نەوال سەعداوی
و، عبدالرحمن بامەرنی
ئەز مشارێ كارەبای و ماكینەكا لەحیمی هەلبگرم، بۆ من خوشترە كو ئەز كوپەكێ چایێ چێكەم، ئەڤە گوتنێن ژنەكا مصری بناڤێ (ئەحلام تارق ئیبراهیم) بوون، ل باژێرێ (غەردەقە) ل پارێزگەها (بەحرو لئەحمەر).
وەك دیار پەیڤ د لێكدای بوون، ژبەركو برینا ئاسنی ب مشارێ كارەبای كارێ زەلامانە و چێكرنا چایێ ژی كارێ ژنانە. ئەڤ دابەشكرنا كاری ژی ل سەر شەنگستێ جورێ رەگەزییە، نە یاسایا عەسمانی یان یا سروشتەكێ نە گوهورە، بەلگە ژی بەردەوام دهێتە گوهورین، بەلێ زانستێ دەروونی یێ نوو، خوە ل بەر كاروانێ گوهورینێن بلەز یێن دەروونێ مرۆڤایەتیێ نەشێت بگریت. لڤێ جارێ مێیاتی یان نێراتی خوە نابینیت، داهێنان و كەساتییا وێ، مرۆڤاتییا وێ یا رەسەن ژێ د ستینیت، بەلێ ئایا نوژدارەك دشێت د ژنەكا ژیر و بەرهرەمەند بگەهیت، پشتی بیردوزێن (سیجمون فروید) و پێزانینێن نێراتییا پیروز ژبەركرین؟
پرانیا نوژدار و ئەدیب و هزرمەندێن ل مصرێ و جیهانێ دبێژن، ژن تەڤنەكە و كەس نەشێت تێبگەیهت، دێ بێژی ئەو رەگەزەكە نە ژ رەگەزێ وان، وێ خەونێن هزری و كەرامەتا مرۆڤایەتیێ نینە، مەزنترین تشتێ وێ كەیف خوەش دكەت، هاوسەرگیریە دگەل ئێكی ژوان و چێكرنا چایێ بۆ وی و ئەو یێ درێژكری ل سەر نڤینا خوە یان روونشتییە ل پشت مێزا خوە و هزرا دكەت یان پەرتوكەكێ دخوینیت.
مە هەڤژینێن هزرمەندێن مەزن ل مصرێ و دەرڤەی وێ ناسكرینە، چ ژوان هەڤژینان ژ دەرڤەی مالا خوە خەون نەبوون، وێ چ كەسایەیێت سەربەخو ژ بلی هەڤژینێ خوە نینن، خوشیێن خوە ژ خوشیێن وی وەردگریت و بدەستڤە هاتنا كەساتییا وی، دناڤ خوەژیدا خەمان ل سەر كەساتییا خوە یا بەرزە رادكەت، ب خەموكیێ یان ژی ب پەنجەشێرێ نەساخ دبیت. دبیت ژی بەرەڤ خوەكوشتنێڤە بچیت، ئەگەر ژ بەر ترسا سزادانا خودێ نەبیت، مە هونەرمەندێن داهێنەر و ئەدیبێن هزرمەند ژی ناسكرنە، مصر و ژبلی مصرییان ژی، گەلەك ژوان بتنێ یان بێ هەڤژین ژیاینە، دا ل سەر كارێ خوە یێ داهێنانێ د بەردەوامبن، پرانیا نوژدارێن دەروونی نزانن كو ژنان كەساتیەكا سەربەخو ژ یا هەڤژینێن خوە یان خێزانا خوە هەیە، مەزنترین خەم ژی دژیانا ژناندا دەما نەشێن كەساتیا خوە بدەست ڤە بینن و نە شەكەستن د حەژێكرنێ یان هاوسەرگیریێ یان ژی د دەیكینیێدا، بوچی ژنەك خوشییا برینا ئاسنی ب مشارێ كارەبای ب سەر چێكرنا كوپەكێ چایێ دئێخیت؟
دبیت خانێن هێزێ ژ خوداوەندێن مسری (ئەزیس) یان ژ داپیرا وێ یا جوتیار ئەڤا بتەڤری عەرد دكێلا، بۆ مابن یان ژ دەیكا خزمەتكار ئەڤا تاسێن بەرا د دانانە سەر سەرێخوە و ب سەر پێستركان دكەفت، بەلێ یا گرنگ راهێنانە هەر ژ زارۆكینیێ. (ئەحلام ئیبراهیم) هەر ژ زارۆكینیا خوە دگەل بابێ خوە ل جهێ ئاسنگەریێ كاردكر، بابێ وێ تێگەهشتن و زیرەكاتی هەبوو، دا (ویراسەت)ێ بشكێنیت، كچا خوە ل سەر برینا ئاسنی ب ئاگری فێركربوو، خوە گونجاندن دگەل ئاستەنگییان بهێزەكێ ژ یا زەلامی زێدەتر بیت، دبیت وی چ كور نەبن یان بابێ د راهێنانا كورێ خوەدا سەركەفتن نە ئینابیت.
