من رۆندكێن (حەسەن عەلی خەنجەر)ی دیتن!!

 عبدالرحمن بامەرنی

ھندەك كەس نەیێن خوەنە! نەیێن خوەنە یان كو نە ملكێ خونە و مرۆڤ كوردینییا پاقژ دواندا دبینیت. من حەسەن عەلی خەنجەر د بەرنامێ ژیما دا دگەل میدیاكار ھەرمانی ل سەر كەنالێ كورد ماكس ھوسان دیت. ھەر كەسێ حەسەن عەلی خەنجەر ناس نەكربیت، تایبەت نفشێ نوی، ئەو سترانبێژەك بوو، ئەز ژخوە بێژم، ئەوا من د زارۆكینییا خوەدا ئەڤ سترانبێژە ناسكری، گوھدارییا دەنگێ وی كری، سترانێن وی، چ یێن كوچك و دیوانا و بیرا من دھێت، كا چاوان دڤیابا ھەر كەسی كاسێتەك یان چەند كاسێتێن وی یێ مسەجلێ د مالێدا ھەبانە، بەرێ دوو مسەجلان ددانە ئێك و ژوور ھەمی بێدەنگ دكرن و سترانێن وی ژ كاسێتێ بۆ كاستێی دوبارە توماردكرن، برێكێن دەستپێكی.

ئەڤا من دڤێت بێژم ئەڤە ھەمی نینە و دوو تشتان ددیدارا ویدا ئەز پالدامە ڤێ نڤیسینێ، ئێك دەما پرسیارا بەرپرسان ژێھاتیكرنێ و وی ناڤێ ھندەكان ب ناڤ و نیشان گوتی و گوت: من پارێ وە نەڤێت؟ مەبەستا وی ھەڤالێن خوە یێن شورەشێ ژبیرنەكەن. من نمونا دەھان دەیكان، دەھان خێزانێن ھەژار یێن گوندان ئیناینە بەرچاڤێن خوە، دەھان پێشمەرگەھێن ئەڤرو دخانیێن كرێڤە و كەتینە بەر نەخوشییان، دەھان دایكێن شەھیدا و زیندانیێن سیاسی! ئەڤان پارە نەڤێن و ئەڤێن كوردینی كرین و خوشی ھێلاین و ب چول و چیا كەفتین، وان پارە نەڤێن وان بەھایێ خوە دڤێت بەھایێ وان رێزگرتنە و بەھایێ وان كێمكرن نینە، ئەڤرو بچن خوە ل بەر كەسەكی ب چەمینن و دەستێ خوە درێژ بكەن، كو رۆژەكێ ئەو ب دوژمنێن خوە دزانین، ئەو د خوشیاندابوون و پارە بۆ گرتن و خوینا وان و كوشتنا وان وەردگرن و ب جاش و خو فروش ناڤدگرن و ئەڤرو ھەمی تشتن!!

تشتێ دوویێ دەما (حەسەن عەلی خەنجەر) تبلێن دەستێن خوە دناڤ ئێكرا برین و گوتی كورد و ئێكگرتن و دەولەت و نەشیایی بەردەوامیێ بدەتێ و رۆندكان جھێ وان گرتی.

ئھا ھینگێ من زانی ئەم یێ دچ ھەتكبەریێدا، حەسەن عەلی خەنجەری دڤییا بێژیت، ئەڤا ھوین دكەن دژی وان ھەمی تشتانە ئەڤێن مە خەبات بۆ دكر، پەیاما وی یا ئاشكەرا بوو و راستە راست بوو، من گوت یا راستە راست بوو، ژبەركو رۆندكێن گەلەك تشتێن دی دگوتن و د ترسییا ئەڤ رۆندكە ژی ب بەرئاڤێدا بچن!!!

https://www.facebook.com/photo/?fbid=10216648163276841&set=g.209899095715001