عبدالرحمن بامەرنی
ھەر كەسێ نەزانیت سیكا سەفارا چ تشتە، دێ بۆ ڤێ ژی بێژم، ل سیكا سەفاران ئامانێن سفری دھێنە چێكرن و ھەر ئێكی چەكوچەك یێ ددەستیدا و تەق تەقا وییە لبەر دەرگەھێ دكانا خوە و ھەر ئێك چاوا بۆ دھێت وەسا چەكوكچێ خوە دادوەشینیت. ھەڤالێ من دەنگێ كەنیا خوە بلندكر و گوت ھەما باشە وەك وە نڤیسەران نینن! من گوتێ بوو؟ گوت ئەو دزانن چەكوكێ خوە دێ چاوا دانن، لێ وە، ئەو وێرەكی ژی نینە. راستی ھەڤالێ من راست دگوت و من ژی گوتێ پێنەڤێت تە یا گوھـ ل شاعر و نڤیسەرێ سوری (محەمەد ماعوزی بووی) مانە؟
گوت ئەرێ. من گوتێ ئەو دبژێت چ شاعرێن مەزن لدەف مە پەیدا نابن، گوتنێ بوو؟ گوتی: دا بشێی شاعرەكێ مەزن بی، دڤێت راستییان بێژی و دا بشێی یێ راست بی، دڤێت یێ ئازاد بی و دا بشێی یێ ئازاد بی دڤێت بژی و دا بشێی بژی دڤێت یێ لولەتەبی!! ھەڤالێ من، ببن ئەزمانكی تشتەك گوت و من زانی یێ خەبەران دبێژیت، لێ من نەزانی ئەو خەبەر بۆ نەبوونا مووچەی بوون یان ئەڤێن سەرسال حەرام كرین یان ژی بۆ نڤیسەران بوون! بەس یا ئەز دزانم، ئەگەر ل سیكا سەفاران ھەر ئێك بۆ كارێ خوە چەكوچێ خوە داوەشینیت، لڤێرە ھەمی خزمەتا بێدەنگكرنا خەلكی دكەن، دا كەس بەحسا مووچێ دوو ھەیڤێن سالا بوری نەكەت، ڤێجا چ حزبێن بناڤ علمانی بن یان حزبێن بناڤ ئیسلامی و ھین د ئازادن چاوا وە بڤێت ھین ژی ب كومێنتا داوەشینن، لێ دا ژبیرنەكەم، پارێ ڤێ ھەیڤێ یێ موەلیدەی بۆ ئەمپێری (20) ھزار و ربعەكن.
ليست هناك تعليقات:
إرسال تعليق