لاپتوپ...........
عبدالرحمن بامەرنی
Bamerni77@yahoo.com
تشتێ ڤێجارێ ئەز لڤێ نڤیسینێ راوەستاندیم، سەفەرەكا من یا هەولێرێ بو، رەخنەكا بێ رامان، دفن بلندی، هەر تشتێ تو ددەرحەقی وی دا بێژی! هەر چەندە خەلكی هەمیێ مافێ هەی یێ نەرازی بیت و نە رازیبون بخوە ژی پروسەیەكا ساخلەم و دیموكراسی یە، لێ نەرازیبونێ ژی ئەتەكێتێن خوە هەنە، هەر وەكو یا بویە دیاردە، دا كو خوە باشتر نیشان بدەی، دێ رابی ب شكاندنا من! شكاندنا من ژی، هەمی ئەو تشتن یێن بمن ڤە گرێدای، ناڤێ من و گوندێ من و ژینگەها من و ئاینێ من و نەتەوا من و باژێرێ من وووووو.
بەری چەندەكێ بو ئەز ژ هەولێرێ دزڤریمە ڤە، درێكێ دا شوفێری گوتی: ئەگەر دەستیری بیت، دێ ل خارنگەهەكێ برێڤە خارنەكێ خوم، مە ژی كو ئەم سێ نەفەر بوین، مە رازیبونا خوە ل سەر ڤێ چەندێ نیشان دا، ئەوی خارن خار و هەڤالێ وی كو هەردوو ل كوشنێن پشتێ یێن ترومبێلێ درونشتی بون و شنی مە دوێ خارنگەهێ ڤە سەروچاڤێن ئێك دیتن، من گوتێ كەرەمبكە ل سەر ڤێ مێزێ دا پێكڤە ئەم چایەكێ ڤەخوین؟ جامێری هات، ئێكەم سوحبەتا وی دەست برەخنێ كر، ڤیا بو من بڤی رەنگی خو بدەتە ناسكرن كو ئەو ل وەلاتەكێ روژئاڤای ژیانێ دبەتە سەر و یا دوێ ژی بو من (تەجروبا) خوە و دنیا دیتنا خوە یا روژئاڤای نیشا من بدەت. گوت: هەمی تشت دێ هێنە گوهورین، بەس خەلكێ مە چ جارەكێ ناهێتە گوهورین، من ژی گوتێ مەرەما تە چیە؟ گوت: ئەڤ خەلكێ ل ڤان گوندان بو نمونە، خانیێن وان دبێ سەروبەرن و تژی بەر سینگێ مالا وان تشت و مشتن و هیچ جارەكێ فێرنابن تشتێن زێدە ژ بەر دەرێ مالا خوە بهاڤێژن.
هەر چەندە ژیانا گوندان دخازیتە هەمی پێدڤیاتیەكێ و چ تشت بو وان یێ زێدە نینە، ژبەركو داهاتێ وان ل سەر ئێك تشت بتنێ نینە، جوتیاری یە و زەڤی و كێلن و پەز و حێوانن و دار و دوقن و سەرما و زڤستانن، لێ برادەرێ مە لڤێرە بتنێ نە راوەستیا، بەلكو دابەزی ل سەر دهوكێ، نە بتنێ هەمی تشت لێكدانی سفرێ كرن، بەلكو برادەر یێ گەهشتیە راددەیەكی كو دهوكێ هیچ جارەكێ ناهێتە گوهورین. ئەڤی برادەری بیرا من ل گوتنەكێ ئینا ئەز یێ بچووك بوم، دگوتن مەلایەك ژ دەڤەرا (بادینا)، چبو وەلاتێ روسیا و حەفت سالان ل وێرێ مابو، دەما زڤریە ڤە حێبەتییا خوە نیشان دا بو، كو هێشتا مەهركرن لناڤ كوردان یا مای!
هەر چەندە ژیانا گوندان دخازیتە هەمی پێدڤیاتیەكێ و چ تشت بو وان یێ زێدە نینە، ژبەركو داهاتێ وان ل سەر ئێك تشت بتنێ نینە، جوتیاری یە و زەڤی و كێلن و پەز و حێوانن و دار و دوقن و سەرما و زڤستانن، لێ برادەرێ مە لڤێرە بتنێ نە راوەستیا، بەلكو دابەزی ل سەر دهوكێ، نە بتنێ هەمی تشت لێكدانی سفرێ كرن، بەلكو برادەر یێ گەهشتیە راددەیەكی كو دهوكێ هیچ جارەكێ ناهێتە گوهورین. ئەڤی برادەری بیرا من ل گوتنەكێ ئینا ئەز یێ بچووك بوم، دگوتن مەلایەك ژ دەڤەرا (بادینا)، چبو وەلاتێ روسیا و حەفت سالان ل وێرێ مابو، دەما زڤریە ڤە حێبەتییا خوە نیشان دا بو، كو هێشتا مەهركرن لناڤ كوردان یا مای!
براستی دیاردا رەخنەگرتنێ گەلەك یا بەربەلاڤە، ژبەركو هەمی تشتەك بلەز دهێت، ئەو تشتێ دهێت ژی ژ عەقلی مە مەزنترە، ئەم هەول نادەین عەقلێ خوە ژی دگەل وان تشتان مەزن بكەین و بخوینین و لێبگەرین و پسیار بكەین، تشتێ خرابتر ژی ژ ئەڤێ چەندێ، دیارەدەیا رەخنەگرتنێ و خو قانعكرنێ گەلەك یا بەربەلاڤە و ئەم هەمی دفێرین برینان و كێماسیان دەست نیشان بكەین، لێ پسیار ئەڤەیە، ئایا ئەم دزانین دەستێ خوە بدانینە سەر وان برینان و ل رێكێن چارەسەریێ بو بگەرین؟ ئها ئەم نەشیاینە ڤێ چەندێ بكەین و ئەم ژبیردكەین ژی ئەم هەمی یێن دئێك ژینگەهـ دا مەزن بوین و هاتینە پەروەردەكرن، ڤێجا ئەگەر دگەل رەخنە گرتنێ مە رێكێن چارەسەریێ هەبن، كەرەمبكەن و هینگێ وە مافێ گازندێ یێ هەی، بەس ب مەرجەكی، ئەو رێكێن چارەسەریێ ژی ئەو بن كو دشیان دابن، هەكو وەكو مەزنان گوتی (ئەم هەمی برییا سەركەتنا چیایی دكەڤین، بەس رییا هاتنە خارێ جهێ پسیارێ یە؟!!).
%20copy.jpg)
ليست هناك تعليقات:
إرسال تعليق