عبدالرحمن بامەرنی
ئەز گەلەك جاران ڤێ پرسێ ژخوەدكەم، ئایا مرۆڤ ھەڤال و برادەرێن خوە ب ناڤێ وان و تێكەلییا راستەخوە دگەل وان ناسدكەت، یان ژی ب ئەو تشتێ ئەو پێ د بەرنیاس؟! دبیت ھەردوو ددروست بن، لێ دگەل رۆماننڤیس (سدقی ھرۆری)، ئەڤە تشتەكێ جودایە، ھەر چنەبیت بۆ من بخوە. من رۆمانێن وی یێن خواندنین، لێ من رۆمانێن گەلەك نڤیسەرێن دی ژی یێن خواندین، لێ سەیدایێ ھرۆری برێكا رۆمانێ بتنێ خزمەت نەكریە، نزانم كێ ژوە مالپەرێ (كەلتورنامە) دیتیە یان سەرەدان بۆ كریە، سەیدایێ سدقی ھەر ڤەكولین، خواندن و چالاكیا ئەدەبی ل بەھدینان و یا كێ بیت، ب پیتێن لاتینی دڤی مالپەریدا بلاڤدكەت و ژخوە ئەڤە ژی كارەكێ بچویك نینە،
تو بشێی ب ھەروە و بتنێ حەزا تە ئەو بیت تو خزمەتا نڤیسەر و خزمەتا چاند و ئەدەبیاتا دەڤەرا بادینان بكەی و تە بڤێت دەنگێن وان بگەھینی و سەبارەت قەھوێ ژی دا ژبیرنەكەم، عسمەت محەمەد بەدەلی یاسایەك بۆ ڤەخوارنا قەھوێ یا ھەی و دبێژیت "ھەر دەما مرۆڤی شەكر نزیكی جاوزكێ قەھوێ كر، قەھوە سل دبیت"، لێ ڤەخوارنا ڤێ قەھوێ دگەل سەیدایێ سدقی و برایێ وی سەیدایێ فەوزی، ژبیرا من بر كا ئەو قەھوا من ڤەخواری یا تەحل بوو یان شرین.
ليست هناك تعليقات:
إرسال تعليق