عبدالرحمن بامەرنی
ئالایێ كوردستانێ ب ھەمی رەنگەكی پیرۆزیا خوە یا ھەی و ئەڤی بابەتی چ داگێران و ل سەر راوەستیان بۆ نەڤێت، ژبەركو ل بن ڤی ئالایی مە شەھید و قوربانیداینە و دەھان كەس كەفتینە زیندانێن تاری و سەرا ھاتینە ئەشكەنجەدان و گەلەكان ژێ ژیانا خوە ژی ژ دەستدایە. بابەتێ ھونەرمەندێ كورد (دیار دێرسم) ژی بوویە بابەتێ رۆژەڤێ، ژبەر ئەوا دناڤ كوسنێرتا وی یا ھونەری دا روودایی، دەما ئەو ل سەر كورسیكێ یێ روونشتی و بزقا وی د كۆشێ دا و سترانا دبێژیت، ژ نشكەكێڤە گەنجەكێ كورد ب سەر دەپێ شانۆیێ دكەڤیت و ئالایێ كوردستانێ ل سەر ملێن وی دادنیت و ژنەك دھێت وی ئالایی ژ سەر ملێن وی رادكەت. ئەڤی دیمەنی نە رازیبوونا كوردان بدویڤ خوەڤە ئینا و تا وی راددەی ھونەرمەندێ ناڤبری رۆھنكرنەكێ بۆ راگەھاننێ ددەت و دبێژیت پێش ئەز كونسێرتێ گرێدەم، وەسا رێكەفتن ھاتبوو كرن كو چ سۆمبولێن نەتەوەیی نەھێنە راكرن و تشتێ بۆ من سەیر و ئەز پالدایمە ڤێ نڤیسینێ، بابەتێ نە رازیبوونێ بتنێ نەبوو، كو ھەر كوردەك د ناخێ خوەدا ژ بەر رەفتارا وێ ژنێ و ھلاندنا ئالایی ل سەر ملێن وی ئێشایی.
لێ لڤێرە پرسیار ئەڤەیە، د حالەتەكێ ھوسادا چ بھێتەكرنێ باشە؟ ئەڤ پرسیارە ددانوستاندنا من و چەند ھەڤالەكێن من بوو، ئێكی ژوان گوت: "بلا بزقا خوە راكربا و وەك ھەولیست بەردەوامی نەدابا سترانێ و ژ دەبێ شانۆیێ ھاتبا خار". ھەڤالەكێ دی گوت: "بلا دوو گەنجان پرچا وێ ژنێ كێشابا و ئالا ژ دەستی ئینابا دەر". ھەڤالەكێ دی گوت: "باشە چ رامان تێدا ھەیە، ئەڤی گەنجی ئەڤ ئالایە بری و دانایە سەر ملێن وی". كەسەێ دی گوت: "ب دیتنا من بابەت ژ قەبارێ وی مەزنتر لێھات و ئەڤە ناڤزراندنە ب ھونەرمەندەكێ كورد". ھەر چەندە ھێشتا دیتن و بوچوون ھەبوون و ھەر ئێكی ژ كوژیەكێ ل بابەتی دنێری، لێ یا راستی بیت، خوە ئەگەر لێك تێنەگەھشتنەك ژی ھەبیت، پێش وەخت پێرابوویێن كونسێترنێ ھندەك مەرج ژی دانابن و خوە ئەگەر بێ ئاگەھیا ھونەرمەندی ژی بیت، دڤێت ژبیرنەكەین ئەو كوردە و یێ سترانا ب كوردی دبێژیت و خزمەتا ھونەر و سترانا كوردی ژی یا كری، ئەڤ ناڤزراندنا ھەنێ گەلەك ژ قەبارێ خوە مەزنتر لێھات.
ليست هناك تعليقات:
إرسال تعليق