كێ سەرھلدان كریە؟! ئەو پرسیارا ژ پوستەكی زێدەتر ب بەرچاڤێن من كەفتی

 عبدالرحمن بامەرنی

ئەز دێ ژ گوتنەكا رەحمەتی سەیدایێ (سەدیق شەروی) بابەتێ خوە نڤیسم، كو ماموستایێ من بوو و جارەكێ د پولێڤە بۆ مە گوت: "تا كولكا عەداڤێ دەر ببیت و شوینا وێ كول نەبیت! دڤێت ئەو كولكە باش بگەھیت و زەر ببیت و ھەر گاڤەكا دەربوو ژی، دێ ژ عەداڤێ پاقژ بیت و برینا وێ زوی خوە لێكدەتەڤە".

ھەمان تشت بۆ سەرھلدانێ ژی دروستە. ئەگەر بێژین حزبێن مە یا كری، چ راستیەك بۆ نینە و حزبێن مە یێن ھاتینە سەر سفرا حازر، لێ ئەو راستییا دڤێت بھێتە گوتن، پێشمەرگە و حزبێن كوردی ل چییا پشتەك بوون، كو خەلك زێدەتر و ب گەرم و گورتر ب سەرھلدانێ رابن.

ھەر چاوا بیت ئەڤە راستییە و ناھێتە ڤەشارتن، لێ یا ئەڤ راستییە تێكدایی، لێكڤەكرنا كێكێ و ئەنجامێ سەرھلدانێ بوو. خەلكی خوە كێم ددیت و ژبەركو خەلك یێ رێكخستی نەبوو و سەرھلدان یا رێكخستی نەبوو، خەلك نەشییا ببیتە خودانێ سەرھلدانێ و ژبەركو موستەشار و چەتە و سەرەرای رولێ وان یێ بەرچاڤ، لێ وان ھەست ب كێماتیێ دكر، ھەستدكر كو ئەو ل ئالیێ دوژمنی نە زێدەتر ژ یێ پێشمەرگەی و ئەو نەشییان خوە ل ھیچ تشتەكی بكەنە خودان، بتنێ دەستێ وان ب سەرێ وانڤە بوو.

ما حزب! پشتی سەرھلدانێ كو راستی بیت بەرییا سەرھلدانێ ئەڤ قەدەر ناڤێن حزبان مە نەدزانی!! دەما بەرەیێ كوردستانێ دروست بووی، ل پشت ئێك مێزە شەش بۆ حەفت كورسییان رێز دبوون و كەسێ خوە ب كەسێ نەدا و ئەڤێ ڤەخاند، تا ھەلبژارتنێن پەرلەمانی و لێ ژبەركو حزبێن مە ھاتنە سەر سفرا حازر و لدوور كێكێ خرڤەبوون و گورەپان بۆ وان یا ڤالا بوو، دەست بلێكڤەكرنا كێكێ كرن زێدەتر ژ رێڤەبەرنەكا مەدەنییانە، ((مەبەستا من ب مەدەنیانە، رێڤەبرن و رێكخستن ل چییان جوداترە ژ رێڤەبرنێ و رێكخستنێ لناڤ باژێران!!)).

ژ ئەنجامێ نە رێكخستنا وان و شارەزایینەبوونا حزبێن مە د رێڤەبرنێدا و كورتییا وێ ژی ھەر ھوسانە ((دەما مرۆڤ تشتەكی بێ ساناھی بدەستڤە دئینیت، زوی ژ دەست ددەت ژی! ئەز چ گوتنێن مەزنان ژی ل سەر نائینم)).

لێ ئەگەر تا نوكە بەردەوامییەك ھەبیت و ھەرێما كوردستانێ خوە ل سەر ھندەك لنگان گرتبیت، بارا دلسوزییا وی خەلكییە یێن سەرھلدان كرین و بارا وان چەتان ژی یا دناڤدا، ئەڤێن چەك و سیلەح دخانیێن خوەڤە ھەین و تەقە ل بارەگایێن ئەمنێ و حزبا بەعس كرین و بارا وی پێشمەرگەی یا ھەی، ئەڤێ مال و زارۆكێن خوە ھێلاین و ب چول و چییا كەفتین و شەرمێ ژ ماندیبوون و قوربانیدانا خوە دكەن، بارا دەیكێن شەھیدا و كەس و كارێن ئەنفالانە و وان دایكانە، ئەڤێن نیڤا شەڤا ل بەر سەرمایێ ھەڤیر ب تەنیرێ ڤە ددا و دكرە و نان دكرنە د چاندكا پێشمەرگەییدا! ئەگەر راستیەك ژبلێ ئەڤا ل سەر من گوتی ھەبیت ژی، ئەز بخوە نزانم چ لێكدانێن دیتر و جوداتر بۆ بكەم.

ـــــــــــــــــــــــــــــــــــــــــــ

http://rwangauraxna.com/ba/detail.aspx?IDNews=5670

https://www.facebook.com/photo/?fbid=10216737262424264&set=g.209899095715001