عبدالرحمن بامەرنی
جارێ دا وێنێ من ل جھێ خوە بھێیلن و ئەگەر ئەو ئەز بم یان ئەو ئەز نەبم، چ تشتەكی ناگوھوریت. شڤێدی یان شەڤترا دی بوو ئەم ل جھەكی دروونشتی بووین و كەسەكی بەحسا نەخۆشیێن خوە دكر، كێشەیەكا دلی ھەبوو و لدویڤ گوتنێن وی، كو من تێدئینادەر، بۆ وی ئەڤ سوحبەتە یا خۆش بوو و ڤێرا دچوو، ژڤی نوژداری بۆ نوژدارێ دی و ڤی دەرمانی بۆ دەرمانێ دی و لدووماھیێ و باشترین نوژدار و یێ باوەریا وی پێھاتی، نوژدارەكی كو ب (واستە) ھەتا چوویە دەڤ، گوتێ: "نەھێلە (عەسەبی) ببی"، من ژی لدویڤ زانینا خوە ھندەك شیرەت لێكرن دێ چاوان خوە ژ عەسەبییێ دویركەت، لێ شیرەتێن من بۆ وی ژ قەستا بوون.
پا شەڤبێری و سەرەدانن، چایا مە ھاتە بەر سینگا مە و دەنگێ كەچكی و تێكڤەدانا چایێ ب سەر ھەمی سوحبەتێن دی كەفت، ئەڤێ ل تەنشتا من یا دی، گوت: "دێ تو ژی پەیالا خوە یا چایێ تێكڤەدە؟". من گوتێ نێ ئەزێ شیرەتا لڤی دكەم. گوت: "یا ژ شیرەتان دەركەفتی و ھینگێ خەلك یێ ئارامە دەمێ وی كێشە ھەبن(مووچە گیرو بیت و كارەب ل سەر بھێتە برینێ و ئەڤا نوكە ل پانزینخانێن حكومی روویددەت و بازار یێ گران بیت و ئەڤ تشتۆكێن ھەنێ، حەبكا ئارامكەرن بۆ وان و ئەگەر ئەڤ بابەتە نەبن، ما دێ ب چ ئاخڤن، خەلكەكێ (بەتال و عەتال)ە و ئەڤێ ل تەنشت تە باشترین نموونەیە، چارەسەریا وی د وێ چەندێ دایە، ئەو بەحسا نەخۆشیا خوە و سەرەدانێن خوە یێن نوژداران بۆ ھەر كەسی بكەت و ئەگەر كەس نەما گوھداریا وی بكەت، دێ نەخۆشیا وێ ل سەر گران بیت و كارەب و مووچە و پانزین و گرانیا بازاری ژی ھۆسا". من گوتێ و ئەڤێن وەك من پشتی گران؟ گوت: "چایا خوە ڤەخوو و تو ژی خۆشیێ ژ تێكڤەدانا پەیالا خوە ببینە".
ليست هناك تعليقات:
إرسال تعليق