لاپتوپ...........
عبدالرحمن بامەرنی
Bamerni77@yahoo.com
دەما ئەز هزر ل موچێ خوە یێ هەیڤانە دكەم، ئێكسەر ئەز هزرا كەرێ سابینێ دكەم! هەمی تشت دگەل ڤی كەرێ سابینێ هاتنە گوهارتن، ئەڤە نە ئەو گوهورینە یا دگەل من بتنێ پەیدا بوی، بەلكو خەلكێ ڤی باژێری هەمی وەك منن، هەمیان بیرهاتن دگەل كەرێ سابینێ هەبوینە، بتایبەت ئەگەر مووچێ خوە یان داهاتێ خوە یێ سالێن نوتان هەمبەری یێ ئەڤرو و پشتی سالا 2000 ێ بكەن، ئەو داهاتێ ل وی دەمی هەیڤا مە پێ دچوو سەر، ئەڤرو هەمان پارە، جوداهیا سابینێ بتنێ دیار ناكەت، ل وی دەمی كەرەكێ سابینێ بو گەلەك تشتان دهاتە بكارئینان، سەر و ریهـ پێ دهاتنە تراشین، سەر و لەش پێ دهاتنە شویشتن، ئامان پێ دهاتنە شوشتن و ژاراڤ كرن، جل و بەرگ و گورە و جلكێن زاروكا و لحێف و بەتەنی و دووشەك و تا تەوالیت و دەست شو ژی پێ دهاتنە پاقژكرن.
ئەگەر ئەڤا ل سەری بكەینە نمونە بو ڤان 22 سالێن پشتی سەرهلدانێ، عەقلیەتا سابینی ل نك هەمیان پەیدا بو و كێمان پەیرەو كر، مەرەما من كێم كەسان ئەو عەقلیەتە وەرگرت و خوە پێ گوهارتن، بەلكو عەقلیەتا سابینی كرنە دخزمەتا هندەك تشتێن دی دا، ئاڤاهی بلند بون، ترومبێل بەردەوام دهێنە نویكرن، دەستكێن موبایلان دهێنە گوهورین. مەرەما من زێدەتر، ئەگەر دەمەكی بتنێ مە هزرا شكاندنا برسا روژێ بیت و بارێ ئابوری یێ دەست نەخوش بیت و هەمی تشت دگران بن و كارەب نەبیت و ترومبێل نەبن و نەخوشخانە وەك پێدڤی نەبن و تەلەڤزیون و كەنالێن ئەسمانی و كومبیوتەر و ئەنترنێت نەبن، كولیژ و زانكو پەیمانگەهـ و ژیانا وی دەمی وەك وێ ڤیای خوە ل سەر هەر كەسی سەپاندبیت و دەرفەتا هەلبژارتنێ یا كێم بیت! ئەڤرو جودایە، ئەڤرو ئەم خودانێن خوە و بریارا خوەینە، ئەم دشێین وی تشتی بكێشینە بەر سینگا خوە یێ حەزا مە بو دچیت، ژبەر كو ئەم خودانێن خوە و بریارا خوەینە و ئەم دشێین وەك كونترولی هەمی تشتەكی وەك حەزا خوە بێخینە دخزمەتا خوە دا. ئەگەر دەمەكی ئەم ئێخسیرێن كەرەكێ سابینێ بین و ژ نەچاری مە ئەو سابینە بو هەمی تشتەكی بكار ئینابیت، ئەڤرو ئەم هەمی تشتەكی پولین دكەین و دئێخینە دخزمەتا خوە دا.
تشتێ ڤێجارێ ژی ئەز ل بەر سینگا لاپتوپی راوەستاندیم، هەر ئەڤ كەرێ سابینێ بویە كو تا نوكە ژی برەنگەكی و دوا كارتێكرنا خوە ل سەر هزرا خەلكی یا مای، لێ كارتێكرنەكا خراب و یا بەروڤاژی. یا ئەز هزر دكەم، خەلك یێ فێر بوی تولێن خوە ژ كەرێ سابینێ ڤەكەت و ب دەست بەردای و دەڤ ڤەكری خوە دهاڤێژیتە هەمی تشتەكی و هەست دكەت هەمی تشت بو وی یێ گرنگە، بێی كو هزرێ ل ئایندێ خوە بكەت، تشتێ پێدڤی نەبیت نە كریت و تشتێ ژ پێدڤییا وی زێدەبیت لدوورێن خوە كومڤەنەكەت، ژبەر كو جیهان، ئەڤرو دگوهورینێن بلەز دایە و بلا ئەو داهاتێ ل بەر سینگا مە ئەم دوی بیاڤی دا خەرج بكەین یێ ژیانا روژانە ل سەر دچیت و دیسان بلا ئەم نەبینە چاڤلێكەر و دئەنجامدا، هەمی كەرغەلەكی و تشتەكێ خراب لدوورێن خوە كومڤەكەین. ب مەرەما، كو مە هەمی تشت یێ دخانیێ خوە ڤە هەی و بێژینە دەرو جیرانان ژی، بەلێ من دمالا خوە دا هەمی پێدڤی یێن هەین و ئەز باوەردكەم ژی پەیداكرنا وان تشتان نەبتنێ تشتەكێ زێدەیە، بەلكو گەلەك جاران كارتێكرنا خوە یا خراب ژی ل سەر كەسێن خێزانێ هەیە و بتنێ كو ئەم پێ بیرا خوە ل كرێ سابینێ بینین
Laptop nave gosheka mine li kovara zine hemoo heyvan careke di hete bilav kirin, eve xeleka 4 e boo di jimare 7 ya ve kovare da dihete bilav kirin
%20copy.jpg)
ليست هناك تعليقات:
إرسال تعليق