ژ باشیا چەنسێ وێ، دا بابێ وێ برایەكێ تەمبەل هەبیت و شوونا كورێ خوە پشت بەستنێ ل سەر وێبكەت، دبیت ژی وێ كچێ حەز ژ هونەرێ ئاسنگەریێ كربیت و داهێنان تێدا كربیت ب راددەیەكی، كو برینا ئاسنی ب مشارێ كارەبێ بۆ وێ ئاسانتر بیت ژ چێكرنا كوپەكێ چایێ. پەیڤێن ژڤی رەنگی ژی كەسەك نا دەرئێخیت، بتنێ ئەگەر مرۆڤەك نەبیت تامنەكربیتە خوارنا سەرفەرازیێ و خوشی ژ كارێ داهێنانێ وەرنەگرتبیت، دگەلدا ژی ئازادی و سەربەخوی د خوشییا بدەستڤەئینانا كەسایتیێدا تامدكر، ئەڤە ژی سەرەكانیێن بەختەوەرییا راست و دروستن بۆ هەر مرۆڤەكی.
گوتنێن ژنا ئاسنگەر د سادە و سەردەڤ بوون، بەلێ ئەوێ ژ ناخێ كەسەكا بلیمەت، یا خوشییا سەربەخوبوونێ ژ رەوشت و تیتالێن هزاران سالان ل سەر ئێك تەخەبووین تامكری و وێ بیرا من ل ئێك ژ قارەمانێن جیهانێ یێن راكرنا سەنگی ئینا، دگوت: "راكرنا سەنگێن ئاسنی بۆ من سڤكترە ژ كارێن خزمەتكرنێ". كارێ ژنان خزمەتكرنە دناڤ خانیدا و دگەلدا گوهداری و پابەندبوون بۆ دەستهەلاتا زەلامی و لڤێرە ژی پاشڤەبرن و خەموكی دزێن، ئەڤا ژن تێدا دژین.
هەر ژ زارۆكینا خوە من حەز ژ كارێ لێنانگەهێ و خزمەتا ناڤمالێ نە كریە، ئەگەر زەلامەكی هەولدا و خوە ئەو قارەمانەكێ نیشتیمانی ژی بیت و ڤیا من بزڤرینیتە پیشەیێ خزمەتكرنێ، نەشێت چ تشتی ژ ژیانا من هەلكێشیت، لدەستپێكا ژیانا خوە یا نوژداری، من نەشتەرگەرییا سینگی دكر، برینا دەست و پیان ب مشاری بۆ من ئاسانتر بوون كو ئەز پیڤازەكێ د لێنانگەهێڤە سپی بكەم، سالوخەتێن ژنان ژی خوە د سپیكرنا پیڤازان و پاقژكرنا دەستئاڤاندا دبینن، دگەل مەزاختنا ل سەر مالێ ب بەشدارییا مەزنێ خێزانێ و بێی سوپاسی یان هیچ شوكورداریەكێ.
پا ژنا خوە گوریكەرا فەلستینی، ئەڤا چوونا خوە بۆ ناڤ سوپایێ ئازادكرنا نیشتیمانی، ب سەر ژیانا نازك دناڤ خێزانێدا دئێخیت؟ چاوان هەلگرتنا كلاشینكوفێ ب سەر پێشكێشكرنا چایێ بۆ هەڤژینێ خوە د ئێخیت؟ چاوان خێلیێ بۆ ڤەشارتنا چەكی د هەلگریت و نە ڤەشارتنا سەروچاڤێن خوە؟ چاوان كوشتن دبیتە كارەكێ قەرەمانانە و نە كارەكێ زەلامینی بتنێ، دگەل نازكیا مێیاتییا وێ ناگونجیت؟
د زیندانێدا من ژنەك دیت زەلامێ خوە كوشتبوو، دەما دناڤ نڤینا خوەدا ب بەر ژنەكێڤە دیتی. گەلەك یا نازك بوو، كەسێ باوەرنەدكر ئەو دێ شێت پێشیەكێ ژی كوژیت، من گوهلێبوو دگوت "ئەز نەشێم پێشیەكێ بكوژم و ئەز د شێم زەلامەكی بكوژم"..
• د رۆژناما صباح كوردستان ژمارە 46 دا بلاڤ بوویە.
%20copy.jpg)
ليست هناك تعليقات:
إرسال تعليق