ل بامەرنێ ھەر تشت یێ خۆش بوو

عبدالرحمن بامەرنی

4/5/2025 ل بامەرنی

ئەم مێھڤانێن ھەلەبەستڤان (دایكا دالیایێ) بووین و نیڤرۆ ئەم گەھشتینە بامەرنێ. گەشتا مە نە بتنێ نانخوارنا نیڤرۆ بوو، سەیدایێ سالح كو سەیدایێ من یێ سەرەتایی بوو و دھەمان دەمدا (بابێ دالیایێ)یە و تشتێ گەشتا مە خۆش كری حەزا وی بۆ گەریانێ ھەبوو و بەرێ مەدا رۆژئاڤایێ بامەرنێ ل (گەران ھەسن). بۆ مە بەحسا شكەفتا عەیشۆ ناڤا كر، بەحسا گەلیكان كر، بەحسا بێوكانێ و قاچكێ شڤانی و پیزپیزۆكا و ل سەر گەرا ھەسن مە وێنەكێشان. چاوان كەسەك بۆ دلێ خوە ئاڤێ ل مرۆڤی برەشینیت، وەسان چپكێن بارانێ ھاتن و سەرمایێ تەزنك ب سەر لەشێ مەدا برنە خارێ و ژ وێرێ مە بەرێخوەدا سەرۆكانیێ و یێ بچیتە بامەرنێ و تایبەت وەرزێ بھارێ بیت، دێ رێكا خوە ئێختە بەردەرێ قوپێ و مە ئەڤەكر، وێنە دناڤ ھەلزێ دا، چەندین جورێن گل و گیایی مە دیتن و مە بۆ وێنە بۆ دكێشان و ل بەرامبەری مە، كەڤرۆكا و سیلاڤكێن وێ، شكەفتا دوو دەر و ژوێرێ بۆ باخچێ بن گویزان و یێ بچیتە بامەرنێ و بڤێت جوانییا بامەرنێ ببینیت و چاڤێن خوە ب دیمەنێن جوان ب چەرینیت، دڤێت قەستا دەرۆكێ دزان بكەت. ئەڤە ژی دكەڤیتە چادركی و ھەمی ئالیێن بامەرنێ وەكی شاشەكێ ل بەر چاڤێن مرۆڤی نمایش دبن و ژوێرێ و یێ بڤێت بزانیت جوداھیا خێزانەكا بامەرنی دچ دایە، دێ ئێكسەر ھزرا وی چیتە چایدانكێ چایێ و ڤێجا ئەگەر كادێن گەرم دگەلدا بن و ئەڤە ژی مە ل مالا دایكا دالیایێ خوارن و دەما من گوتی ل بامەرنێ ھەر تشت یێ خۆش بوو، ئەڤێن من گوتین ھندەك ژوان خۆشیان بوون و سوپاس بۆ مێھڤانداریا دەیكادالیایێ و بۆ ماندیبوونا بابێ دالیایێ كو ھەڤالێ مە یێ رێكێ بوو و وی بەھرەكا دی یا خۆش ل سەر گەریانا مە زێدەكری و دا ژبیرنەكەم، ئەگەر كەسەكی بڤێت قەستا بامەرنێ بكەت و میھڤان ھەبن، یان مێھڤان بۆ بھێن و بڤێت ببەتە جھەكی و لێ پەشیمان نەبیت، دێ قەستا خورانگەھا بامەرنێ كەت، شێفێ وێ ژی، شارەزاییا خوە یا چەندین سالان ل كەنەدا ل دانیمارك راستی ئەز نزانم ژكیرێ دگەل خوە ئینایە، لێ یا ئەز دزانم خوارنەكـ پێشكێشی مەكر، كو براستی ژی دەستێن وی خۆش بن و سوپاس بۆ ھەڤالێ ڤێ گەشتێ ھەڤال ئیسماعیل مستەفا و دكتور ئەمجەد عوبەید.