عبدالرحمن بامەرنی
ئەگەر بێژنە من، دێ چایێ ڤەخووی یان قەھوێ؟ بێ دوو دلی دێ بێژم قەھوێ و جامێری بێ دلیا من نەكر و بۆ من و خوە گازی دوو فنجانێن قەھوێ كر. گوت تو ئایندەی چاوان دبینی؟ من گوتێ، ئەز دێ بتنێ ھندی پارێ قەھوێ بۆ تە بەحسا ئایندەیی كەم، گوت بلا، بەس ب مەرجەكی نە بەحسێ چ حزبا بكەی و نە پەرلەمانی و نە بەحسێ پێكئینانا حكومەتێ، من ژی گوتێ وەعد. من بۆ چیرۆكا (ماری و ژیژی) گوت، ل زڤستانەكێ مارەكی ژ سەرما چاڤ ب ژیژیەكی كەفتن و چوو خوە تێ ئالاند، دا خوە ژ سەرمایێ ب پارێزیت. دەما ژیژی ژ خەورابووی و ڤیایی خوە ژ ماری دویر بێخیت، مارێ ھێشتا تێر خەونەبووی، خوە ب ژیژی ڤە گڤاشت و نەڤیا ژ خەونا خوە ھشیار ببیت. ژیژی ڤیا خوە رزگار بكەت و مار ھەرێ خوە د شدینیت و شیژنێن ژیژی یێ ب ناڤ لەشێ ماری دا دچنە خارێ و لەشێ ماری ھەمی بۆ خوین. ھەڤالێ من گوت: ئێ پاشی مار چ لێھات؟ من گوت، تە بەحسا ئایندەیە یان ماری؟ دەڤێ وی تێكئالیا و گوت ھەكە دێ قەھوەكا دی ڤەخووی، دێ پارێن وێ ژی دەم.
ليست هناك تعليقات:
إرسال تعليق