عبدالرحمن بامەرنی
د نڤیسینا هەر كورتە چیڕۆكەكێ دا، نڤیسەرێ چیڕۆكێ دشێت وەك نڤیسەر بتنێ خوە دیار بكەت و دیسان دشێت ببیتە بەشەك ژ ڤەگێرانێ ژی. دا باشتر خوە دناڤ بابەتیدا داهێلین، مە كورتە چیرۆكەكا كورت یا (دلدار محەمەد)ی وەك نموونە وەرگرتییە و دا بزانین چاوان (ڤەگێر) د كورتە چیڕۆكا خوەدا مەزراندییە، ل بەراهییێ دێ كورتە چیرۆكێ وەك تێكست دانین و كورتە چیڕۆك هوسا دەستپێدكەت:
« ژ هۆلێ دەركەفتن
هەڤالێ وی گۆتێ:
– تە سەلماند كو بابەت یێ گەهشتی، مانێ ئارمانجا بابەتێ سمینارێ یێ سەرەكی، بەلاڤكرنا حەبكێن خەوێ بوو!».
دڤێ كورتە چیڕۆكێدا نڤیسەری رۆل ب ڤەگێری دایە و ڤەگێر لڤێرە، كەساتیەكا ئافراندییە و مەبەست دا بشێت كۆنترۆلێ ل سەر ڤەگێرانا خوە بكەت و وەك دیار ژی ڤەگێر د روودانێدا یێ بەشدارە، دەما ل دۆر پرسیارا هەڤالێ خوە دبێژیت: (تە سەلماند كو بابەت یێ گەهشتی..).
