نەوال سەعداوی
وەرگێران: عبدالرحمن بامەرنی
ئێكەم جار بوو د زارۆكینیێ دا ئەز چوویمە سینەمێ، دا فلمێ (بژیت ئەڤینی) ببینم. دگەل من ژی دا، هەر ئێك ژ بابێ من و دەیكا من و برایێ من یێ مەزن بوو، كو وی حەز ژ موزیكێ و سینەمێ دكر و ژ وانا ئاینی د رەڤی، دا ئامیرێ (عودێ) بژەنیت و دگەل هەڤالا خوە (صوفیێ) سترانان بێژیت. دەیكا من ژی حەز ژ (لەلیلا موراد) دكر و بابێ من دگوتێ، تو ب جوانیا خوە و دەنگێ خوە وەكی وێی، دەیكا من خەون د دیتن، كو ببیتە هونەرمەندەك و ل سەر شاشێ لڤینێن جادوگەری ئەنجامبدەت و ب مەلاینان حەژێكەر هەبن و نە كویلەیا زەلامەكی بتنێ بیت، بێی ب بینیت و د دەرزا و پرتێن شیشەی را دیتبیت و شوی پێكربیت.
من حەز ژ ماموستایێ ئاینی نە دكر، ژبەركو وی برایێ من د دیت، ژ من زیرەكترە. سەرەرای وی خوە د سەر دیواران را دهاڤێت و ژ قوتابخانێ درەڤی و دچوو موزیكێ و حەژێكرنێ. ئەز ژی دبوومە زیندانا باشیێ و مێزا داری و بتنێ دگەل خەونێن هشیاریێ و من عود د ژوورا خوە ڤە دژەنی، هەر وەك ئەز خرابیەكێ بنهێنی دكەم! سەما ژی خەونا ژیانا من یا نە بەرئاقل بوو. پسیارا د تەمەنێ من خرەكێ دا و تا نوكە لدەف من: بوچی زارۆك زێدەتر حەز ژ موزیكێ و سەمایێ دكەن، ژ ماموستا و وانێن ئاینی؟
سەرەرای هەولێن نویكرنا هزرا ئاینی یا بەردەوام تا ئەڤرو ژی، بەلێ هزرا ئاینی هەر هشك دمینیت، وەك چەرخێ بەرین و ما جوداهیەك لدەف پترینا فەقیهێن نوی دا هەیە، دگەل وان یێن بەری وان و باوەریا وان ب مافێ زەلامی، كو هەڤژینا خوە ب سەردەڤ و بێ دیدەڤان، تەلاق بدەت؟
دەما زارۆك حەز ژ وانێن ئاینی دكەن، وەك چاوان حەز ژ موزیكێ و سینەمایێ و سەمایێ دكەن. دەما رەوشتێ ژنێ و كەرامەتا وێ دبیتە رەوشتێ زەلامی و كەرامەتا وی، هینگێ بتنێ ئامانجا نویكرنا د هزرا ئاینی دا دروست دبیت. ما جەوهەرێ دروستێ ئاینی نە هەر جەوهەرێ دروستێ هونەری یە یان كو حەژێكرن و جوانی و راستی و ئازادی و باشی و دادی و ساخلەمی و كەیف خوەشی یە؟
پەرتۆكەكا نوی دەركەتیە و خواندنەكا كویر د دەتە پەیوەندیا دناڤبەرا ئاینی و ژنان دا ل سینەمێ. ئەڤ پەرتوكە ژ نڤێسینا (دنیال كوترارا) ماموستایێ ئەمریكی ل زانكویا (تكساس)ە. ئەو بخوە قەشە بوو، بەلێ ژبەر حەژێكرنا وی بۆ سینەمایێ دێر هێلا. ژ فلمێن عەرەبی ژی، كو نڤێسەری د پەرتۆكا خوە دا ژێ بەحسكری، فلمێ (دەرگەهێن گرتی)، ژ دەرهێنانا (عاتف حەتاتە) ل سەر زارۆكەكێ موسلمان، ل سەر دەستێ كومەكا ئاینی یا تیرورست ل سەر خاترا خودێ، بۆ كوژەكەكی دهێتە گوهورین و ل سینەمێ دهێتە نیشاندان. رولەك كو هەڤدژیێن دناڤبەرا گیانی و لەشی دا دیار دكەت. دناڤبەرا هوشیێ و بێ هوشیێ دا و عەقل ژی هەست ب نە وەكهەڤیا بهایێن رەوشتی و دوو سەركیا كومەلایەتی و هەڤركیێن بێ دووماهیك دناڤبەرا تشتێ پیروز و یێ پیس، تاكی و كومەلێ دا دكەت، دیسان ئیستیغلالكرنا رژێمێن سیاسی بۆ پێدڤییاتیێن مرۆڤی یێن سروشتی ژ خارنێ و ئاسایشێ و حەژێكرنێ و سكسی، بۆ زالبوون ل سەر عەقلێ خەلكی و كومكرنا پارەی.
فلمێ (دەرگەهێن داخستی)، بەری هەژدە سالان هاتیە نمایشكرن و چەندین خەلات وەرگرتینە، رەخنەگران ژی ژ فلمێن گرنگ د مێژوویا سینەما مسری دا داینە ناسكرن. بەلێ دكەڤیتە بەر پرسیارا جیهانێ مژویل دكەت: بوچی و چاوان مرۆڤ ژ پێخەمەت خودێ دبیتە كوژەك؟
فلم كاریگەریێن دەروونی د ناڤ مرۆڤی دا دیار دكەت و كاریگەریێن ئابوری و زانستی، كو گەنجان بەرهەڤ دكەن كو خەلكی كافر بكەن. چاوان گەنجەكێ سنێلە دێ نزیكترین كەسێ خوە پشتی بگەهیتە كومەلەیەكا ئاینی، كافر كەت؟ چاوان پێدڤیاتیێن وی یێن سكسی دهێنە ئیستیغلالكرن، كو بكەنە كوژەك. ئەو باوەری بۆ دروستكری كو دێ چیتە بەهەشتێ و دێ كچێن كچین بۆ هێنە دان.
فلم كومێن تیرورست نیشانددەت و د گوپیتكا چالاكیا خوە دا بوو، بەلێ ژ ئێك حەفتی زێدەتر، نەهاتە نیشاندان.
د شیاندایە هونەرێ جوان رەوشتی باش كەت و رەوتێن خراب ژناڤ ببەت بۆ عەقلێن گەنجان ئە‌وێن نێران بەرەڤ توندوتیژیێ ڤە دبەن، كو ژن ب (كەرەستە) هاتیە نیشاندان. زەلامی ئەو ماف هەیە و بێی پسیار كرن وێ ئیستیغلال بكەت و سینەما دشێت هزرا ئاینی ڤەژینیت، ژبەركو ئەو هوش و نەهوشێن هەست و بێ هەستیێ داگیردكەت و تایبەتی ژی، زارۆك و كوران، كو ئەو هێشتا لدەستپێكا تەمەنێ خوەنە.
د رۆژناما صباح كوردستان ژمارە 22 دا بلاڤ بوویە.
%20copy.jpg)
ليست هناك تعليقات:
إرسال تعليق