عبدالرحمن بامەرنی
ھەڤالێ من پەرتووكەكا نوی چاپكربوو و گوتی دا پێكڤە ل ھندەك پەرتووكخانان دەینین. ھەڤالێ منە و چاپكرنا پەرتووكەكێ ژی لدەف مە نڤیسەران، خوشترین تشتە، ژبەركو بەرھەمەكێ وی ژ داكیبوو و ھەر ھوسانە ژی، خۆشییا نڤیسەری ئەوە دەما دبینیت ئەو تشتێ ئەو دنڤیسیت، بكەڤیتە سەر لاپەرێن رۆژنامە و گوڤاران و تایبەتی ئەگەر ببیتە پەرتووك و چەند پەرتووكخانان ئەم چووینێ، یێ مە دەھـ دانە داناینە دەف و یێن مە پێنج دانە داناینە دەف و ئەم پێكڤە چووینە قەھوەخانەكێ و مە دوو فنجانێن قەھوێ داخوازكرن. سوحبەتا مە چوو سەر خواندنێ، كارلێكا خواندەڤایی دگەل نڤیسەری، ئەز ددەمەكیدا بەحس دكەم، ل باژێری مە قەیرانا رەخنێ یا ھەی و رەنگە دەما دیڤچوونا رۆژنامە و كوڤارێن ل باژێری دەردكەڤن، دێ دەھان ناڤان بینی، شعرێن وان بلاڤ دبن، كورتەچیرۆكێن وان بلاڤدبن و دەما وان شعر و كورتەچیرۆكان دخوینی، ب چاڤەكێ رەخنێ بخوینی، دێ لاوازییا بەرھەمێ وان بینی و سەرەرای دوان بەرھەماندا تشتێ جوان دێ كەڤیتە بەرچاڤێن تە، لێ تو ھەستددكەی ئەڤی نڤیسەری خوە ماندی نەكریە، ئەگەر ھەمان بەرھەمێ بلاڤكری، چەندین جارێن دی خواندبایەڤە، ب چاڤەكێ رەخنەیی پێداچوون و راستڤەكرن بۆ كربایە، دا تشتەكێ جوان ژێ دەركەڤیت و ئەڤە ئەو سوحبەت بوون دەما من و ھەڤالێ خوە ل رۆژنامەكێ و دنێری، مە دوو سێ رۆژنامێن دی ژی ژ خودانێ چایخانێ داخوازكرن و لاپەرێن وێ ڤەدان. مە گوتە خوە ئەگەر مە رەخنەگرەك ھەبایە، كەسێ ژڤانە ئەڤ شعر و چیرۆكە بلاڤنەدكرن، گونەھا رۆژنامێ ژی نینە دەما رەخنەگر نەبیت و رۆژنامە وەكی ئاشییە، ھندی بدەیێ دێ بێژیت ھێشتا، شعرا باش نەبیت دێ یا ھەر ناڤێ وێ شعر بیت بلاڤكەت و ل ئەنجام، دێ ئەڤ بێسەروبەرییە بیت و دێ كی باوەریێ بۆ وی شاعری دروست كەت یێ 20 شعرێن وی بلاڤبووین كو ئەو نەشاعرە! دەما دا ژ چایخانێ دەركەڤین، ھەرئێك ژمە دەستدا بەریكا خوە، لێ خودانێ چایخانێ ب سیندا راچوو و گوت پارێ قەھوا وە گەھشت، خوزییا ھەر كەسێ دھاتە ڤێرێ وەكی ھەوە رۆژنامە خواندبان.
ــــــــــــــــــــــــ
رۆژناما ئه‌ڤرۆ 3667- 2025/ 12/01
ليست هناك تعليقات:
إرسال تعليق