عبدالرحمن بامەرنی
ھەڤالەكێ من گوت: "ل دھوكێ گەلەك زەنگین یێن ھەین، خەلك نزانیت دێ پارێن خوە چ لێكەت!". بەلگەیێ وی ژی بۆ خارنا فتارێ بوو، كو ب زوری ل خارنگەھێ مێزەك بدەستكەفت و گوتە من، ل پرانییا خارنگەھا ئەڤە ب بەرچاڤێن من كەفتیە و تایبەت بۆ شیڤخارنێ و فتارە شكاندنێ و یێ ژخوە پشت راست بوو كو خەلكێ دھوكێ زەنگین زەنگینن!!
ئەز ژ وی باش تێگەھشتم كو بەرپرسێن مە ژی ھەمان بەرێخوەدان یا ھەی، ژبەركو بتنێ ئەو كەسێن وەك خوە زەنگین دبینن و ئەو ھەست ناكەن كو ھەژار و پێدڤی تژی باژێرینە و دڤێت تێكەلییەك ھەبیت، باژێر ھەمی دحالخوش نینن، ھەمی زەنگین نینن و ھەمی ھەژار ژی نینن، لێ بەرپرس و زەنگینێن مە دزورن و دڤێت ھەست ب بەرپرساتیێ بكەن، كو كەسێن پێدڤی ھەنە و دشێن دەستێ ھاریكاریێ بۆ درێژ بكەن.
دڤێت زەنگینێن مە و ھەڤباوەرێن وانێن بتنێ خوشگوزەرانیێ دبینن چەند پایەكا ژ بلنداھییا خوە بھێنە خارێ و ل تەخا ھەژارا بنێرن و نمونێن ھاریكاریكرنێ ژی زورن و ئێك ژوان دەما دگەل كچا خوەیا بچیك چووینە ناڤ بازاری دا جلكێن جەژنێ بۆ بكرین و من تێبینییا دەفتەركەكێ كر ددەستێ خودانێ دكانێ دابوو و ھندەك پارە ل سەر دنڤیسین، من پرسیارا وێ دەفتەرێ ژێ كر؟ گوت ھندەك زەنگینێن خێرخاز، پارە یێ دانایە دەف من و بۆ ئەڤێن ھەژار و شیانێن كرینا جلكان بۆ زارۆكێن خوە نەبن، ئەم ژ وی پارەی رادكەین.
تشتێ ئەز كێشایمە ڤێ نڤیسینێ ژی، ئەرێ دا چەند یا جوان بیت ئەڤ دەرگەھە ھاتبایە ڤەكرنێ، كو د بازاریدا مرۆڤ دشێت دایك و خووشكێن ھەژاران ژ ئەڤێن دی ناس بكەت، دەما جلكان دكرن و بازاری دكەن!!
ــــــــــــــــــــــــــــــــــــــــ
https://www.facebook.com/photo/?fbid=10216880499885111&set=g.209899095715001
ليست هناك تعليقات:
إرسال تعليق