ چیرۆكا خوە ل سەر نڤیسم، گوھورینەكا نەچاڤەرێكری بوو دژیانا مشكاندا روودای! ل دێر زەمانەكی گوند د ئاڤابوون و ھەر تشتەكێ مشكان ڤیابا، ب ساناھی بدەستدكەفت، دیوارێن ئاخێ بوون، بان ئاخ بوو و مشكان زوی رێیا خوە بۆ سەر ستێركی دروستدكر. ژیانا مشكان و بەردەوامییا مشكان و خوشگوزەرانییا مشكان، ھەمی ب ستێركی ڤە یا گرێدایی بوو. لێ دگەل پێلێن گوھورینان، گوھورینێن سیاسی یێن ب سەر مرۆڤاندا ھاتین، مشك ژی كەتنە بەر ڤێ پێلێ و بەرەڤ باژێری و ژیانا باژێری ڤە ھاتن و داكو مشك بشێن دگەل ژیارا باژێری خوە بگونجینن، ژ ژیانا ساددەیا خانیێن ئاخێ بۆ خانیێن كونكریتی و ژ ستێركی بۆ لێنانگەھێ و دەرگەھـ و قفل و كلیلان و ئەوا بۆ وان ل ژیارا گوندان، دناڤ خانیێن ئاخێدا  دقەتییا، ئێدی ل باژێری گوھورین ب سەر ھەمی تشتیدا ھاتن و مشك پێدڤی پلانێن نوی بوون و پێدڤییا وان ب ھەبوونا جڤاتەكا راوێژكاریێ بوو!

ئاین و ژن و سینەما

نەوال سەعداوی

وەرگێران:  عبدالرحمن بامەرنی

ئێكەم جار بوو د زارۆكینیێ‌ دا ئەز چوویمە سینەمێ‌، دا فلمێ‌ (بژیت ئەڤینی) ببینم. دگەل من ژی دا، هەر ئێك ژ بابێ‌ من و دەیكا من و برایێ‌ من یێ‌ مەزن بوو، كو وی حەز ژ موزیكێ‌ و سینەمێ‌ دكر و ژ وانا ئاینی د رەڤی، دا ئامیرێ‌ (عودێ‌) بژەنیت و دگەل هەڤالا خوە (صوفیێ‌) سترانان بێژیت. دەیكا من ژی حەز ژ (لەلیلا موراد) دكر و بابێ‌ من دگوتێ‌، تو ب جوانیا خوە و دەنگێ‌ خوە وەكی وێی، دەیكا من خەون د دیتن، كو ببیتە هونەرمەندەك و ل سەر شاشێ‌ لڤینێن جادوگەری ئەنجامبدەت و ب مەلاینان حەژێكەر هەبن و نە كویلەیا زەلامەكی بتنێ‌ بیت، بێی ب بینیت و د دەرزا و پرتێن شیشەی را دیتبیت و شوی پێكربیت.

من حەز ژ ماموستایێ‌ ئاینی نە دكر، ژبەركو وی برایێ‌ من د دیت، ژ من زیرەكترە. سەرەرای وی خوە د سەر دیواران را دهاڤێت و ژ قوتابخانێ‌ درەڤی و دچوو موزیكێ‌ و حەژێكرنێ‌. ئەز ژی دبوومە زیندانا باشیێ‌ و مێزا داری و بتنێ‌ دگەل خەونێن هشیاریێ‌ و من عود د ژوورا خوە ڤە دژەنی، هەر وەك ئەز خرابیەكێ‌ بنهێنی دكەم! سەما ژی خەونا ژیانا من یا نە بەرئاقل بوو. پسیارا د تەمەنێ‌ من خرەكێ‌ دا و تا نوكە لدەف من: بوچی زارۆك زێدەتر حەز ژ موزیكێ‌ و سەمایێ‌ دكەن، ژ ماموستا و وانێن ئاینی؟

سەرەرای هەولێن نویكرنا هزرا ئاینی یا بەردەوام تا ئەڤرو ژی، بەلێ‌ هزرا ئاینی هەر هشك دمینیت، وەك چەرخێ بەرین و ما جوداهیەك لدەف پترینا فەقیهێن نوی دا هەیە، دگەل وان یێن بەری وان و باوەریا وان ب مافێ‌ زەلامی، كو هەڤژینا خوە ب سەردەڤ و بێ‌ دیدەڤان، تەلاق بدەت؟

ئەم ژ دەیبابێن خوە ل كیڤەینە

نەوال ئەلسەعداوی

وەرگێران: عبدالرحمن بامەرنی

ئەرێ‌ ژن یان زەلام دشێن ئازاد ببن و كەسەكێ‌ دی وان ب خوەدان بكەت؟ ئەرێ‌ وەلاتەك دشێت ئازاد ببیت و ئەو ل سەر هاریكاریێن ژ دەرڤە دژیت؟ ئەڤ پرسە د سەرێ‌ من دا دزڤریت، هەر دەما بابەتێ‌ ژن و زەلامان هاتە ئازراندن، هەر ژ دەما هاریكاریێن ئەمریكی یێن درێژخایەن كەلەكە بووین ل سەر ئێك و ژ دەما "سادات" بویە سەروكێ‌ مسرێ‌.

بیرا من لگوتنا بابێ‌ من دهێت: "زەلام و ژنێن ئازاد ژبلی بەرهەمێن خوە و خوها ئەنیا خوە نەشێن چ بخوەن"، بابێ‌ من رەخنەگرێ‌ گوتنێن ڤەگێرای بوو و ژوان: "ژنا ئازاد ژ مەمكێن خوە نا خوەت"، ئەو ژی دەربرینەكا خاپینۆكا هەڤدژە، كو ژنان دگەهینتە توخمێ‌ شیردەران، سەرەرای كو ژ توخمێ‌ مرۆڤانە، مافێن ژنان ژی دناڤ دوكیومێنتان دا هەتا ئەڤرو دبەرزەنە. بابێ‌ من ل سالا ئێكێ‌ ژ چەرخێ‌ بیستێ‌ ژ دایكبوویە. د خواندنا خوە دا ل (ئەزهەر و مالا زانستی و دادیا یاسایی و زانكویا ماموستایان) یێ‌ زیرەك بوویە. بەربژێر بوو ژ بۆ گەشتێ‌ بۆ فەرەنسا، بەلێ‌ هەڤالەكێ‌ ژ وی كێم شیانتر و نزیكی دەستهەلاداران، جهێ‌ وی د گەشتێ‌ دا بدەست ڤە ئینا. گەشت كر و پاشی ژ پاریس ڤەگەریا، دا ببیتە وەزیر یان بیرمەندەكێ‌ مەزن.