عبدالرحمن بامەرنی
من عەشقا كری و ئەز بەھایێ عەشقێ دزانم و رۆژا عاشقان ل ھەر كەسی پیروزدكەم، یێ رێزێ ل عەشقا خوە بگریت. من گوت یێ رێزێ ل (عەشقا خوە) بگریت! نەك عەشقێ بكەتە ترانە و بتنێ تێركرنا حەزان.
دوەسفا عەشقێ دا پرسیار ژ فەیلەسوفەكی ھاتە كرنێ، عەشقێ لدەف تە چ پێناسە ھەیە؟
گوت: "دەما پارە د بەریكا تەدا ھەبیت و تو و ھەڤالا/ێ خوە ل ناڤ پاركەكێ بتنێ و ل سەر تەختەكێ دەبی یێ رەق و ل بەر بارانێ دروینە خارێ و لەفەكا ب ترسی دخوون و ل نزیك وە، خوشترین خارنگەھـ ھەبیت و ئەو جھـ بۆ ھەوە خوشتر بیت، ئھا دبێژنە ڤێ عەشق".
دا بزڤرمە بابەتێ خوە و رۆژا عاشقان و ئەڤێن ڤێ رۆژێ پیروزدكەن و ئەڤێن بەر باران دكەن و ئەڤا من دڤێت بێژم. زورا ئاساییە مە رۆژەك بۆ ھەمی تشتەكی ھەبیت، دڤان رۆژاندا ئەم پێداچوونێن خوە بكەین و ئەگەر رۆژا دایكێ بیت، ئایا یا پێدڤی مە بۆ دایكا خوەكریە؟ ئەگەر رۆژا زارۆكان بیت، ئایا ئەم شیاینە پەروەردەكا جوان بدەینە زارۆكێن خوە و داخوازیێن وی بۆ بەردەست بكەین؟ ئەگەر وەك ئەڤرو ژی و رۆژا عاشقان بیت، ئایا ئەز دگەل خوە و دگەل ئەڤا/ ئەڤێ عەشقێ دكەم، مەبەستا من دناڤبەرا دناڤبەرا دوو كەڤاناندا (حەزكرن/ تێركرنا شەھوەتان و خاپاندن) یان ژی (حەزژێكرن/ عەشق) و ئەم كیشكێ ژ ھەردووكان دكەین و پێنەڤێت تێگەھێ عەشقێ یان كو خوە گوریكرن؟!
گوتنا من یا دی بۆ ئەڤێن ڤێ رۆژێ بەرباران دكەن، ئایا مە چەند رۆژێن ئاینی ھەنە و مە ئەو رۆژێن ھەنێ ساخدكرن، بۆ نمونە ل شەڤا (عاشورا) ئەم زارۆك ل بەر دەرێ مالان دگەریان و مە ئەڤ سترانە دگوت (عاشیرا عاشیرا.. مەمكێن داپیرا.. بۆ مە كتكو ھژیرا).. و ھەر كەسێ ل گوندی و یێ نەزانیبا رۆژا عاشورا چ تشتە؟ پسیارا مەلای دكرن و وان ژی رێز لڤێ رۆژێ دگرتن.
ب ھەمان پیڤەر، ئەگەر رۆژەك ب ناڤێ رۆژا عاشقان ھەبیت، دێ چەند یا جوان بیت كور و كچ ڤێ رۆژێ ل ئێك پیروز بكەن و تا ئەڤێن ل ژیێ من ژی و ب عەشقێ ھەڤژینی پێكئیناین، گولەكا سور بكرن، دەما قەستا مال دكەن و بیرێ ل عەشقا خوە بینین و رۆژێن خوش و نەخوشێن بەرییا چەندین سالان ل بیرا خوە بینن!!
ئەڤە بخوە ژی دەرئەنجامێ یاسایەكا سروشتییە، ھەر بیرئانینەك سەرراستكرنەكە و دڤێ بیرئانینێدا ئەم عەشقێ ب سەر حەزا و خاپاندنێ بێخین.
ـــــــــــــــــــــــــــــــــــــــــــــــــــــ
https://www.facebook.com/photo/?fbid=10216630573917118&set=g.209899095715001
ليست هناك تعليقات:
إرسال تعليق