عبدالرحمن بامەرنی
راستی (200) ملیار دینار گەلەكن و ئەگەر ئەز ژی بام شوونا حكومەتێ، دا ھەمان رەفتارێ كەم و دا موچێن فەرمانبەران گیروكەم، ژبەركو ھەر مییەك ژ پشتا ماری بھێتە كێشان، ب گەلەكێ یە! ئەڤا (200) ملیاران ب سەرێ خوە و حكومەت بابێ فەقیر و ھەژارانە و ئەو بۆ مە باشتر دزانیت، كا خێرا مە د چدایە! مانێ ھوسا ئەم یێن فێركرین و پارێ كارەبێ و كارەبا موەلیدەی چەند گران بیت، بازار لدویڤ سەرێ خوە بیت و دەرمانخانە و پشكنینا نوژداری و لیستە درێژە....، لێ ئەم یێن ھی كرین (د خەونێن حێشتران دا بنڤین)، حكومەتا مە یا حەكیمە و موچێن مە یێ بۆ مە پاشكەفت كرین، دێ دەینێن خوە خرا دەین و ماچەكێ ژی ل پشتا ئەنیا خوە دەین؟!!
لێ كێشا مە دگەل گوتنێن مەزنایە و ئەوا ھەتا نوكە ئەم پێ دھاتینە خاپاندن، دەما دگوتن گوتنێن مەزنا نەخشێ ل بەرینە و دگوتن یێ گوھێ خوە نەدەتە مەزنا دێ لێ ھێن شاخێن بزنا و ئەڤە ھەمی ژی ب سەرێ خوە، بتنێ گوتنەك من د حەلینیت ئەوا دبێژیت (ئەگەر خێر ھاتە وەلاتی دێ گەھیتە ھەمی مەخلوقاتی).
ئێ باشە یا ئەم دزانین ژ دەولەت سەرێ شەرێ رۆسیا و ئوكرانیا، بھایێ بەرمیلا گازێ ب سەر (110) دولاران كەفت و بخێرا وی شەری، خێر ھاتە مللەتی و لێ چ نە گەھشتە مەخلوقاتی!!! موچە وەك خوە مان، لیترا پانزینێ گەھشتە ھزار دیناران و سیك یا دفیریێت و بەحسێ ھندەك جورێ خارنێ ناكەم، دا نەبیتە (بەلبەلە) و ئەو جورێ خارنێ ل بازاری یێ گران دبیت، ژبەركو دبێژن ژ (ئوكرانییا) دھێت.، ئەرێ حكومەت، بابێ ھەژاران، ما تو نەشێی وان بازرگانان ژی سەر سم بكەی؟! ھەر چنەبیت ئەوا ل كوگەھان گران و ل بەر دكانان ھەی گران نە فروشن. خوە ئەڤە ژی چیرۆكێن پیرھەڤییان نینن وەك پاشكەفتی دێ مە د بەررا نڤینن؟!!!
ـــــــــــــــــــــــــــــــــــــــــ
https://www.facebook.com/photo/?fbid=10216697831078505&set=g.209899095715001
%20copy.jpg)
ليست هناك تعليقات:
إرسال تعليق