عبدالرحمن بامەرنی
ژ شڤێدی وەرە دەھان پوستێن سوشیال میدیایێ دكەڤنە بەرچاڤ، تێدا وێنێ (مەسعود بارزانی و مەزلوم عەبدی) ھاتینە بلاڤكرن، لایەنەكێ دی ژی وێنێ سەرۆك بافل و مەسرور بارزانی وەكی سەرۆكێ حكومەتا ھەرێمێ و دھەمی پوستان ژیدا، كەیفا خەلكی و دەستخوشیێن خەلكی دھێنەدیتن و بەرییا ئەوا من دڤێت بێژم بنڤیسم، ھێشتا مام جەلال رەحمەت لێ بن یێ ساخ بوو و سەرۆكێ عیراقێ بوو، ناكوكی دناڤبەرا كوردان و شیعان و شیعان و سنوننا دا ھەبوو و كەس ژ كەسێ یێ رازی نەبوو، مام جەلال ئێك ئێكە تەلەفونێن سەركردە و گرگرێن سیاسی یێن عیراقێ دكر، دا بێژیتێ بۆ فراڤینێ تو مێھڤانێ منی،
بەس نەبێژە فلان كەسی، مەبەستا وی ئەوێ وی ناكوكی دگەل ھەین، ھوسا ھەمی سەركردە و گرگرێن عیراقی یێن ناكوك ل سەر مێزا خوارنێ خرڤەكرن، ھەمیان خوە نە رازیكر و گوتنە مام جەلال پا تە ھونەگوتبوو ھەنێ؟ مام جەلال گوتێ، ئەز باوەردكەم كەس ژ ھەوە پێدڤی خوارنا من نینە و وە ھەمی رەنگە خوارنێن خوشتر یێن ھەین ل مالێن خوە ھین بخوون، ئەرێ ئەگەر ئەم ل سەر مێزەكێ دانیشین و خوارنا خوە پێكڤە بخووین و ل سەر بابەتێن خێرێ باخڤین، ما باشترە نینە و ژلایەكێ دیڤە ھین دزانن دێ چەند كەیفا خەلكی ھێت و دێ گەشبین بن. ھیڤیا من ئەوە سەركردێن مە شۆر ببنە ناڤ سوشیال میدیایێ و گەشبینیا خەلكی بڤان روونشتنان ببینن، دا بزانن، خەلكی چ ژوان دڤێت و خەلكی پێدڤی ب چ ھەیە.
ليست هناك تعليقات:
إرسال تعليق